ହାଇ ସିକ୍ୟୁରିଟି ନମ୍ବର ପ୍ଲେଟ ବାଧ୍ୟତାମୂଳକ ହେବା ପରେ ମାତିଲେଣି ଲୁଟେରା । ଅନଲାଇନରେ ରେଜିଷ୍ଟ୍ରେସନ କଲାବେଳେ ଫେକ୍ ଆପ୍ ଜରିଆରେ କରୁଛନ୍ତି ଲୁଟ୍ ।
କନକ ବ୍ୟୁରୋ: ଗାଡି ପାଇଁ ହାଇ ସିକ୍ୟୁରିଟ ନମ୍ବର ବାଧ୍ୟତାମୂଳକ ହେବା ପରେ ଏବେ ମାତିଲେଣି ସାଇବର ଠକ । ଠିକ ଇଣ୍ଟରନେଟ ଆଡ୍ରେସରେ ଆପଣ ଯଦି ସର୍ଚ୍ଚ ନ କରନ୍ତି , ତେବେ ଠକେଇରେ ପଡିଯିବାର ସମ୍ଭାବନା ରହିଛି । ଗୁଗୁଲରେ ଏହାର କଷ୍ଟମର କେୟାରକୁ ସର୍ଚ୍ଚ କଲେ ଯେଉଁ ନମ୍ବର ଆସୁଛି , ତାହା ଫ୍ରଡ ନମ୍ବର ବୋଲି ସନ୍ଦେହ ହେଉଛି । ଦେଖନ୍ତୁ ହାଇ ସିକ୍ୟୁରିଟି ନମ୍ବର ପ୍ଲେଟ ପାଇଁ ଆପଣଙ୍କୁ କଣ କରିବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ଗାଡି ଚାଳକଙ୍କ ପାଇଁ ହାଇ ସିକ୍ୟୁରିଟି ନମ୍ବର ପ୍ଲେଟ ବାଧ୍ୟତାମୂଳକ କରାଯିବା ପରେ ଏବେ ଅନଲାଇନରେ ମାତିଲେଣି ସାଇବର ଠକ । ହାଇ ସିକ୍ୟୁରିଟି ନମ୍ବର ପାଇଁ ଆପଣ ଅନଲାଇନରେ ରେଜିଷ୍ଟ୍ରେସନ କଲାମାତ୍ରେ ଅନେକ ପେ।।ର୍ଟାଲ ଆସୁଛି । କିନ୍ତୁ ଏଥିମଧ୍ୟରୁ କିଛି ରେଜିଷ୍ଟ୍ରେସନ ପୋର୍ଟାଲ ଫେକ୍ ବୋଲି ଜଣାଯାଇଛି । ଆପଣ ସର୍ଚ୍ଚ କଲାମାତ୍ରେ କେତେବେଳେ ବି ଆସିପାରେ ଏହି ନକଲି ୱେବସାଇଟ ।
- ହାଇ ସିକ୍ୟୁରିିଟି ନମ୍ବର ପ୍ଲେଟରେ ଠକେଇ!
- ଠକେଇରେ ମାତିଛନ୍ତି କି ସାଇବର ଲୁଟେରା?
ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ ଲାଗିବା ବାଧ୍ୟତାମୂଳ ହେବା ପରେ ଲୋକଙ୍କୁ ଠକିବା ଲାଗି ଏବେ ଅନଲାଇନରେ ଅନେକ ଠକସଂସ୍ଥା ଏଭଳି ନମ୍ବର ପ୍ଲେଟ ଯୋଗାଉଥିବା ଦାବି କରୁଛନ୍ତି । ଆଗକୁ ଏଭଳି ନମ୍ବର ବାଧ୍ୟତାମୂଳକ ହେବାକୁ ଥିବାରୁ ଏହି ନମ୍ବର ପ୍ଲେଟ ପାଇବା ପାଇଁ ଲୋକେ ଅନଲାଇନରେ ସହାୟତା ନେଉଛନ୍ତି । କିନ୍ତୁ ସହଜରେ ହାଇସିକ୍ୟୁରିଟି ନମ୍ବର ପ୍ଲେଟ ଯୋଗାଇବାର ଲୋଭ ଦେଖାଇ ଅନଲାଇନରେ ମାତିଲେଣି ସାଇବର ଲୁଟେରା ଆଉ ଏଥିପାଇଁ ସତର୍କ ରହିବାକୁ ପରାମର୍ଶ ଦେଇଛି ପରିବହନ ବିଭାଗ ।
ଯଦି ଆପଣ ହାଇ ସିକ୍ୟୁରିଟି ନମ୍ବର ପ୍ଲେଟ କରିବାକୁ ଚାହୁଁଛନ୍ତି, ତାହାହେଲେ ପରିବହନ ବିଭାଗର ୱେବସାଇଟରେ ଓଡିଶାଟ୍ରାନସପୋର୍ଟ. ଜିଓଭି. ଇନକୁ ଯାଇ ବୁକ ଏଚଆରପିସି ଉପରେ କ୍ଲିକ କରିପାରିବେ । ନଚେତ୍ ସିଆମ ଡଟ୍ ଇନ ୱେବସାଇଟକୁ ଯାଇ ଆବେଦନ କରିପାରିବେ । ଏହାଦ୍ୱାରା ଆପଣ ଠକେଇର ଶିକାର ହେବେନି ଓ ଉପଯୁକ୍ତ ହାଇସିକ୍ୟୁରିଟି ନମ୍ବର ପ୍ଲେଟ ପାଇପାରିବେ ।
ବିଭିନ୍ନ କାମ ପାଇଁ ଆମେ ସାଧାରଣତଃ ଇଣ୍ଟରନେଟର ସାହାଯ୍ୟ ନେଇଥାଉ । ହେଲେ ସେହି ଇଣ୍ଟରନେଟରେ ଅନେକ ଠକ କମ୍ପାନୀର ୱେବସାଇଟ ଏବଂ ଠକଙ୍କ ନମ୍ବର ଆସିଥାଏ । ଯଦି ୱେବସାଇଟ କିମ୍ବା ନମ୍ବରର ସହୟତା ନିଅନ୍ତି ତାହାହେଲେ ଠକେଇର ଶିକାର ହୁଅନ୍ତି । ତେଣୁ ନମ୍ବର ପ୍ଲେଟ ପାଇଁ ଅନଲାଇନରେ ରେଜିଷ୍ଟ୍ରେସନ କରିବା ସମୟରେ କିଛି ସତର୍କତା ଜରୁରୀ ।
- ପ୍ରକୃତ ୱେବସାଇଟରେ ପଂଜୀକୃତ କରନ୍ତୁ
- ୱେବସାଇଟରେ ଏଂଟ୍ରି କରିବା ସମୟରେ ସଂପକ୍ତ ୱେବସାଇଟକୁ ଭଲଭାବେ ଯାଂଚ କରନ୍ତୁ
- ଗୁଗଲରେ କଷ୍ଟମର କେୟାର ନମ୍ବର ସର୍ଚ କରନ୍ତୁ ନାହିଁ
- କୌଣସି ସମସ୍ୟା ହେଲେ ସେହି ନିର୍ଦ୍ଦିଷ୍ଟ ୱେବସାଇଟ ଭିତରେ ଟୋଲ-ଫ୍ରି ନମ୍ବର ଖୋଜନ୍ତୁ ଓ ଯୋଗଯୋଗ କରନ୍ତୁ
ଅପରାଧ ନିୟନ୍ତ୍ରଣ ଓ ଅପରାଧୀକୁ ଚିହ୍ନଟ କରିବା ପାଇଁ ହାଇସିକ୍ୟୁରିଟି ନମ୍ବର ପ୍ଲେଟ ଅନେକାଂଶରେ ସହାୟକ ହେବ ବୋଲି କୁହାଯାଉଛି । ଯାହାଫଳରେ ଏହି ନମ୍ବର ପ୍ଲେଟ ପାଇଁ ଲୋକେ ରେଜିଷ୍ଟ୍ରେସନ କରିବା ଆରମ୍ଭ କରିଛନ୍ତି । ହେଲେ ଏହି ରେଜିଷ୍ଟ୍ରେସନ ଅନଲାଇନରେ କରାଯାଉଥିବାରୁ ଅନଲାଇନ ଠକାମିର ଆଶଙ୍କା ବଢିଯାଇଛି ।