କଳାଧନକୁ ନେଇ ଶକ୍ତ ହେଲା ସ୍ୱିଜରଲ୍ୟାଣ୍ଡ ! ନୋଟିସ୍ ଜାରି କରି ୫୦ ଭାରତୀୟ ଅଘୋଷିତ ବ୍ୟାଙ୍କ୍ ଖାତାଧାରକଙ୍କ ପ୍ରଘଟ କଲା ନାଁ ।
ସ୍ୱିଜରଲ୍ୟାଣ୍ଡର ବ୍ୟାଙ୍କରେ ଅଘୋଷିତ ଖାତା ରଖୁଥିବା ଭାରତୀୟଙ୍କୁ ନେଇ ଦୁଇ ଦେଶର ସରକାର ଏବେ ଅଣ୍ଟା ଭିଡିଛନ୍ତି । ସ୍ୱିଜରଲ୍ୟାଣ୍ଡର ଅଧିକାରୀ ଏହି ମାମଲାରେ ୫୦ ଜଣ ଭାରତୀୟଙ୍କ ବ୍ୟାଙ୍କ ସହ ସଂବନ୍ଧ ରଖିଥିବା ସୂଚନା ଦେଇଛନ୍ତି । ଏହି ଲୋକମାନଙ୍କ ମଧ୍ୟରେ ଅଧିକତର ସଂପତ୍ତି,ଅର୍ଥସେବା, ଦୂରସଚାଂର ,ପେଣ୍ଟ୍ ,ଘରୋଇ ସାଜସଜ୍ଜା,ପୋଷାକ,ଇଞ୍ଜିନିୟରିଙ୍ଗ୍ ସାମଗ୍ରୀ ଏବଂ ଗହଣା କ୍ଷେତ୍ରର ବ୍ୟବସାୟୀ ଏବଂ କମ୍ପାନୀ ସାମିଲ୍ ରହିଛି । ଏଥିରେ କିଛି ଡମି କମ୍ପାନୀ ମଧ୍ୟ ରହିଛନ୍ତି । ଏହି ସୂଚନା ଦୁଇ ଦେଶ ମଧ୍ୟରେ ଆପୋଷ ପ୍ରଶାସନିକ ସହାୟତା ପ୍ରକ୍ରିୟାରେ ସାମିଲ୍ ଅଧିକାରୀ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗତ କିଛି ସପ୍ତାହ ମଧ୍ୟରେ ଭାରତ ସହ ସଂବନ୍ଧିତ ମାମଲାରେ ସୂଚନା ଆଦାନପ୍ରଦାନର ପ୍ରକ୍ରିୟା ଅଧିକ ତୀବ୍ର ହୋଇଯାଇଛି । ଭାରତରେ କଳାଧନ ମାମଲା ରାଜନୈତିକ ସ୍ତରରେ ଖୁବ୍ ସମ୍ବେଦନଶୀଳ । ତେବେ ମାର୍ଚ୍ଚ ମାସ ସୁଦ୍ଧା ସ୍ୱିଜରଲ୍ୟାଣ୍ଡ ଅଧିକାରୀ ୫୦ ଜଣ ଭାରତୀୟଙ୍କ ଖାତାଧାରଙ୍କୁ ନୋଟିସ୍ ଜାରୀ କରିଛି ।