ଖାଲି ଥିବା ଇଂଜିନିଅରିଂ ସିଟ୍ ପୂରଣ ପାଇଁ ଆସନ୍ତା ୧୦ରେ ହେବ ଦ୍ୱିତୀୟ ଜେଇଇ ! ସମସ୍ୟାର ସ୍ଥାୟୀ ସମାଧାନ ପାଇଁ ହାଇକୋର୍ଟଙ୍କ ପରାମର୍ଶ
କନକ ବ୍ୟୁରୋ : ଇଂଜିନିୟରିଂ କଲେଜରେ ଖାଲିଥିବା ସିଟ ଗୁଡ଼ିକର ପୁରଣ ପାଇଁ ସ୍ପେଶାଲ ଓଜେଇଇ ନେଇ ହାଇକୋର୍ଟରୁ ମିଳିଲା ଅନୁମତି । ବି.ଟେକ୍ ପାଠ୍ୟକ୍ରମରେ ଖାଲିଥିବା ସିଟ୍ ପୂରଣ ଲାଗି ସ୍ୱତନ୍ତ୍ର ଓଜେଇଇ କରିବାକୁ ଓଡ଼ିଶା ପ୍ରାଇଭେଟ୍ ଇଂଜିନିୟରିଂ କଲେଜ ଆସୋସିଏସନ୍ (ଓପେକା) ଦାବି କରିଥିଲା । ଏହାସହ ସ୍ୱତନ୍ତ୍ର ଓଜେଇଇ ନିହାତି ଆବଶ୍ୟକ ବୋଲି ଓପେକା ହାଇକୋର୍ଟରେ ଆବେଦନ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସଂଘ ପକ୍ଷରୁ କୁହାଯାଇଥିଲା, ଗତ କିଛି ବର୍ଷ ତୁଳନାରେ ଚଳିତ ବର୍ଷ ବିଟେକ୍ ପାଠ୍ୟକ୍ରମରେ ଛାତ୍ରଛାତ୍ରୀଙ୍କ ସଂଖ୍ୟା ନୈରାଶ୍ୟଜନକ ହୋଇଛି । ୩ ବର୍ଷ ହେଲା ଘେରୋଇ କଲେଜରେ ୬୦ ପ୍ରତିଶତ ସିଟ୍ ଖାଲି ରହୁଥିବା ବେଳେ ଚଳିତ ବର୍ଷ ଏହି ସଂଖ୍ୟା ପ୍ରାୟ ୯୦ ପ୍ରତିଶତ ରହିଛି, ଯାହାକି ଚିନ୍ତାର ବିଷୟ । ଏହା ହେବା ଦ୍ୱାରା ଘରୋଇ ଇଂଜିନିୟରିଂ କଲେଜଗୁଡ଼ିକ ପ୍ରତି ସଂକଟ ଦେଖାଦେଇଛି । କେତେକ କଲେଜରେ ଜଣେ ହେଲେ ଛାତ୍ରଛାତ୍ରୀ ନାମ ଲେଖାଇ ନାହାନ୍ତି ।
ଏଥିପାଇଁ ଆସନ୍ତା ୧୦ ତାରିଖରେ ଦ୍ୱିତୀୟ ଓଜେଇଇ ଅନୁଷ୍ଠିତ ହେବ । ଏହା ସହ ଅଗଷ୍ଟ ୧୧ ତାରିଖରେ ପରୀକ୍ଷା ଫଳ ପ୍ରକାଶ ପାଇବ ଏବଂ ୧୪ ତାରିଖ ସୁଦ୍ଧା ନାମଲେଖା ପ୍ରକ୍ରିୟା ଶେଷ ହେବ ବୋଲି ଜଣାପଡିଛି । ଦ୍ୱିତୀୟ ଜେଇଇ ପରୀକ୍ଷା ପାଇଁ ଆସନ୍ତାକାଲି ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇବ । ଅଗଷ୍ଟ ୬ ଓ ୭ ଛାତ୍ରଛାତ୍ରୀମାନେ ଦୁଇଦିନ ଅନଲାଇନରେ ଆବେଦନ କରିପାରିବେ । ୮ ତାରିଖରେ ଆଡମିଟକାର୍ଡ ଡାଉନଲୋଡ୍ ଓ ପରୀକ୍ଷାକେନ୍ଦ୍ର ଧାର୍ଯ୍ୟ କରାଯିବ ।