ରାଜ୍ୟସଭା ନିର୍ବାଚନ ପାଇଁ ୟୁପିରେ ହୋଇଛି ‘ଚାୟ ପେ ଚର୍ଚ୍ଚା’ ଓ ‘ଡିନର ଡିପ୍ଲୋମାସି’ ! ଅଲଗା ଅଲଗା ରାତ୍ରି ଭୋଜି ଦେଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ସପା ମୁଖ୍ୟ ଅଖିଳେଶ ଯାଦବ
କନକ ବ୍ୟୁରୋ : ରାଜ୍ୟସଭା ନିର୍ବାଚନକୁ ନେଇ ଉତ୍ତରପ୍ରଦେଶରେ ଦେଖିବାକୁ ମିଳିଛି ଡିନର ଡିପ୍ଲୋମାସି । ଉତ୍ତରପ୍ରଦେଶରେ ୨୩ ମାର୍ଚ୍ଚରେ ରାଜ୍ୟସଭାର ୧୦ଟି ସିଟ୍ ପାଇଁ ହେବ ନିର୍ବାଚନ । ଆଉ ଏଥିପାଇଁ ଦଳଗୁଡ଼ିକ ମଧ୍ୟରେ ଏବେ ଠାରୁ ତତପର ହୋଇଉଠିଲେଣି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଚାୟ ପେ ଚର୍ଚ୍ଚା ଓ ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ମୁଖ୍ୟ ଅଖିଳେଶ ଯାଦବ ଡିନର ଡିପ୍ଲୋମାସିର ସାହାରା ନେଇଛନ୍ତି । ଉଭୟେ ଅଲଗା ଅଲଗା ଡିନର ପାର୍ଟିର ଆୟୋଜନ କରିଛନ୍ତି । ଉଭୟ ଶାସକ ଓ ବିରୋଧୀଦଳ ଅସନ୍ତୁଷ୍ଟ ବିଧାୟକମାନଙ୍କୁ ନିଜ ନିଜ ଆଡକୁ ଟାଣିବା ପାଇଁ କୌଶଳ ଆପଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବହୁ ମନୋମାଳିନ୍ୟ ସତ୍ୱେ ସମାଜବାଦୀ ପାର୍ଟିର ବିଧାୟକ ତଥା ଅଖିଳେଶଙ୍କ ଦାଦା ଶିବପାଲ ଯାଦବ ଅଖିଳେଶଙ୍କ ଡିନର ପାର୍ଟିରେ ଯୋଗ ଦେଇଛନ୍ତି । ସେହିପରି ଯୋଗୀଙ୍କ ଡିନର ପାର୍ଟିରେ ଅସନ୍ତୁଷ୍ଟ ବିଜେପି ବିଧାୟକ ଓମପ୍ରକାଶ ରାଜଭର ଯୋଗ ଦେଇଥିଲେ । ସ୍ୱାଧୀନ ବିଧାୟକ ଅମର ମଣୀ ତ୍ରିପାଠୀ ମଧ୍ୟ ଏହି ପାର୍ଟିରେ ଯୋଗ ଦେଇଥିଲେ । ତେବେ ସପା ବିଧାୟକ ନୀତିନ୍ ଅଗ୍ରୱାଲ ମଧ୍ୟ ଯୋଗୀଙ୍କ ଡିନରରେ ଯୋଗ ଦେଇଥିଲେ ।
ସୂଚନାଯୋଗ୍ୟ ୟୁପିରେ ରାଜ୍ୟସଭାର ୧୦ଟି ସିଟ୍ ପାଇଁ ଆସନ୍ତା ଶୁକମ୍ରବାର ମତଦାନ ହେବାର ଅଛି । କେନ୍ଦ୍ରରେ ବିଜେପି ବହୁମତରେ ରହିଛି । ଏଥିପାଇଁ ୟୁପିରେ ବିଜେପି ୮ଟି ସିଟ୍ ଅକ୍ତଆର କରିବ ବୋଲି ସ୍ୱଷ୍ଟ ହେଉଛି । ଅନ୍ୟପଟେ ସପା ଜଣେ ପ୍ରାର୍ଥୀଙ୍କୁ ରାଜ୍ୟସଭା ପଠାଇବ । ଅନ୍ୟଏକ ସିଟରୁ ବିଜେପିର ଅନୀଲ ଅଗ୍ରୱାଲ ଓ ବିଏସପିର ଭୀମରାଓ ଆମ୍ବେଦକର ମଧ୍ୟରେ ମୁକାବିଲା ରହିଛି । ସପା ବିଏସପିକୁ ସମର୍ଥନ ଜଣାଇବା ପାଇଁ ନିଷ୍ପତ୍ତି ନେଇଛି ।