କରୋନା ସଂକ୍ରମିତ ହେଲେ ଦିଲ୍ଲୀ ଉପରାଜ୍ୟପାଳ । ସାମାନ୍ୟ ଲକ୍ଷଣ ଥାଇ ପଜିଟିଭ୍ ଚିହ୍ନଟ
କନକ ବ୍ୟୁରୋ : କରୋନା ଧିରେ ଧିରେ ସମସ୍ତଙ୍କୁ ନିଜ କବଳକୁ ନେବାରେ ଲାଗିଛି । ଏହି କ୍ରମରେ ଦିଲ୍ଲୀର ଉପରାଜ୍ୟପାଳ ଅନିଲ ବୈଜଲ କରୋନା ସଂକ୍ରମିତ ହୋଇଥିବା ଖବର ମିଳିଛି । ସେ କରୋନା ସଂକ୍ରମିତ ଚିହ୍ନଟ ହେବା ପରେ ସଂଗରୋଧରେ ରହିଛନ୍ତି । ସେ ଗଣମାଧ୍ୟମ ଜରିଆରେ ସୂଚନା ଦେଇ କହିଛନ୍ତି କି ତାଙ୍କଠାରେ ସାମାନ୍ୟ ଲକ୍ଷଣ ଦେଖାଦେଇଥିଲା । ସନ୍ଦେହରେ ପରୀକ୍ଷା କରିବାକୁ ପଜିଟିଭ୍ ବାହାରିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସେ ତାଙ୍କ ଟ୍ୱିଟରରେ ଲେଖିଛନ୍ତି କିଛିଦିନ ହେବ ମୋ ସଂସ୍ପର୍ଶରେ ଆସିଥିବା ସମସ୍ତ ଲୋକ କୋଭିଡ ଟେଷ୍ଟ କରାଇ ନିଅନ୍ତୁ । ‘ମୁଁ ଦିଲ୍ଲୀ ସ୍ଥିତ ମୋ ବାସଭବନରେ ରହି ଦିଲ୍ଲୀର ପରିସ୍ଥିତି ନୀରୀକ୍ଷଣ କରିବି’ ।
କହିରଖୁ କି କିଛିଦିନ ହେବ ଦିଲ୍ଲୀ ସରକାର ଓ ଦିଲ୍ଲୀର ଉପରାଜ୍ୟପାଳଙ୍କୁ ନେଇ ବିବାଦ ଚାଲିଥିଲା । କେନ୍ଦ୍ର ସରକାର ଦିଲ୍ଲୀର ନିର୍ବାଚିତ ସରକାରଙ୍କ ହାତରୁ କ୍ଷମତା କାଢିନେଇ ଏବେ ଦିଲ୍ଲୀ ସରକାରର ପ୍ରମୁଖ କ୍ଷମତା ଉପରାଜ୍ୟପାଳଙ୍କ ହାତରେ ଦେଇଛନ୍ତି ।