ହ୍ୱିଲ ଚେୟାରରେ ବସି ନିର୍ବାଚର ପ୍ରଚାର କରିବେ ମମତା ବାନାର୍ଜୀ । ହସ୍ପିଟାଲ ବେଡରୁ ଦଳୀୟ କର୍ମୀଙ୍କୁ ଶାନ୍ତି ବଜାୟ ରଖିବାକୁ କଲେ ଅପିଲ ।
କନକ ବ୍ୟୁରୋ : ହ୍ୱିଲ ଚେୟାରରେ ବସି ପ୍ରଚାର କରିବେ ମମତା ବାନାର୍ଜୀ । ଆହତ କାରଣରୁ ତାଙ୍କର ନିର୍ବାଚନ ପ୍ରଚାର କାର୍ଯ୍ୟକ୍ରମ ବାତିଲ ହେବ ନାହିଁ ହସ୍ପିଟାଲ ବେଡରୁ ନିଜ ସମର୍ଥକଙ୍କ ଉଦ୍ଦେଶ୍ୟରେ ଏକ ଭିଡିଓ ମେସେଜ ଜାରି କରି ଏହା କହିଛନ୍ତି ମମତା ବାନାର୍ଜୀ । ସମର୍ଥକଙ୍କୁ ଅପିଲ କରି ଶାନ୍ତି ବଜାୟ ରଖିବାକୁ ସେ ଅପିଲ କରିଛନ୍ତି । ଏଥିସହ ସେ କହିଛନ୍ତି, ତାଙ୍କର ବିଶ୍ୱାସ ରହିଛି, ଖୁବ ଶୀଘ୍ର ସେ ହସ୍ପିଟାଲରୁ ସୁସ୍ଥ ହୋଇ ଫେରିବେ ।ଆଉ ହ୍ୱିଲ୍ ଚେୟାରରେ ବସି ପ୍ରଚାର କରିବେ । ହସ୍ପିଟାଲ ପକ୍ଷରୁ କୁହାଯାଇଛି ମମତାଙ୍କ ବାମ ଗୋଡ ଗୋଇଠିରେ ଆଘାତ ଲାଗିଛି. ଏବଂ ସ୍ୱାସ୍ଥ୍ୟବସ୍ଥା ଏବେ ସ୍ଥିର ରହିଛିା
Kanak News is now on WhatsApp
Join and get latest news updates delivered to you via WhatsApp
କୋଲକାତାର ଏସଏସକେଏମ୍ ଡାକ୍ତରଖାନା ବେଡରେ ଚିକିତ୍ସିତ ହେଉଛନ୍ତି ମମତା ବାନାର୍ଜୀ । ବାଁ ଗୋଡ ପ୍ଲାଷ୍ଟର ହୋଇଛି ଓ ସେ ଶୋଇ ରହିଛନ୍ତି । ତାଙ୍କ ଅବସ୍ଥା ସମ୍ପର୍କରେ ମେଡିକାଲ ବୁଲେଟିନ୍ ଜାରି କରି ସୂଚନା ଦିଆଯାଇଛି ଯେ, ବାମ ଗୋଡରେ ଆଘାତ ଲାଗିଛି, ଏବଂ ୬ ଜଣିଆ ଡାକ୍ତରୀଦଳ ତାଙ୍କ ଚିକିତ୍ସା କରୁଛନ୍ତି । ସ୍ୱାସ୍ଥ୍ୟ ଅବସ୍ଥା ଏବେ ସ୍ଥିର ରହିଛି ।
ଏହି ହସପିଟାଲ ଏବେ ପାଲଟି ଯାଇଛି ରାଜନୈତିକ କେନ୍ଦ୍ରବିନ୍ଦୁ । ପୁତୁରା ଅଭିଷେକ ବାନାର୍ଜୀ, ଟିଏମସି ସାଂସଦ ମିମି ଚକ୍ରବର୍ତି, ନୁସରତ ଜାହାଁ, ବାଚସ୍ପତି ବିମନ ବାନାର୍ଜୀ ମଧ୍ୟ ଦିଦିଙ୍କୁ ଭେଟିଛନ୍ତି । ତେବେ ଘଟଣା ସେତେବେଳେ ରୋଚକ ହୋଇଥିଲା ଯେତେବେଳେ ବିଜେପିର ଏକ ଟିମ୍ ଡାକ୍ତରଖାନାରେ ପହଁଚି ଦିଦିଙ୍କୁ ଭେଟି ତାଙ୍କର ଆଶୁ ଆରୋଗ୍ୟ କାମନା କରିଥିଲେ ।
ମମତା ବାନାର୍ଜୀଙ୍କ ଆଶୁ ଆରୋଗ୍ୟ କାମନା କରିଛନ୍ତି ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ହସ୍ପିଟାଲରେ ଚିକିତ୍ସିତ ଥିବା ନେଇ ଚିନ୍ତା ପ୍ରକଟ କରିଛନ୍ତି ନବୀନ । ସେପଟେ ଘଟଣା ନେଇ ଟିଏମସି ବିଜେପିକୁ ଆକ୍ରମଣ କରିଛି । ଜବାବରେ ବିଜେପି କହିଛି , ଲୋକଙ୍କ ସମବେଦନା ସାଉଁଟିବାକୁ ଏହା ମମତାଙ୍କ ଏକ ଚାଲ୍ । ବୁଧବାର ନନ୍ଦିଗ୍ରାମରେ ନାମାଙ୍କନ କରି ଫେରିବା ସମୟରେ ମମତାଙ୍କୁ ୪-୫ ଜଣ ଠେଲିଦେଇଥିବା ନେଇ ଅଭିଯୋଗ ହୋଇଥିଲା । ଏହାକୁ ନେଇ ପୋଲିସ ନିଜ ଆଡୁ ମାମଲା କରି ତଦନ୍ତ କରୁଛି । ସେପଟେ ଘଟଣା ନେଇ ପଶ୍ଚିମବଙ୍ଗରେ ରାଜ୍ୟ ନିର୍ବାଚନ କମିଶନଙ୍କ ନିକଟରେ ଫେରାଦ ହୋଇଛନ୍ତି ଉଭୟ ଟିଏମସି ଓ ବିଜେପିର ପ୍ରତିନିଧି ଦଳ । ଘଟଣା ପାଇଁ ବିଜେପିକୁ ଟିଏମସି ଦାୟୀ କରିଥିବାବେଳେ, ଏହାକୁ ମମତାଙ୍କ ଚାଲ୍ ବୋଲି କହି ଘଟଣାର ସିବିଆଇ ତଦନ୍ତ ଦାବି କରିଛି ବିଜେପି ।