ଦୁନିଆ ଦେଖିଲା ଶତାବ୍ଦୀର ଦୀର୍ଘତମ ଚନ୍ଦ୍ରଗ୍ରହଣ । ଏହି ମହାଜାଗତିକ ଦୁଶ୍ୟର କିଭଳି ଥିଲା ରୂପରେଖ ଦେଖନ୍ତୁ ଫଟୋରେ ଫଟୋରେ….
ଶୁକ୍ରବାର ହୋଇଛି ଚଳିତ ଶତାବ୍ଦୀର ଦୀର୍ଘତମ ଚନ୍ଦ୍ରଗ୍ରହଣ । ଏହି ବିରଳ ମହାଜାଗତିକ ଦୃଶ୍ୟ ଭାରତ ସହ ବିଶ୍ୱର ଅଧିକାଂଶ ଅଂଚଳରେ ଦୃଶ୍ୟମାନ ହୋଇଛି । ଏହି ଦିନ ମଙ୍ଗଳ ଗ୍ରହ ଦୀର୍ଘ ୧୫ ବର୍ଷ ପରେ ପୃଥିବୀର ଅତି ନିକଟତର ହୋଇଛି । ଶୁକ୍ରବାର ରାତି ୧୧ଟା ୫୪ ମିନିଟରୁ ଜୁଲାଇ ୨୮ ତାରିଖ ଭୋର ୩ଟା ୪୯ ଯାଏଁ ଖାଲି ଆଖିରେ ଚନ୍ଦ୍ରଗ୍ରହଣ ଦୃଶ୍ୟମାନ ହୋଇଛି । ତେବେ ଦେଶର କିଛି ଭାଗରେ ଆକାଶ ମେଘାଚ୍ଛନ୍ନ ରହିବା କାରଣରୁ ଚନ୍ଦ୍ରଗ୍ରହଣ ଦୃଶ୍ୟମାନ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ପୂର୍ଣ୍ଣ ଚନ୍ଦ୍ରଗ୍ରହଣ ଜୁଲାଇ ୨୮ ତାରିଖ ଭୋର୍ ଗୋଟାଏରୁ ଆରମ୍ଭ ହୋଇ ୨ଟା ୪୩ ମିନିଟ ଯାଏଁ ଦୃଶ୍ୟମାନ ହୋଇଛି । ପୂର୍ଣ୍ଣ ଚନ୍ଦ୍ରଗ୍ରହଣ ସମୟରେ ରକ୍ତବର୍ଣ୍ଣର ଚନ୍ଦ୍ର ଦେଖା ଦେଇଥିଲା ଯାହା ଏକ ବିରଳ ମହାଜାଗତିକ ଘଟଣା ।
ଏହା ହେଉଛି ଚନ୍ଦ୍ରଗ୍ରହଣର ପ୍ରଥମ ଦୃଶ୍ୟ । ରାତି ୧୧ଟା ୫୨ ମିନିଟରେ ଚନ୍ଦ୍ରମାକୁ ଆଂଶିକ ଭାବେ ସ୍ପର୍ଶ କରିଥିବା ଚନ୍ଦ୍ରଗ୍ରଗ୍ର ଦୃଶ୍ୟ ।
୧୨ ଟା ୧୨ ମିନିଟରେ ଚନ୍ଦ୍ରଗ୍ରହଣର ଦୃଶ୍ୟ । ଦେଖନ୍ତୁ କିଭଳି ଭାବରେ ଚନ୍ଦ୍ରର ସ୍ୱତରୂପ ଅନ୍ଧକାରର ଗ୍ରାସରେ ଧିରେ ଧିରେ ମଳିନ ହେବାକୁ ଲାଗିଥିଲା ।
୧୨ଟା ୧୩ ମିନିଟରେ ଚନ୍ଦ୍ରଗ୍ରହଣର ଦୃଶ୍ୟ । ଧିରେ ଧିରେ ଅନ୍ଧକାର ଆଡକୁ ଗତି କରିବାରେ ଲାଗିଛି ଚନ୍ଦ୍ର
୧୨ ଟା ୧୪ ମିନିଟରେ ଚନ୍ଦ୍ରଗ୍ରହଣର ଦୃଶ୍ୟ । କିଭଳି ଚନ୍ଦ୍ରମାର ଅଧାରୁ ଅଧିକ ଭାଗ ଅଂଶ ଅନ୍ଧକାର ହୋଇପଡିଥିଲା ।
ଏହି ଚନ୍ଦ୍ରଗ୍ରହଣ ପ୍ରଭାବରେ ପାଖାପାଖି ୧ ଘଂଟା ୪୩ ମିନିଟ ପର୍ଯ୍ୟନ୍ତ ଆକାଶରୁ ହଜିଯାଇଥିଲା ଜହ୍ନ