କନକ ବ୍ୟୁରୋ : ରାଜ୍ୟସଭାରେ ଉପ ସଭାପତିି ଥିବା ହରିବଂଶ କୁମାରଙ୍କୁ ନେଇ ପୁଣି ବିହାର ରାଜନୀତି ସରଗରମ ହେବାରେ ଲାଗିଛି । କୁହାଯାଉଛି କି ଜେଡିୟୁରୁ ରାଜ୍ୟସଭା ସାଂସଦ ଭାବେ ମନୋନୀତ ହୋଇଥିବା ହରିବଂଶ କୁମାର ବିଜେପିରେ ଯୋଗ ଦେଇ ପାରନ୍ତି । ଏହାର କାରଣ ବି ରହିଛି । ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଅଗଷ୍ଟ ୯ ତାରିଖରେ ଦଳୀୟ ବୈଠକ ଡାକିଥିଲେ । ଏହି ବୈଠକରେ ହରିବଂଶ ସାମିଲ ହୋଇ ନଥିଲେ । ସେପଟେ ହରିବଂଶଙ୍କ ନିକଟତରଙ୍କ କହିବା କଥା କି ଏହି ବୈଠକକୁ ହରିବଂଶକୁ ନିମନ୍ତ୍ରଣ କରାଯାଇ ନଥିଲା । ଏହି ଘଟଣା ପରେ ହରିିବଂଶ ଦଳ ଛାଡୁଥିବା ନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କୁହାଯାଉଛି କି ଜେଡିୟୁର ପୂର୍ବତନ ସାଂସଦ ଆରସିପି ସିଂଙ୍କ ମାଧ୍ୟମରେ ବିଜେପି ଜେଡିୟୁକୁ ଭାଙ୍ଗିବାକୁ ଚେଷ୍ଟା କରୁଥିଲା । ହେଲେ ତା ପୂର୍ବରୁ ଜେଡିୟୁ ଏନଡିଏ ଠାରୁ ଅଲଗା ହୋଇ ମହାଗଠବନ୍ଧନର ସମର୍ଥନରେ ସରକାର ଗଠନ କରିସାରିଛି । ଏହି ଘଟଣା ପରେ ବିହାର ରାଜନୀତିର ସମୀକରଣ ସମ୍ପୂର୍ଣ୍ଣ ବଦଳି ଯାଇଛି । ହେଲେ ଭାରତୀୟ ଜନତା ପାର୍ଟି ଏବେ ପରାଜୟ ସ୍ୱୀକାର କରିବାକୁ ପ୍ରସ୍ତୁତ ନୁହେଁ ।
ଏନଡିଏରୁ ଜେଡିୟୁ ଅଲଗା ହେବା ପରେ ଚର୍ଚ୍ଚା ହେଉଛି କି ହରିବଂଶ ରାଜ୍ୟସଭାର ଉପ ସଭାପତି ପଦରୁ ଇସ୍ତଫା ଦେବେ । କହିରଖୁ କି ୨୦୧୮ ମସିହା ଅଗଷ୍ଟ ୮ ତାରିଖରେ ହରିବଂଶ ରାଜ୍ୟସଭାର ଉପ ସଭାପତି ଭାବେ ଚୟନ ହୋଇଥିଲେ । ସବୁଠାରୁ ବଡକଥା କି, ହରିବଂଶଙ୍କ ନାମ ପ୍ରଥମେ ବିଜେପି ପ୍ରସ୍ତାବ ଦେଇଥିଲା ।