ଭାରତୀୟ ଯୁବକଙ୍କ ପ୍ରେମରେ ବିଦେଶିନୀ : ପ୍ରେମରେ ପାଗଳୀ ହୋଇ ଛାଡିଲେ ଦେଶ
ପ୍ରେମ କେତେ ଶାଶ୍ୱତ ଓ ପବିତ୍ର ତାହା ପ୍ରମାଣିତ କରିଛନ୍ତି ଆମେରିକୀୟ ଯୁବତୀ କୈନଡୀ ମେରୀ । ଆମେରିକା ଗୋରୀ କୈନେଡୀ ହିମାଚଳର ଜଣେ ଯୁବକଙ୍କ ପ୍ରେମରେ ପାଗଳ ହୋଇ ସାତ ସମୁଦ୍ର ତେର ନଇ ଡେଇଁ ଆସି ପହଞ୍ଚିଛନ୍ତି ଭାରତରେ । ହିମାଚଳ ଚମ୍ବା ଜିଲ୍ଲାର ସଲୁଣୀ ଉପଖଣ୍ଡର ତିବାରୀ ଗାଁର ବାସିନ୍ଦା ହେଉଛନ୍ତି ପୃଥ୍ୱୀ ସିଂ । ଆମେରିକାର ୱାସିଂଟନର ଯୁବତୀ କୈନେଡୀ ମେରୀଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତ ପୃଥ୍ୱୀ ସିଂ । ସଲୁଣୀ ଏସଡିଏମ କାର୍ଯ୍ୟାଳୟରେ ଉଭୟେ ଉଭୟଙ୍କୁ ଜୀବନ ସାଥୀ ରୂପେ ବାଛିଛନ୍ତି । ୨୦୧୫ରେ କୈନେଡୀ ଡେଲହୌଜି ବୁଲିବା ପାଇଁ ଆସି ଭେଟିଥିଲେ ପୃଥ୍ୱୀ ସିଂଙ୍କୁ ଏବଂ ସେଇଠୁ ଆରମ୍ଭ ହେଲା ତାଙ୍କ ନିଆରା ପ୍ରେମକାହାଣୀ । ଏମିତି ଏକ କାହାଣୀ ପ୍ରକାଶ ପାଇଛି ଅମର ଉଜାଲାରେ ।
Kanak News is now on WhatsApp
Join and get latest news updates delivered to you via WhatsApp
ଗରୀବ ପରିବାରରୁ ଆସିଥିବା ପୃଥ୍ୱୀ ସିଂ ଏକ ହୋଟେଲରେ କାମ କରନ୍ତି ଏବଂ ସ୍କୁଲରେ ପିଲାଙ୍କୁ ଜୁଡୋ କରାଟେ ପ୍ରଶିକ୍ଷଣ ମଧ୍ୟ ଦିଅନ୍ତି । ସେ ଯେତେବେଳେ ୨୦୧୫ରେ ଡେଲହୌଜି ବୁଲିବା ପାଇଁ ଆସିଥିଲେ ସେତେବେଳେ ତାଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା, ରହିବା ପାଇଁ ମଧ୍ୟ କୈାଣସି ସୁବିଧା ନଥିଲା । କୈନଡୀଙ୍କ ଅସୁବିଧା ସମୟରେ ପୃଥ୍ୱୀ ତାଙ୍କୁ ନିସ୍ୱାର୍ଥପରଭାବେ ସାହାଯ୍ୟ କରିଥିଲେ ।
ଏହାସହ ପୃଥ୍ୱୀ କୈନେଡୀଙ୍କ ପାଇଁ ହୋଟେଲରେ ରହିବା ପାଇଁ ସୁବିଧା କରାଇଲେ ଏବଂ ତାଙ୍କୁ ବିଭିନ୍ନ ପର୍ୟ୍ୟଟନ ସ୍ଥଳୀ ମଧ୍ୟ ବୁଲାଇ ଦେଖାଇଥଲେ । ସେବେଠାରୁ ହିଁ ସେମାନଙ୍କ ମଧ୍ୟରେ ବନ୍ଧୁତା ସୃଷ୍ଟି ହୋଇଥିଲା ଏବଂ କୈନେଡୀ ପୃଥ୍ୱୀଙ୍କୁ ବିବାହ ପ୍ରସ୍ତାବ ଦେଇଥିଲେ । କିନ୍ତୁ କୈନେଡିଙ୍କ ପ୍ରସ୍ତାବରେ ଦ୍ୱିଧାରେ ପଡିଗଲେ ପୃଥୀ, କାରଣ ସେ ଦ୍ୱାଦଶ ଯାଏଁ ପାଠ ପଢିଛନ୍ତି ଯାହା ଦ୍ୱାରା ପ୍ରଥମେ ପ୍ରଥମେ ତାଙ୍କୁ ଇଂରାଜୀ ଭାଷା ବୁଝିବାରେ ଅସୁବିଧା ହୋଇଥିଲା । କିନ୍ତୁ ପ୍ରେମ ଆଗରେ ସବୁ ଅସୁବିଧା ହାର ମାନିଲା ।
ନବବିବାହିତ କୈନେଡୀ କହିଛନ୍ତି ପୁରା ବିଶ୍ୱରେ ଭାରତୀୟ ପୁରୁଷ ହିଁ ଅଧିକ ବିଶ୍ୱସ୍ଥ ରୂପେ ଜଣା ଯାଆନ୍ତି । ଏଥିପାଇଁ ସେ ପୃଥ୍ୱୀଙ୍କୁ ସ୍ୱାମୀ ରୂପେ ବାଛିଛନ୍ତି । ଏହି ବିବାହ ନେଇ ପୁରା ଜିଲ୍ଲାରେ ଚର୍ଚ୍ଚା ହେଉଛି । ଏହାସହ ପୃଥ୍ୱୀ କହିଛନ୍ତି ସେ କେନେଡିଙ୍କୁ ଜୀବନସାଥୀ ରୂପେ ପାଇଁ ବହୁତ ଖୁସି ଅଛନ୍ତି । ସେ କେବେ ଭାବିନଥଲେ କି ବିଦେଶୀ ମେମ ତାଙ୍କୁ ପସନ୍ଦ କରି ବବାହ କରିବେ ଓ ତାଙ୍କ ସହ ସଲୁଣୀରେ ରହିବା ପାଇଁ ମଧ୍ୟ ରାଜି ହୋଇଯିବ । ବହୁତ ଯଲଦି ଉଭୟେ ଭାରତୀୟ ରୀତିନୀତି ଓ ପରମ୍ପରା ଅନୁସାରେ ବିବାହ କରିବେ ।