ସ୍କୁଲ କଲେଜରେ କେମିତି ପାଠ ପଢୁଛନ୍ତି ପିଲା । ପିଲାଙ୍କ ପାଠ୍ୟପୁସ୍ତକରେ କଣ ସବୁ ରହିଛି ଉପାଦାନ । ସାମାଜିକ ଜୀବନ ଗଠନରେ ସହାୟକ ହୁଏ କି କଲେଜରେ ପଢ଼ାଯାଉଥିବା ପାଠ । ଏମିତି କିଛି ପ୍ରଶ୍ନ ଛିଡ଼ା କରିଛି ମହାରାଷ୍ଟ୍ର ବୋର୍ଡ ପକ୍ଷରୁ ପ୍ରକାଶ ପାଇଥିବା ପାଠ୍ୟପୁସ୍ତକ ।
Kanak News is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ର ଉଚ୍ଚ ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ପ୍ରକାଶ ପାଇଥିବା ସୋସିଓଲୋଜି ବା ସମାଜବିଜ୍ଞାନର ଏକ ଅଧ୍ୟାୟରେ ଯୌତୁକର କାରଣ ଦର୍ଶାଇବାକୁ ଯାଇ କୁହାଯାଇଛି ଯେ, ଅସୁନ୍ଦର ଝିଅ ଏବଂ ଭିନ୍ନକ୍ଷମ ଝିଅଙ୍କ ପାଇଁ ଯୌତୁକ ଦିଆଯାଇଥାଏ । ଭାରତରେ ସାମାଜିକ ସମସ୍ୟା, କର୍ମଜୀବୀ ମହିଳାଙ୍କ ସମସ୍ୟା, ଘରୋଇ ହିଂସା ଆଦି ପ୍ରସଙ୍ଗ ଥିବା ଏହି ଅଧ୍ୟାୟରେ ଯୌତୁକ ସମସ୍ୟାର କାରଣ ସବୁ ମଧ୍ୟରେ ଅସୁନ୍ଦର ଏବଂ ଭିନ୍ନକ୍ଷମ ଝିଅଙ୍କ କଥା ବର୍ଣ୍ଣନା କରାଯାଇଛି । ଯାହାକୁ ନେଇ ଏବେ ମହାରାଷ୍ଟ୍ର ସମେତ ଦେଶର ବିଭିନ୍ନ ପ୍ରାନ୍ତରେ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଛି । ଯୌତୁକ ବର୍ତମାନ ସମୟର ଏକ ପ୍ରମୁଖ ସାମାଜିକ ସମସ୍ୟା ଏବଂ ଏହା ଆମ ସମାଜରୁ ଦୂର ହେବା ନିହାତି ଆବଶ୍ୟକ । ତେବେ ପାଠ୍ୟପୁସ୍ତକରେ ଯୌତୁକକୁ ଏନେଇ ଏଭଳି ଚିତ୍ରଣ କରିବା ଆଦୌ ଗ୍ରହଣୀୟ ନୁହେଁ ବୋଲି ଅନେକ ଶିକ୍ଷାବିତ ମତ ଦେଇଛନ୍ତି ।
ତେବେ ଏନେଇ ପ୍ରତିକ୍ରିୟା ରଖିଛନ୍ତି ମହାରାଷ୍ଟ୍ର ସରକାରଙ୍କ ଶିକ୍ଷା ମନ୍ତ୍ରୀ । ସେ କହିଛନ୍ତି ଏନେଇ ବୋର୍ଡ ଅଧ୍ୟକ୍ଷଙ୍କୁ ସମୀକ୍ଷା କରିବା ପାଇଁ ନିର୍ଦ୍ଦେଶ ଦିଆଯାଇଛି । ଯେହେତୁ ଏହା ପୁରୁଣା ପାଠ୍ୟକ୍ରମର ଅଂଶ ବିଶେଷ ଏବଂ ୨୦୧୩ ମସିହାରୁ ଏହି ପାଠ୍ୟପୁସ୍ତକ ପ୍ରକାଶିତ ହେଉଛି ତେଣୁ ଏହାର ସମୀକ୍ଷା ଆବଶ୍ୟକ ବୋଲି ସେ କହିଛନ୍ତି । ତେବେ ପାଠ୍ୟପୁସ୍ତକ ଏବଂ ରାଜନୀତିକୁ ମିଶ୍ରଣ କରିବା ଗ୍ରହଣୀୟ ନୁହେଁ ବୋଲି ସେ ସଫେଇ ଦେଇଛନ୍ତି । ଏଥିରେ ଯଦି କୌଣସି ଆପତି ଜନକ ଉପାଦାନ ଥାଏ ତେବେ ଏହାର ସମୀକ୍ଷା କରାଯିବା ସହ ବିଶେଷଜ୍ଞମାନଙ୍କ ପରାମର୍ଶ ନେଇ ଏଥିରେ ପରିବର୍ତନ ପାଇଁ ପଦକ୍ଷେପ ନିଆଯିବ ବୋଲି ମହାରାଷ୍ଟ୍ରର ଶିକ୍ଷାମନ୍ତ୍ରୀ କହିଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ-