ଦେଶରେ ସଡକ ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା ଦିନପ୍ରତିଦିନ ବୃଦ୍ଧି ପାଇବାରେ ଲାଗିଛି । ପ୍ରତି ଦିନ କେଉଁଠି ନା କେଉଁଠି ସଡକ ଦୁର୍ଘଟଣାରେ କେହି ନା କେହି ବ୍ୟକ୍ତି ଅକାଳରେ ଜୀବନ ହାରୁଛନ୍ତି । ଯାହାର ମୁଖ୍ୟ କାରଣ ଚାଳକଙ୍କ ଅସାବଧାନତା, ମଦ ପିଇ ଡ୍ରାଇଭିଂ କରିବା କିମ୍ବା ରାସ୍ତାରେ ଗତି କରୁଥିବା ମାତ୍ରାଧିକ ଯାନବାହନ ଯୋଗୁଁ ମଧ୍ୟ ଏଭଳି ସ୍ଥିତି ଉପୁଜିପାରେ । ତେବେ ଏହାକୁ ଦୃଷ୍ଟିରେ ରଖି ରାଜସ୍ଥାନ ହାଇକୋର୍ଟ ଏକ ଗୁରୁତ୍ୱ ପୂର୍ଣ୍ଣ ରାୟ ଶୁଣାଇଛନ୍ତି । ଜଷ୍ଟିସ ସଂଜୀବ ପ୍ରକାଶଙ୍କ ଖଣ୍ଡପୀଠରେ ନିର୍ଦ୍ଦେଶ ଦିଆଯାଇଛି କି, କୌଣସି ବି ନିରକ୍ଷର ବ୍ୟକ୍ତିଙ୍କୁ ଡ୍ରାଇଭିଂ ଲାଇସେନ୍ସ ଜାରି କରାଯିବ ନାହିଁ । କୋର୍ଟର ରାୟ ଅନୁସାରେ, ଅଶିିକ୍ଷତ ତଥା ନିରକ୍ଷର ବ୍ୟକ୍ତି ସମାଜ ପାଇଁ ଘାତକ ପ୍ରମାଣିତ ହୋଇପାରନ୍ତି । କାହିଁକି ନା ରାସ୍ତା କଡରେ ଲଗାଯାଇଥିବା ସାଇନ ବୋର୍ଡକୁ ସେମାନେ ନା ପଢି ପାରିବେ ନା ହିଁ କୌଣସି ୱାଣ୍ଣିଂ ସିଗନାଲକୁ ବୁଝିପାରିବେ । ଯାହାଦ୍ୱାରା ସେମାନେ ନିଜ ପାଇଁ ଏବଂ ଅନ୍ୟ ମାନଙ୍କ ପାଇଁ ବିପଦଜ୍ଜନକ ପାଲଟିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ମାମଲାର ଶୁଣାଣୀ କରି ରାଜସ୍ଥାନ ହାଇକୋର୍ଟ କହିଛି କି, ଆଇନ ଦୃଷ୍ଟିରୁ ମୋଟର ହ୍ୱିଲର ରୁଲ କେବଳ ବ୍ୟକ୍ତି ବିଶେଷଙ୍କ ଫାଇଦା ପାଇଁ ଲାଗୁ କରାଯାଇନି ବରଂ ପଥଚାରୀ ତଥା ଜନସାଧାରଣଙ୍କ ପାଇଁ ବି ବିଧେୟ । ତେଣୁ ଏଭଳି ପରିସ୍ଥିତିରେ ଏଭଳି ବ୍ୟକ୍ତିଙ୍କୁ ଲାଇସେନ୍ସ ଜାରି କରାଯିବ ନାହିଁ, ଯେଉଁମାନେ କି ଲେଖାପଢା ଜାଣିନାହାଁନ୍ତି । କାରଣ ନିରକ୍ଷର ବ୍ୟକ୍ତି ମାନବ ସୁରକ୍ଷା ପାଇଁ ରାସ୍ତା କଡରେ ଲଗାଥିବା ବିଭିନ୍ନ ସେଫ୍ଟି ବୋର୍ଡକୁ ନା ପଢିପାରିବେ ନା ହିଁ ବୁଝିପାରିବେ ।
କମର୍ସିଆଲ ହ୍ୱିଲର ପାଇଁ ୮ମ ପାସ୍ ହେବା ଜରୁୂରୀ
ଯଦିଓ ନିୟମ କହୁଛି କି, ମୋଟର ହ୍ୱିଲର ରୁଲରେ ନନ-କମର୍ସିଆଲ ଡ୍ରାଇଭିଂ ଲାଇସେନ୍ସ ପାଇଁ ସର୍ବନିମ୍ନ ଯୋଗ୍ୟତାର ସେଭଳି କୌଣସି ନିର୍ଦ୍ଦିଷ୍ଟ ନିୟମ ନାହିଁ । ତେବେ ଯେଉଁ ମାନଙ୍କୁ ଟ୍ରାଫିକ୍ ସାଇନ ଏବଂ ଅନ୍ୟାନ୍ୟ ସଡକ ସୁରକ୍ଷା ଜନିତ ନିୟମ କାନୁନ ଜଣାଥିବ ସେମାନେ ଟେଷ୍ଟ ପାସ୍ କରି ଡ୍ରାଇଭିଂ ଲାଇସେନ୍ସ ପାଇପାରିବେ । କିନ୍ତୁ କମର୍ସିଆଲ ଗାଡି ଚଲାଇବା ଲାଗି ଡ୍ରାଇଭିଂ ଲାଇସେନ୍ସ ପାଇଁ ଅଷ୍ଟମ ପାସ୍ ହେବା ନିହାତି ଜରୁରୀ ।
କୋର୍ଟ ତରଫରୁ କୁହାଯାଇଛି କି, ସରକାରଙ୍କୁ ଏଭଳି ଆଇନ ପ୍ରସ୍ତୁତ କରିବା ଦରକାର । ଯାହା ନା କେବଳ ଲାଇସେନ୍ସଧାରୀଙ୍କ ପାଇଁ ବରଂ ସମସ୍ତ ପଥଚାରୀଙ୍କ ସୁରକ୍ଷାକୁ ଦୃଷ୍ଟିରେ ରଖୁଥିବ । ସରକାର ଏଭଳି ନିରକ୍ଷର ଲୋକଙ୍କୁ ଲାଇସେନ୍ସ ଜାରି ନକରନ୍ତୁ, ଯେଉଁମାନେ କି ଜାତୀୟ ରାଜପଥ ସହିତ ଅନ୍ୟ ରାସ୍ତାରେ ଯାତାୟତ ପାଇଁ ଲଗାଯାଇଥିବା ସାଇନ ବୋର୍ଡକୁ ପଢି ଏବଂ ବୁଝିପାରୁନଥିବେ ।