ଅଦ୍ଭୁତ ପରମ୍ପରା : ଏହି ମନ୍ଦିରରେ ମନୋସ୍କାମନା ପୂର୍ଣ୍ଣ ହୋଇସାରିବା ପରେ ଚଢ଼ାଯାଏ ଜୋତା-ଚପଲ
ଆମ ଦେଶର ଅନେକ ସ୍ଥାନରେ ଏମିତି ମନ୍ଦିର ଅଛି, ଯେଉଁଠି ପରମ୍ପରାଗୁଡିକୁ ଶୁଣି ଅନେକ ଥର ବିଶ୍ୱାସ କରିବା ସମ୍ଭବ ହୁଏନି । ଆଜି ଆମେ ଏମିତି କିଛି ମନ୍ଦିର ବିଷୟରେ କଥା ହେବା । କେବେ ଆପଣ ଭାବିଛନ୍ତି କି ଯେତେବେଳେ ପୂଜା କରିବା ପାଇଁ ଆପଣ ମନ୍ଦିରକୁ ଯାଆନ୍ତି, ତେବେ ଚପଲ ନେଇକି ଯାଆନ୍ତି କି ? ନାହିଁ ନା । ସେହି ଚପଲ ପୁରା ନୂଆ ହୋଇଥାଉ ନା କାହିଁକି । କିନ୍ତୁ ଆମ ଦେଶରେ ଏମିତି ମନ୍ଦିର ଅଛି, ଯେଉଁଠି ଚପଲର ମହତ୍ୱ ଅଧିକ । ଏଠି ମନ୍ଦିରରେ ଚଢ଼ାଯାଏ ଚପଲ ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ମନ୍ଦିର ଭିତରେ ଚପଲ ନେଇଯିବାକୁ ଅନୁମତି ଅଛି, ସେଇଠି ଚପଲ ପ୍ରସାଦ କିମ୍ବା ଭେଟି ଭାବେ ଦିଆଯାଏ । ଏମିତି ମନ୍ଦିର ହେଉଛି ଭୋପାଳର କୋଲାର ସ୍ଥିତ ଜୀଜାବାଇ ମନ୍ଦିର, କର୍ଣ୍ଣାଟକର ଗୁଲବର୍ଗ ଜିଲ୍ଲାର ଲକମ୍ମା ମନ୍ଦିର ।
ଭୋପାଳ ସ୍ଥିତ ଜୀଜାବାଇ ମନ୍ଦିର ଏକ ପାହାଡ ଉପରେ ଅଛି । ଏହି ମନ୍ଦିରକୁ ସିଦ୍ଧିଦାତ୍ରୀ ପାହାଡ ମାତାର ମନ୍ଦିର କୁହାଯାଏ । ଏଠି ଦେବୀଙ୍କୁ ନୂଆ ନୂଆ ଚପଲ ଓ ସ୍ୟାଣ୍ଡଲ ଚଢ଼ାଯାଏ । ଏହି ମନ୍ଦିରର ପୂଜାରୀ ଦେବୀ ମାଆଙ୍କ ପୂଜା ଓ ରକ୍ଷଣାବେକ୍ଷଣ ମାତା ରୂପରେ ନୁହେଁ ବରଂ ଝିଅ ରୂପରେ କରନ୍ତି । ସୂଚନା ମୁତାବକ, ଶିବ-ପାର୍ବତୀ ବିବାହର ଆୟୋଜନ କରିବା ସମୟରେ ପୂଜାରୀ ମାଆ ପାର୍ବତୀଙ୍କ କନ୍ୟାଦାନ କରିଥିଲେ । ସେବେଠାରୁ ସେ ଦେବୀ ମାଆଙ୍କ ସେବା ଝିଅ ଭାବେ କରିବାକୁ ଲାଗିଲେ । ଏହି ମନ୍ଦିରେ ଚଢ଼ାଯାଉଥିବା ଚପଲ ଓ ସ୍ୟାଣ୍ଡଲ ଯେତେବେଳେ ଅଧିକ ସଂଖ୍ୟାରେ ଏକତ୍ର ହୋଇଯାଏ । ତେବେ ପୂଜାରୀ ସେଗୁଡାକୁ ପ୍ରସାଦ ଭାବେ ମାଆଙ୍କ ଭକ୍ତଙ୍କୁ ବାଂଟି ଦିଆଯାଏ । ଏଠି ବିଶ୍ୱାସ ଅଛି ଯେ, ମାଆଙ୍କୁ ନିଷ୍ଠା ମନରେ ଡାକିଲେ ମନୋସ୍କାମନା ପୂର୍ଣ୍ଣ ହୋଇଥାଏ । ଇଚ୍ଛା ପୂର୍ତ୍ତି ହେବା ପରେ ଭକ୍ତ ମାଆଙ୍କ ମନ୍ଦିରରେ ଭେଟ ସ୍ୱରୂପ ଚପଲ ଚଢ଼ାଯାଏ ।
ଲକମ୍ମା ଦେବୀ ମନ୍ଦିର କର୍ଣ୍ଣାଟକର ଗୁଲବର୍ଗ ଜିଲ୍ଲାରେ ସ୍ଥିତ । ଏହି ମନ୍ଦିରକୁ ବହୁତ ଦୂର ଦୂରାନ୍ତରୁ ଶ୍ରଦ୍ଧାଳୁ ମନୋସ୍କାମନା ପୂରଣ ସକାଶେ ଆସନ୍ତି । ଏବଂ ନିଜ ପ୍ରାର୍ଥନା ସ୍ୱୀକାର ହେବା ପରେ ଏହି ମନ୍ଦିର ପ୍ରାଙ୍ଗଣରେ ଥିବା ଗଛରେ ଜୋତା-ଚପଲ-ସ୍ୟାଣ୍ଡଲ ବନ୍ଧାଯାଏ । ଏହି ମନ୍ଦିରରେ ମାଆଙ୍କୁ ଏଥିପାଇଁ ଜୋତା-ଚପଲ ଚଢ଼ାଯାଏ, ମାଆ ତାକୁ ପିନ୍ଧି ରାତିରେ ପ୍ରତ୍ୟେକ ଜାଗା ଭ୍ରମଣ କରନ୍ତି ଓ ଭକ୍ତଙ୍କ ରକ୍ଷା କରନ୍ତି । ଦୀପାବଳୀ ପରେ ଏହି ମନ୍ଦିରରେ ଫୁଟୱେର ଫେଷ୍ଟିଭାଲର ଆୟୋଜନ କରାଯାଏ ।
