ମାଟ୍ରିକ ପାସ୍ କରି ଚାକିରୀ ଖୋଜୁଥିବା ବେକାରୀଙ୍କ ପାଇଁ ଖୁସି ଖବର । ରେଳ ବିଭାଗ ଆଣିଲା ୨୫୦୦ ରୁ ଅଧିକ ନିଯୁକ୍ତି । ବିନା ପରୀକ୍ଷାରେ ମିଳିବ ଚାକିରୀ
କନକ ବ୍ୟୁରୋ : ଆପଣ ମାଟ୍ରିକ ପାସ୍ କରି ଚାକିରୀ ଖୋଜୁଛନ୍ତି କି ? ଯଦି ହଁ ତେବେ ଭାରତୀୟ ରେଳ ବିଭାଗ ଆପଣଙ୍କ ପାଇଁ ଆଣିଛି ଏକ ବଡ ସୁଯୋଗ । ସେଂଟ୍ରାଲ ରେଲୱେ ପକ୍ଷରୁ ଟ୍ରେଡ୍ ଶିକ୍ଷାର୍ଥୀ ମାନଙ୍କ ପାଇଁ ୨୫୩୨ ପଦବୀରେ ନିଯୁକ୍ତି ଦେବାକୁ ଘୋଷଣା କରିଛି । ରେଲୱେ ରିକ୍ରୁଟିମେଣ୍ଟ ସେଲ ବା (ଆର.ଆର.ସି) ପକ୍ଷରୁ ବିଭିନ୍ନ ଟ୍ରେଡରେ ନିଯୁକ୍ତି ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ରେଳ ବିଭାଗର ସୂଚନା ମୁତାବକ ଟ୍ରେଡ୍ ଶିକ୍ଷାର୍ଥୀ ମାନଙ୍କ ପାଇଁ ଖାଲି ଥିବା ଏହି ପଦବୀ ନିମନ୍ତେ ଆଜି (୦୬.୦୨.୨୦୨୧) ଠାରୁ ଆଶାୟୀ ମାନେ ଆବେଦନ କରିପାରିବେ । ଆଶାୟୀ ପ୍ରାର୍ଥୀ ମାନେ www.rrccr.com ୱେବସାଇଟ୍ କୁ ଯାଇ ଆବେଦନ କରିପାରିବେ । କହିରଖୁ କି ମୁମ୍ବାଇ, ଭୂସାବଲ, ପୁଣେ, ନାଗପୁର, ଓ ସୋଲପୁର ସମେତ ଆହୁରି ଅନେକ ରିଜନ ପାଇଁ ଆବେଦନ କରିବାର ସୁଯୋଗ ରହିଛି ।
ଏହି ପଦବୀ ପାଇଁ ଆପଣ ଆବେଦନ କରିବାକୁ ଚାହୁଁଥିଲେ ଆପଣ ନିଶ୍ଚିନ୍ତ ଭାବେ କୌଣସି ସଂସ୍ଥା ବା ବୋଡରୁ ମାଟ୍ରିକ ପାସ୍ କରିବା ସହ ଯେଉଁ ବିଭାଗ ପାଇଁ ଆବେଦନ କରୁଛନ୍ତି ତାହା ଉପରେ ଆପଣ ଆଇଟିଆଇ କରିଥିବା ବାଧ୍ୟତାମୂଳକ କରାଯାଇଛି । ଏହାସହ ଆବଦନକାରୀଙ୍କ ବୟସ ୧୫ ବର୍ଷରୁ କମ୍ କିମ୍ବା ୨୪ ବର୍ଷରୁ ଅଧିକ ହୋଇନଥିବା ଜରୁରୀ । ବୟସର ଗଣନା ୦୧.୦୧.୨୦୨୧ ଆଧାରରେ କରାଯିବ । ଏନେଇ ଆପଣ ୦୬.୦୨.୨୦୨୧ ଠାରୁ ୦୫.୦୩.୨୦୨୧ ମଧ୍ୟରେ ଅନଲାଇନ୍ ଆବେଦନ କରିପାରିବେ । ଏହି ପଦବୀ ପାଇଁ ଅବେଦନକାରୀଙ୍କୁ ୧୦୦ ଟଙ୍କା ଶୁଳ୍କ ଦେବାକୁ ହେବ ।
ଏହାସହ ଆପଣଙ୍କର ଚୟନ ପ୍ରକ୍ରିୟା ବେଳେ ଆପଣଙ୍କୁ କୌଣସି ଲିଖିତ ପରୀକ୍ଷା ବା ଇଣ୍ଟରଭ୍ୟୁ ଦେବାକୁ ପଡିବ ନାହିଁ । କେବଳ ମାଟ୍ରିକ ପରୀକ୍ଷାରେ ଆପଣଙ୍କୁ ମିଳିଥିବା ନମ୍ବର ମୁତାବକ ମେରିଟ୍ ପ୍ରସ୍ତୁତ ହେବ । ଏହି ମେରିଟ୍ ଲିଷ୍ଟ ମାଧ୍ୟମରେ ଆବେଦନକାରୀଙ୍କୁ ଚୟନ କରାଯିବ ।