ଗଣମାଧ୍ୟମ ଉପରେ ବର୍ଷିଲେ ପ୍ରଧାନ ବିଚାରପତି : କହିଲେ ଟିଭି ବିତର୍କରେ ଚାଲୁଛି କଙ୍ଗାରୁ କୋର୍ଟ
ପ୍ରସଙ୍ଗ ଉପରେ ତଥ୍ୟ ବିହୀନ ତର୍କ ଗଣତନ୍ତ୍ର କରୁଛି ଦୁର୍ବଳ; ଅନେକାଂଶରେ ଉତରଦାୟିତ୍ୱ ପାଳନ କରୁଛି ଛାପା ଗଣମାଧ୍ୟମ
କନକ ବ୍ୟୁରୋ : ଗଣମାଧ୍ୟମ ଉପରେ ବର୍ଷିଲେ ସୁପ୍ରିମକୋର୍ଟ ମୁଖ୍ୟ ବିଚାରପତି ଜଷ୍ଟିସ ଏନ ଭି ରମନ୍ନା । ଟିଭି ବିର୍ତକଗୁଡିକ କଙ୍ଗାରୁ କୋର୍ଟ ଭାବେ ଚଳାଉଛନ୍ତି ଓ ସୋସିଆଲ ମିଡିଆ ଦେଶକୁ ପଛକୁ ନେଉଥିବା କହିଛନ୍ତି ରମନ୍ନା । ଗଣମାଧ୍ୟମ ପକ୍ଷପାତୀ, ତଥ୍ୟହୀନ, ଉଦ୍ଦେଶ୍ୟମୂଳକ ପ୍ରଚାର କରୁଥିବାକୁ ଯୋଗୁଁ ଏହା ଉପରେ ଅସନ୍ତୋଷ ମଧ୍ୟ ସେ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟ ବିଚାରପତି କହିଛନ୍ତିି ଅଧିକାଂଶ ଗଣମାଧ୍ୟମ ସାମ୍ପ୍ରଦାୟିକ ହିଂସା ଉପରେ ଅଯଥା ବିର୍ତକ କରିବା ସହ ନିଦ୍ଧିଷ୍ଟ ଦଳ ପାଇଁ କାମ କରୁଛନ୍ତି । ଏଭଳି ସ୍ଥିିତିରେ ବିଚାରପତିମାନଙ୍କୁ ମଧ୍ୟ ନିଷ୍ପତ୍ତି ନେବାରେ ସମସ୍ୟା ହେଉଛି । ଏଥିସହ ରମନ୍ନା କହିଛନ୍ତି ବିଚାରପତିଙ୍କ ବିରୋଧରେ ସୋସିଆଲ ମିଡିଆରେ ଖବର ପ୍ରଚାର କରାଯାଉଛି । ଏହାକୁ ନେଇ ବିଚାରପତିମାନେ ତୁରନ୍ତ ପ୍ରତିକ୍ରିୟା ଦେଉନାହାଁନ୍ତି କିନ୍ତୁ ଏହା ଅର୍ଥ ନୁହେଁ ଯେ ଆମର ଏହା ଦୁର୍ବଳତା ।