ସିନେମା ‘ଆଦି ପୁରୁଷ’କୁ ନେଇ ବଢୁଛି ବିବାଦ, ରିଲିଜ ନକରିବାକୁ ହାଇକୋର୍ଟରେ ଆବେଦନ
କନକ ବ୍ୟୁରୋ : ଅପକମିଂ ବଲିଉଡ ଫିଲ୍ମ ଆଦିପୁରୁଷକୁ ନେଇ ଦିନକୁ ଦିନ ବଢିବାରେ ଲାଗିଛି ବିବାଦ । ଫିଲ୍ମର ଚରିତ୍ର ଓ ଦୃଶ୍ୟ ଚିତ୍ରଣକୁ ନେଇ ବିରୋଧର ସ୍ୱର ଉଠିଥିବାବେଳେ ଏହାର ରିଲିଜ ଉପରେ ରୋକ ଲଗାଇବାକୁ ଜୋର ଧରିଛି ଦାବି । ବିଭିନ୍ନ ହିନ୍ଦୁ ସଂଗଠନ ସମେତ ବିଜେପି ଫିଲ୍ମକୁ ନେଇ ଆପତି ପ୍ରକାଶ କରିଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀର ଏକ ଏନଜିଓ ଫିଲ୍ମର ରିଲିଜ ଉପରେ ରୋକ ଲଗାଇବା ପାଇଁ ଦିଲ୍ଲୀ ହାଇକୋର୍ଟରେ ଆବେଦନ ଦାୟର କରିଛି । ପୌରାଣିକ କଥାବସ୍ତୁତ ରାମାୟଣକୁ ନେଇ ନିର୍ଦ୍ଦେଶକ ଓମ ରାଉତ ଫିଲ୍ମ ଆଦିପୁରୁଷ ନିର୍ମାଣ କରିଛନ୍ତି । ଫିଲ୍ମରେ ସ୍ଥାନ ପାଇଥିବା ଶ୍ରୀରାମ, ହନୁମାନ ଓ ରାବଣ ଚରିତ୍ରଙ୍କୁ କଦର୍ଥଭାବେ ଚିତ୍ରଣ କରାଯାଇଛି । ଏମାନଙ୍କ ବେଶ ଭୁଷା,ଡାଇଲଗ ସବୁ କିଛି ବିବାଦ ଭିତରେ ରହିଛି । ବିଭିନ୍ନ ହିନ୍ଦୁ ସଂଗଠନ ଓ ବିଜେପି ଫିଲ୍ମରୁ ବିବାଦୀୟ ଚିତ୍ର ଓ ଚରିତ୍ରକୁ ହଟାଇବା ସହ ଦେଶବାସୀଙ୍କୁ ନିର୍ଦ୍ଦେଶକ ଓମ ରାଉତ କ୍ଷମା ମାଗନ୍ତୁ ବୋଲି ଦାବି କରିଛନ୍ତି ।