ପୁଣିଥରେ ଚର୍ଚ୍ଚାରେ ରାଷ୍ଟ୍ରପତି ଟ୍ରମ୍ପଙ୍କ ବ୍ୟକ୍ତିଗତ ଜୀବନ । ଶାସନର ବର୍ଷକମଧ୍ୟରେ ୧୪ ଜଣ ମହିଳା ଟ୍ରମ୍ପଙ୍କ ବିରୁଦ୍ଧରେ ଯୌନଉତ୍ପୀଡ଼ନର ଆରୋପ ଲଗାଇସାରିଲେଣି । ପତ୍ନୀ ମେଲାନିଆ ଏଥିରେ ଟ୍ରମ୍ପଙ୍କ ଉପରେ ଖପ୍ପା ହୋଇ ହ୍ୱାଇଟହାଉସ ଛାଡ଼ିବା କଥା ମଧ୍ୟ ସାମ୍ନାକୁ ଆସିଥିଲା । ତେବେ ମେଲାନିଆ ହ୍ୱାଇଟହାଉସ ଫେରିଆସିଥିବା ସତ୍ୱେ ଏନେଇ ଚର୍ଚ୍ଚା ଜାରିରହିଛି । ଯାହା ପୁଣିଥରେ ବିବାଦକୁ ଟାଣିଛି ଡୋନାଲ୍ଡ ଟ୍ରମ୍ପଙ୍କୁ ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ରାଷ୍ଟ୍ରଦୂତ ନିକି ହାଲେଙ୍କ ସହ ଟ୍ରମ୍ପଙ୍କ ପ୍ରେମ ସମ୍ପର୍କ ବିଶ୍ୱବ୍ୟାପୀ ଚର୍ଚ୍ଚାର ବିଷୟ ପାଲଟିଥିବାବେଳେ ନିକି ଏହାକୁ ଖାରଜ କରିଛନ୍ତି । ସେପଟେ ଟ୍ରମ୍ପଙ୍କ ଉପରେ ଖପ୍ପା ହୋଇ ପତ୍ନୀ ମେଲାନିଆ ହ୍ୱାଇଟହାଉସ ଛାଡ଼ିବା ଓ ହୋଟେଲରେ ରହିବା ଚର୍ଚ୍ଚାକୁ ଦ୍ୱିଗୁଣିତ କରିଛି ।, ଟ୍ରମ୍ପ ଆମେରିକୀୟ ପର୍ଣ୍ଣ ଅଭିନେତ୍ରୀଙ୍କ ସହ ଶାରୀରିକ ସମ୍ପର୍କ ରଖିବା ଚର୍ଚ୍ଚା ଯୋଗୁ ମେଲାନିଆ ଖପ୍ପା ଥିଲେ ପୂର୍ବରୁ । ତେବେ ଶାସନର ବର୍ଷକ ମଧ୍ୟରେ ୧୪ ଜଣ ମହିଳା ଶାରିରୀକ ସମ୍ପର୍କର ଆରୋପ ଲଗାଇସାରିଲେଣି ।
ପର୍ଣ୍ଣ ଅଭିନେତ୍ରୀ ଷ୍ଟେଫନି କ୍ଲିଫର୍ଡ ପୂର୍ବରୁ ଟ୍ରମ୍ପଙ୍କ ସହ ଶାରୀରିକ ସମ୍ପର୍କ ଥିବାର ଅଭିଯୋଗ କରିଥିଲେ ୱାଲଷ୍ଟ୍ରିଟ ଜର୍ଣ୍ଣାଲର ସାକ୍ଷାତକାରରେ । ତେବେ ଟ୍ରମ୍ପଙ୍କ ପାଇଁ ନୂଆ ନଥିଲା ଏଭଳି ଅଭିଯୋଗ । ପୂର୍ବରୁ ବି ଜେସିକା ଲିଡ ଏକ ବିମାନରେ ଟ୍ରମ୍ପ ତାଙ୍କ ସହ ଅସଦାଚରଣ ଉଦ୍ୟମର ଆରୋପ ଆଣିଥିଲେ । ସେହିପରି ପର୍ଣ୍ଣ ଅଭିନେତ୍ରୀ ଷ୍ଟର୍ମି ଡାନିଏଲ ଅର୍ଥ ବିନିମୟରେ ତାଙ୍କ ସହ ଟ୍ରମ୍ପ ସମ୍ପର୍କ ରଖିଥିବା ଅଭିଯୋଗ କରିଥିଲେ । ରିୟଲ ଇଷ୍ଟେଟ କମ୍ପାନୀରେ ରିସେପ୍ସନିଷ୍ଟ ଭାବେ କାମ କରୁଥିବା ରେଚେଲ କ୍ରୁକ୍ସ ତାଙ୍କ ବିରୁଦ୍ଧରେ ଜୋରଜବରଦସ୍ତି କରି ଚୁମ୍ବନର ଅଭିଯୋଗ କରିଥିଲେ । ସେହିପରି ଚାକିରୀ ଦେବା ପୂର୍ବରୁ ଟ୍ରମ୍ପ ସମ୍ପର୍କ ରଖିବାକୁ ଚେଷ୍ଟା କରିଥିବା କହିଥିଲେ ସମର ।
ଟ୍ରମ୍ପଙ୍କ ବିରୁଦ୍ଧରେ ଶୋଷଣର ଆରୋପ ଲଗାଇଥିବା ଅଧିକାଂଶ ମହିଳା ହେଉଛନ୍ତି ମଡେଲଓ ଅଭିନେତ୍ରୀ । କ୍ରିଷ୍ଟିନ ଆଣ୍ଡରସନ, ଲିସା ବୋୟନେ, ଜେସିକା ଡ୍ରାକ, ଜିଲ ହାର୍ଥ, କେଥି ହ୍ୟାଲର, ନିନି ଲାକସୋନନ, ନତାଶା ଷ୍ଟଏନଫ ଓ କାରେନା ଭର୍ଜିନିଆଙ୍କ ପରି ଏକାଧିକ ଅଭିନେତ୍ରୀ ଟ୍ରମ୍ପଙ୍କ ବିରୁଦ୍ଧରେ ଯୌନଉତ୍ପୀଡ଼ନର ଅଭିଯୋଗ କରିସାରିଛନ୍ତି । ଏବେ ନିକି ହାଲେଙ୍କ ସହ ତାଙ୍କ ସମ୍ପର୍କର ଚର୍ଚ୍ଚା ଆମେରିକା ଗଣମାଧ୍ୟମକୁ ସରଗରମ କରିବାରେ ଲାଗିଛି । ଏଥିସହ ସବୁଠାରୁ ଶକ୍ତିିଶାଳୀ ରାଷ୍ଟ୍ରର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ଜୀବନକୁ ନେଇ ପୁଣିଥରେ ଆରମ୍ଭ ହୋଇଛି ଚର୍ଚ୍ଚା ।