ରାଜଧାନୀ ରାଜରାସ୍ତାରେ ହାଇଡ୍ରାମା : ଅଧ ରାତିରେ ଭିଡିଓ ପୋଷ୍ଟ କଲେ ବାବୁସାନ୍; କହିଲେ,ଏଣିକି ଆଉ ପ୍ରକୃତିଙ୍କ ସହ କରିବେନି ଫିଲ୍ମ
କନକ ବ୍ୟୁରୋ : ରାଜଧାନୀ ରାଜରାସ୍ତାରେ ହାଇଡ୍ରାମା ପରେ ଅଧ ରାତିରେ ଭିଡିଓ ପୋଷ୍ଟ କଲେ ବାବୁସାନ୍ । ବାବୁସାନ୍ କହିଛନ୍ତି, ସେ ଜାଣିଛନ୍ତି ଭାଇରାଲ ଭିଡିଓ ଦେଖିକି ଆପଣମାନେ ବହୁତ ମଜା ନେଉଥିବେ । କିନ୍ତୁ ସେ ଚେନ୍ନାଇ ଯାଇଛନ୍ତି ଉତକଳ ଦିବସ ପାଳନ କରିବା ପାଇଁ । ପ୍ରକୃତି ମିଶ୍ରଙ୍କୁ ବି ନିମନ୍ତ୍ରଣ ଥିଲା । ସେଠାରେ ସେ ଫିଲ୍ମର ପ୍ରମୋସନ ଓ ପ୍ରକୃତିଙ୍କ ସହ ଆଉ ଗୋଟିଏ ନୂଆ ଫିଲ୍ମର ଘୋଷଣା କରିବାର ଥିଲା । ହେଲେ ସେ ଜାଣିନଥିଲେ ଯେ ତାଙ୍କ ଘରେ ଏତେ ଅସୁବିଧା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଏତେ ଅସୁବିଧା ଅଛି ତେବେ ଏଣିକି ଆଉ ସେ ପ୍ରକୃତିଙ୍କ ସହ ଫିଲ୍ମ କରିବେ ନାହିଁ । ଏମିତିକି ଆବଶ୍ୟକ ହେଲେ କୌଣସି ନାୟିକାଙ୍କ ସହ କାମ କରିବେ ନାହିଁ । ଗତକାଲିର ଘଟଣାକୁ ନେଇ ପ୍ରକୃତି ମିଶ୍ର ମଧ୍ୟ ସୋସିଆଲ ମିଡିଆରେ ପୋଷ୍ଟ କରିଥିଲେ । ଲେଖିଥିଲେ, ପ୍ରତ୍ୟେକ କାହାଣୀ ର ଦୁଇଟି ପାଶ୍ୱର୍ ଥାଏ । ମାତ୍ର ସମାଜରେ ସତ କଥା ଶୁଣିବା ପୂର୍ବରୁ ମହିଳାମାନଙ୍କୁ ଦୋଷୀ ସଜାଇ ଦିଆଯାଏ । ତୃପ୍ତି ତାଙ୍କୁ ଯେମିତି ଆକ୍ରମଣ କଲେ ତାହା ଆଦୌ ଗ୍ରହଣୀୟ ନୁହେଁ ବୋଲି ଲେଖିଥିଲେ ପ୍ରକୃତି ।