ସ୍ୱିମିଂ ପୁଲରେ ମୃତ୍ୟୁ ସହ ଲଢ଼ୁଥିଲେ ମହିଳା ! ଫେସବୁକ ଯୋଗୁଁ ବଞ୍ଚିଲା ଜୀବନ
ସୋସିଆଲ ନେଟଓ୍ଵାର୍କିଂ ପ୍ଲାଟଫର୍ମ ଫେସବୁକର ଚାହିଦା ଦିନକୁ ଦିନ ବଢ଼ିବାରେ ଲାଗିଛି । ଦିନକୁ ଦିନ ଲୋକେ ଅଧିକରୁ ଅଧିକ ରୂପେ ଫେସବୁକରେ ସକ୍ରିୟ ହେଉଛନ୍ତି । ଫେସବୁକ ଯୋଗୁଁ ଅନେକ ଅଘଟଣ ଘଟୁଥିଲେ ହେଁ, ଫେସବୁକ ଯୋଗୁଁ ଆମେ ଅନେକ ଖବର କେବଳ ଗୋଟିଏ କ୍ଲିକରେ ଜାଣିପାରୁଛନ୍ତି । ଫେସବୁକର ଏପରି କିଛି ଅବଦାନକୁ ଆମେ କେବେ ଅସ୍ୱୀକାର କରିପାରିବା ନାହଁ । ଲୋକଙ୍କ ସୁବିଧା ପାଇଁ ଦିନକୁ ଦିନ ଫେସବୁକ ଅନେକ ନୂଆ ନୂଆ ଫିଚର ମଧ୍ୟ ଉପସ୍ଥାପନ କରୁଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଏପରି ଏକ ଖବର ଶୁଣିବା ପାଇଁ ମିଳୁଛି, ଯେଉଁଠି ଫେସବୁକ ଯୋଗୁଁ ମହିଳାଙ୍କ ଜୀବନ ବଞ୍ଚି ଯାଇଛି । ଏପରି ଏକ ଘଟଣା ଘଟିଛି ନ୍ୟୁୟର୍କରେ । ସ୍ୱିମିଂ ପୁଲରେ ଫସିଥିବା ଜଣେ ମହିଳା ଫେସବୁକ ଯୋଗୁଁ ନୂଆ ଜୀବନ ପାଇଁଛନ୍ତି । ନ୍ୟୁୟର୍କ ଡେଲୀରଖବର ଅନୁସାରେ ଲେସ୍ଲୀ କହନ ନାମକ ଜଣେ ମହିଳା ଶୁକ୍ରବାର ଦିନ ସ୍ୱିମିଂ ପୁଲରେ ଫସି ଯାଇଥିଲେ । ସେ ପୁଲକୁ ଗାଧୋଇବା ପାଇଁ ଓହ୍ଲାଇଥିଲେ କିନ୍ତୁ ଫେରିବା ସମୟରେ ପୁଲର ସିଡ଼ି ଭାଙ୍ଗିଯାଇଥିଲା । ଯାହାଦ୍ୱାରା ସେ ପାଣି ଭିତରେ ପଶିି ରହିଥିଲେ । ପାଣିରୁ ବାହାରିବା ପାଇଁ ଅନ୍ୟ କୌଣସି ରାସ୍ତା ନଥିଲା ।
ମହିଳା ଜଣକ କହିଛନ୍ତି, ଘଂଟା ଘଂଟା ଧରି ଚେଷ୍ଟା କରିବା ପରେ ବହୁତ କଷ୍ଟରେ ସେ ପାଖରେ ପଡ଼ିଥିବା ଏକ ବାଡ଼ି ସାହାଯ୍ୟରେ ତାଙ୍କ ଆଇପ୍ୟାଡ଼କୁ ପାଖକୁ ଆଣିଥିଲେ । ତା’ପରେ ଫେସବୁକ ଆପରେ ସାହଯ୍ୟ ମାଗିଥିଲେ । ଯଦ୍ୱାରା ଫେସବୁକ ଗ୍ରୁପର କିଛି ସଦସ୍ୟ ସେଠାରେ ପହଞ୍ଚି ତାଙ୍କୁ ପୁଲରୁ ଉଦ୍ଧାର କରିଥିଲେ ।
ସୌଜନ୍ୟ- ଏନଡ଼ିଟିଭି