ରାମ ରହିମଙ୍କ ପରେ କିଏ ସମ୍ଭାଳିବ ଡେରା? ଜେଲ ଭିତରୁ ନିଜର ସାମ୍ରାଜ୍ୟ ଚଳାଇ ପାରନ୍ତି ବାବା
କନକ ବ୍ୟୁରୋ: ରାମରହିମଙ୍କ ପରେ କିଏ ସମ୍ଭାଳିବ ଡେରା । ଆସନ୍ତା ୨୮ରେ କୋର୍ଟ ଦଣ୍ଡାଦେଶ ଶୁଣାଇବା ପରେ ଡେରା ସଚ୍ଚା ମୁଖ୍ୟ ଗୁରମିତ ରାମରହିମ ଜେଲ୍ ଯିବା ଏକ ପ୍ରକାର ନିଶ୍ଚିତ । ତେଣୁ ଏଠାରେ ସବୁଠାରୁ ବଡ ପ୍ରଶ୍ନ ଉଠୁଛି ତାଙ୍କ ପରେ କିଏ ହେବ ଡେରା ମୁଖ୍ୟ । ଏମିତି ବି ଚର୍ଚ୍ଚା ହେଉଛି ଯେ ବାବା ରାମରହିମ ଜେଲ ଭିତରୁ ନିଜର ସାମ୍ରାଜ୍ୟ ଚଳାଇ ପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ କାହାକୁ ନିଜର ଉତ୍ତରାଧିକାରୀ ଘୋଷଣା କରି ନଥିବାରୁ ତାଙ୍କ ପୁଅ ଜସମିତ ସିଂହ ଇନସାଙ୍କ ହାତରେ ଡେରା କ୍ଷମତା ରହିପାରେ । ଏହା ସହ ରାମରହିମଙ୍କ ଦୁଇ ଝିଅ ଚରଣପ୍ରୀତ ଇନସା ଓ ଅମନପ୍ରୀତ ଇନସା ଅଛନ୍ତି । ତେବେ ଏମାନଙ୍କ ହାତକୁ କ୍ଷମତା ଯିବାରେ ସବୁଠୁ ବଡ ବାଧା ହେଉଛି ଡେରାର ନିୟମ । କାରଣ ଡେରା ପ୍ରମୁଖଙ୍କ ପରିବାରରୁ କେହି ପରବର୍ତ୍ତି ପ୍ରମୁଖ ହୋଇ ପାରିବେନି । ତେବେ ରାମରହିମଙ୍କ ଆଉ ଜଣେ ପାଳିତା ଝିଅ ହନିପ୍ରୀତ ଇନସା ବି ଅଛନ୍ତି । ଯାହା ଉପରେ ସମସ୍ତଙ୍କ ନଜର ରହିଛି ।
ତେବେ ଏ ସମସ୍ତଙ୍କ ବ୍ୟତୀତ ଆଉ ଜଣଙ୍କ ନାଁ ମଧ୍ୟ ବେଶ୍ ଚର୍ଚ୍ଚାରେ ରହିଛି । ସେ ହେଲେ, ଡେରାର ୩୫ ବର୍ଷୀୟା ଗୁରୁ ବ୍ରହ୍ମଚାରୀ ବିପସନା । ରାମରହିମଙ୍କ ପରେ ଡେରା ଉପରେ ସବୁଠୁ ଅଧିକ ପ୍ରଭାବ ହେଉଛି ବିପସନାଙ୍କର । ତାଙ୍କ ଅଧିନରେ ୨୫୦ ଲୋକଙ୍କ ଏକ ଟିମ୍ ରହିଛି ଯେଉଁଥିରୁ ୧୫୦ ଜଣ ହେଉଛନ୍ତି ମହିଳା । ତେବେ ବିପସନାଙ୍କ ପରି ରାମରହିମଙ୍କ ପାଳିତା କନ୍ୟା ୩୫ ବର୍ଷୀୟା ହନିପ୍ରୀତ ମଧ୍ୟ ଗୁରୁ ବ୍ରହ୍ମଚାରୀ । ବିପସନା ଓ ହନିପ୍ରୀତ ଉଭୟ ବାବା ରାମରହିମଙ୍କ ବିଶ୍ୱସ୍ତ ଓ ନିକଟତମ । ତେଣୁ ରାମରହିମ ଜେଲ ଯିବା ପରେ କ୍ଷମତା ଏହି ଦୁଇଜଣଙ୍କ ହାତରେ ରହିବା ନେଇ ବେଶ୍ ଚର୍ଚ୍ଚା ହେଉଛି ।