ଫେବ୍ରୁଆରୀ ୨୮ରୁ ଆରମ୍ଭ ହେବ ମାଟ୍ରିକ ପରୀକ୍ଷା! ଗଣିତ ପରୀକ୍ଷା ପାଇଁ ମିଳିବ ଅଧିକ ୧୫ ମିନିଟ୍
କନକ ବ୍ୟୁରୋ : ମ୍ୟାଟ୍ରିକ୍ ପରୀକ୍ଷାର୍ଥୀଙ୍କ ପାଇଁ ଖୁସି ଖବର । ଗଣିତ ପରୀକ୍ଷା ପାଇଁ ଚାପ ହେବ କମ୍ । ପରୀକ୍ଷା ସାରିବା ପାଇଁ ମିଳିବ ଅଧିକ ସମୟ । ଚଳିତବର୍ଷ ମ୍ୟାଟ୍ରିକ୍ ପରୀକ୍ଷା ଦେଉଥିବା ଛାତ୍ରଛାତ୍ରୀଙ୍କୁ ଗଣିତ ବିଷୟ ପାଇଁ ୧୫ ମିନିଟର ଅଧିକ ସମୟ ମିଳିବ । ରାଜ୍ୟ ମାଧ୍ୟମିକ ଶିକ୍ଷା ପରିଷଦର ସଭାପତି ସୁଶାନ୍ତ କୁମାର ଦାସ ଏ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ମ୍ୟାଟ୍ରିକ୍ ପରୀକ୍ଷା ଆସନ୍ତା ଫେବ୍ରୁଆରୀ ୨୮ ତାରିଖରୁ ଆରମ୍ଭ ହୋଇ ଶେଷ ହେବ ମାର୍ଚ୍ଚ ୧୦ ତାରିଖରେ । ପରୀକ୍ଷା ଦିନ ୯ଟାରୁ ଆରମ୍ଭ ହୋଇ ଅପରାହ୍ନ ୧୧.୩୦ ରେ ସରିବ । ହେଲେ ଗଣିତ ପ୍ରଶ୍ନର ଉତର ସାରିବା ପାଇଁ ୧୧.୪୫ ଯାଏ ସମୟ ମିଳିବ । ଯାହା ରେକର୍ଡ ସଂଖ୍ୟକ ୬ ଲକ୍ଷ ୫ ହଜାର ୬୪ ଜଣ ପରୀକ୍ଷାର୍ଥୀଙ୍କୁ ସହାୟକ ହେବ । ରାଜ୍ୟର ୨ ହଜାର ୯ ଶହ ୩୮ ଟି ପରୀକ୍ଷା କେନ୍ଦ୍ରରେ ମ୍ୟାଟ୍ରିକ ପରୀକ୍ଷା ପରିଚାଳନା ହେବ ।