୧୪ ହଜାର ଟଙ୍କାରୁ କମ୍ ମିଳୁଛି କି ଦରମା ! ତେବେ ଏହି ନମ୍ବରରେ କରନ୍ତୁ ମାତ୍ର ଗୋଟିଏ କଲ୍, କଂପାନୀ ବିରୋଧରେ ହୋଇପାରେ ଦୃଢ କାର୍ଯ୍ୟାନୁଷ୍ଠାନ
ଅଧିକାଂଶ କର୍ମଜୀବୀ ତଥା ପେସାଦାର ଲୋକଙ୍କୁ ନିଜର ପରିଶ୍ରମ ଅନୁସାରେ ସଠିକ୍ ପାରଶ୍ରମିକ ମିଳିନଥାଏ । ଅଧିକାଂଶ ସମୟରେ ଠିକାଦାର ଏବଂ ନିଯୁକ୍ତିକର୍ତା କର୍ମଚାରୀ ତଥା ଶ୍ରମିକଙ୍କୁ ତାଙ୍କର ଉପଯୁକ୍ତ ପ୍ରାପ୍ୟ ତଥା ଦରମା ଦେଇନଥାନ୍ତି । ତେବେ ଯଦି ଆପଣଙ୍କ ସହିତ ବି ଏଭଳି କିଛି ଘଟୁଛି ତେବେ ଦିଲ୍ଲୀ ସରକାର ଆପଣଙ୍କ ପାଇଁ ଏକ ଉପାୟ ବାହାର କରିଛନ୍ତି । ଯଦି ଆପଣଙ୍କୁ କୌଣସି ବି କାମ ପାଇଁ ପ୍ରତିମାସ ୧୪ ହଜାରରୁ କମ୍ ଦରମା ମିଳୁଛି ତେବେ ଆପଣ ଏହାର ଅଭିଯୋଗ ଏକ ନମ୍ବରରେ କରିପାରିବେ । ଦିଲ୍ଲୀ ସରକାରଙ୍କ ପକ୍ଷରୁ ଏଥିପାଇଁ ଏକ ହେଲପ ଲାଇନ୍ ନମ୍ବର ଜାରି କରାଯାଇଛି । ଯାହା ‘ଶ୍ରମିକ ହେଲପଲାଇନ’ ନାମରେ ୧୫୫୨୧୪ ନମ୍ବର ଜାରି ହୋଇଛି, ଏଥିରେ ଆପଣ ଏନେଇ ଅଭିଯୋଗ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ହେଲପଲାଇନରେ ଆପଣ ସୋମବାରଠାରୁ ଶନିବାର ସକାଳ ୯ଟାରୁ ସଂଧ୍ୟା ୬ଟା ଭିତରେ ଯେକୌଣସି ବି ସମୟରେ କଲ କରି ନିଜର ଅଭିଯୋଗ ଜଣାଇପାରିବେ । ଖାଲି ଏତିକି ନୁହେଁ ଆପଣ ଆପଣଙ୍କର ଜିଲ୍ଲାର ଶ୍ରମିକ କାର୍ଯ୍ୟାଳୟରେ ବି ସହାୟତା ପାଇଁ ଆସିପାରିବେ । ଏହି ନିର୍ଦ୍ଦେଶ ସଂପର୍କରେ ଅନ୍ୟାନ୍ୟ ସୂଚନା ପାଇଁ ଆପଣ www.labour.delhigovt.nic.in ୱେବସାଇଟକୁ ଯାଇ ଜାଣିପାରିବେ ।
ସେହିପରି ଶ୍ରମିକମାନଙ୍କର ଦରମା କିମ୍ବା ପାରିଶ୍ରମିକର ପେମେଂଟ ବାଧ୍ୟତାମୂଳକ ଭାବରେ ଚେକ୍ ଜରିଆରେ କିମ୍ବା ସିଧା ବ୍ୟାଙ୍କ ଖାତାରେ ଟ୍ରାନ୍ସଫର କରାଯିବ । ଦିଲ୍ଲୀ ସରକାରର Minimum Wages (Delhi) Amendment Act, 2017 ନିୟମ ଅନୁସାରେ ଯଦି ସର୍ବନିମ୍ନ ଦରମା ମଳୁନାହିଁ ତେବେ ଉଭୟ ଠିକାଦାର ଏବଂ କଂପାନୀ ବିରୋଧରେ ୫୦ ହଜାର ଟଙ୍କାର ଜରିମାନା ବାବଦକୁ ଲାଗୁ ହୋଇପାରେ କିମ୍ବା ୩ ବର୍ଷ କାଳ ଜେଲ ଦଣ୍ଡାଦେଶ ହୋଇପାରେ ନଚେତ୍ ଦୁଇଟି ଯାକ ଦଣ୍ଡାବିଧାନ ଦିଆଯାଇପାରେ ।