ସାଇବର କ୍ରାଇମରେ ନାବାଳକ। ଜମତାରା ଷ୍ଟାଇଲରେ ବଡ ଠକେଇ।
କନକ ବ୍ୟୁରୋ: ଜମତାରା ଷ୍ଟାଇଲରେ ସାଇବର ମାୟାଜାଲରେ ନାବାଳକ । ନବରଙ୍ଗପୁରରେ ଚାଞ୍ଚଲ୍ୟ ଖେଳାଇଦେଇଛି ନାବାଳକର ସାଇବର କ୍ରାଇମ ଘଟଣା । ଆଉ ଏହି ସାଇବର କ୍ରାଇମର ମାଷ୍ଟରମାଇଣ୍ଡ ଆଉ କେହି ନୁହେଁ ଖୋଦ ଜଣେ ନାବାଳକ ବୋଲି ଜଣାପଡିଛି । ପୁଲିସକୁ ଆଶ୍ଚର୍ଯ୍ୟ କରିଛି ନାବାଳକର ସାଇବର ଅପରାଧ । ଗିରଫ ନାବାଳକ ଗଞ୍ଜାମ ବାଲିପଦର ଅଞ୍ଚଳରେ ରହି ନେଟୱର୍କ ଚଳେଇଥିଲେ । ଆଉ ସମ୍ପୃକ୍ତ ନାବାଳକକୁ ଗଞ୍ଜାମ ବାଲିପଦର ଘରୁ ଗିରଫ କରିଛି ଉମରକୋଟ ପୁଲିସ । ନବରଙ୍ଗପୁର ଉମରକୋଟରେ ଜଣେ ବ୍ୟକ୍ତିଙ୍କଠାରୁ ଲକ୍ଷେରୁ ଅଧିକ ଟଙ୍କା ଠକେଇ ହେବା ପରେ ପୁରା ଘଟଣା ସାମ୍ନାକୁ ଆସିଛି । ପୁଲିସର କହିବା ଅନୁସାରେ
-ନାବାଳକ ମାଷ୍ଟରମାଇଣ୍ଡ ସାଜି ୪୦ ପିଲାଙ୍କ ଦେଉଥିଲା ଟ୍ରେନିଂ
-ସ୍ୱତନ୍ତ୍ର ଆପ ଜରିଆରେ ଦେଉଥିଲା ତାଲିମ
-ସୁରଟ ଯାଇ ନାବାଳକ ସାଇବର ଠକେଇର ଟ୍ରେନିଂ ନେଇଥିଲା
-ସୁରଟରେ ନାବାଳକଙ୍କ ବାପା ବ୍ୟବସାୟ କରୁଥିଲେ
Kanak News is now on WhatsApp
Join and get latest news updates delivered to you via WhatsApp
ଏବେ ଆସନ୍ତୁ ଜାଣିବା କେମିତି ହୋଇଥିଲା ଠକେଇ…
ଉମରକୋଟ ବ୍ଲକ ସାନଖଡକା ଗାଁର ଗୋକୁଳ ବିଶ୍ୱାସଙ୍କୁ ଏକ ନମ୍ବରକୁ କଲ ଆସିଥିଲା । ଏହି କଲରେ ସମ୍ପୃକ୍ତ ବ୍ୟକ୍ତି ଏକ ନିର୍ଦ୍ଦିଷ୍ଟ ବ୍ୟାଙ୍କର ସେଲସ ମ୍ୟାନେଜର ବୋଲି ପରିଚୟ ଦେଇଥିଲେ । ଆଉ ଆପ ଡାଉନଲୋଡ୍ କରି କେୱାଇସି ଅପଡେଟ କରିବା ପାଇଁ କହିଥିଲେ । ଆଉ ଗୋକୁଳ ଆପ୍ ଡାଉନଲୋଡ କରିବାର ଅଳ୍ପ ସମୟପରେ ବ୍ୟାଙ୍କ ଆକାଉଣ୍ଟରୁ ଟଙ୍କା ଗାଏବ ହୋଇଯାଇଥିଲା । ଏକ ଲକ୍ଷରୁ ଅଧିକ ଟଙ୍କା ଠକେଇର ଶିକାର ପରେ ଗୋକୁଳ ଉମରକୋଟ ଥାନାର ଦ୍ୱାରସ୍ଥ ହୋଇଥିଲେ । ଆଉ ତଦନ୍ତ ପରେ ସତ ସାମ୍ନାକୁ ଆସିଛି ।
ଗିରଫ ନାବାଳକଠାରୁ ନଗଦ ୧ ଲକ୍ଷ ୫ ହଜାର, ଗୋଟିଏ ଲାପଟପ, ତିନିଟି ଏଟିଏମ କାର୍ଡ, ୫ଟି ଚେକ୍ ବୁକ୍, ୨ ଟି ବ୍ୟାଙ୍କ୍ ପାସ ବୁକ୍, ଓ କିଛି ଇଲେକ୍ଟ୍ରୋନିକ୍ସ ଡିଭାଇସ, କ୍ରିପ୍ଟ ହେକିଂ ବୁକ୍ ଜବତ କରିଛ । ଆଉ ଉମରକୋଟରେ ଏଭଳି ଘଟଣା ଚର୍ଚ୍ଚାର ବିଷୟ ପାଲଟିଛି ।