ପୁଣି ଚମକିଲେ ଭାଇଜାନ ! ଏବର୍ଷର ସବୁଠାରୁ ବଡ଼ ବ୍ଲକବ୍ଲଷ୍ଟର ପ୍ରମାଣିତ ହେଲା ‘ଟାଇଗର ଜିନ୍ଦା ହୈ’
ଦବଙ୍ଗ ହିରୋ ସଲମାନ ଖାନଙ୍କ ଅଭିନିତ ସିନେମା ସବୁବେଳେ ସୁପରହିଟ ହୋଇଆସିଛି, ଯାହା ତାଙ୍କୁ ବଲିଉଡରେ ଜଣେ ପ୍ରଖ୍ୟାତ ଅଭିନେତା ଭାବରେ ପରିଚିତ କରିପାରିଛି । କିନ୍ତୁ ଏତେ ସବୁ ସୁପରହିଟ୍ ସିନେମା ମଧ୍ୟରେ ଫ୍ଲପ ଫିଲ୍ମ କୌଣସି ପ୍ରଭାବ ପକାଏ ନାହିଁ ସଲୁ ମିଆଁଙ୍କ ଉପରେ । ଏହା ପ୍ରମାଣ କରିଛି ତାଙ୍କ ଫିଲ୍ମ ‘ଟାଇଗର ଜିନ୍ଦା ହୈ’ । କାରଣ ଟ୍ୟୁବଲାଇଟ ଫ୍ୟୁଜ୍ ହୋଇ ଯାଇଥିଲେ ମଧ୍ୟ ସଲମାନଙ୍କ ଫିଲ୍ମ କ୍ୟାରିଅର ଉପରେ କୌଣସି ଖରାପ ପ୍ରଭାବ ପଡ଼ିନଥିଲା ଯାହାକୁ ପ୍ରମାଣିତ ହୋଇଛି ସିମେନାର ରୋଜଗାର ନେଇ ରିପୋରର୍ଟ ଆସିବା ପରେ ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ସିମେନା ‘ଟାଇଗର ଜିନ୍ଦା ହୈ’ ବକ୍ସ ଅଫିସରେ ପ୍ରଥମ ଦିନରେ ହିଁ ୩୮ କୋଟିରେ ପହଂଚିିଛି । ଯାହାକି ବାକି ସିନେମାକୁ ପଛରେ ପକାଇଦେଇଛି । ଖାଲି ସେତିକି ନୁହେଁ, ଭାରତରେ ପାଖାପାଖି ୮୦ ପ୍ରତିଶତ ବୁକିଂ ସହିତ ଓପନିଙ୍ଗ ହୋଇଛି ସିନେମା ଟାଇଗର ଜିନ୍ଦା ହୈ । ଓଭରସିଜରେ ମଧ୍ୟ ଫିଲ୍ମ ଜବରଦସ୍ତ ରୋଜଗାର କରିଛି । ଫିଲ୍ମ ଅଷ୍ଟ୍ରେଲିୟାରେ ୨୪ଟି ସ୍କ୍ରିନରେ ରିଲିଜ ହୋଇଛି ଏବଂ ସେଠାରେ ୧.୦୧ କୋଟି ରୋଜଗାର ରହିଥିବା ବେଳେ ନିଉଜିଲାଣ୍ଡରେ ୧୯ଟି ସ୍କ୍ରିନରେ ୩୮.୫୪ଲକ୍ଷ ଟଙ୍କା ରୋଜଗାର କରିଛି ।
ତେବେ ଫିଲ୍ମ ୨୨ ଡିସେମ୍ବରକୁ ରିଲିଜ ହୋଇଛି ଏବଂ ଫିଲ୍ମକୁ ବିରୋଧ କରି କେତେକ ସ୍ଥାନରେ ଭଙ୍ଗା ରୁଜା ମଧ୍ୟ ହୋଇଥିବା ଖବର ସାମ୍ନାକୁ ଆସିଥିଲା । ଏଥିସହିତ ସଲମାନ ଏବଂ ଶିଳ୍ପାଙ୍କ ବିରୋଧରେ ବାଲ୍ମିକୀ ସମାଜ ଏକ ମାମଲା ରୁଜୁ କରିଥିବାରୁ ସେମାନଙ୍କ ପାଇଁ ଅସୁବିଧା ବଢିବାରେ ଲାଗିଛି ।