କନକ ବ୍ୟୁରୋ: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନାଗରିକତାକୁ ନେଇ ସବୁବେଳେ ବିଜେପି ପ୍ରଶ୍ନ ଉଠାଇ ଆସୁଥିବା ବେଳେ ଆଜି କେରଳରୁ ଆସିଛି ଏକ ଚିତ୍ର ଯାହା, ହୁଏତ ଏହି ସମସ୍ତ ବିବାଦ ଉପରେ ପୂର୍ଣ୍ଣଚ୍ଛେଦ ପକାଇଦେବ । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଜନ୍ମ ସମୟରେ ଉପସ୍ଥିତ ଥିବା କେରଳ ନର୍ସଙ୍କ ଚିତ୍ର ସାମ୍ନାକୁ ଆସିଛି । ଯାହାକୁ କେରଳ କୋଜିକୋଡରେ ଭେଟିଛନ୍ତି ରାହୁଲ ଗାନ୍ଧୀ ।
Kanak News is now on WhatsApp
Join and get latest news updates delivered to you via WhatsApp
ജനനം മുതൽ @RahulGandhi ക്ക് വയനാടിനോടുള്ള സ്നേഹം ഓർത്തെടുത്ത് കൊണ്ട് മൂന്നാം ദിന പര്യടനത്തിന് ആരംഭം. തന്റെ ജനന സമയത്ത് ആശുപത്രിയിൽ നഴ്സായി സേവനം ചെയ്ത് വിരമിച്ച ശ്രീമതി രാജമ്മ രാജപ്പനോടൊപ്പം നന്ദിയുടെ നിമിഷങ്ങൾ പങ്കിട്ട് @RahulGandhi#RahulGandhiWayanad pic.twitter.com/HT95rO55Yx
— Rahul Gandhi – Wayanad (@RGWayanadOffice) June 9, 2019
ସୂଚନା ଅନୁସାରେ ରାହୁଲ ଗାନ୍ଧୀ ୧୯୭୦ ମସିହା ଜୁନ୍ ୧୭ ତାରିଖରେ ଦିଲ୍ଲୀର ହୋଲି କ୍ରସ୍ ଫ୍ୟାମିଲି ହସ୍ପିଟାଲରେ ଜନ୍ମ ହୋଇଥିଲେ । ଏହି ସମୟରେ କେରଳ ନର୍ସ, ରାଜାମ୍ମା ହସ୍ପିଟାଲରେ ଉପସ୍ଥିତ ଥିଲେ । ଏମିତିକି ନବଜାତ ରାହୁଲଙ୍କୁ କାଖେଇଥିଲେ । ରାଜାମ୍ମାଙ୍କ ପୁରା ନାଁ ରାଜମ୍ମା ୱାବଥିଲ୍, ଯାହାଙ୍କ ବର୍ତ୍ତମାନ ବୟସ ୭୦ ବର୍ଷ । ଚାକିରିରୁ ରାଜାମ୍ମା ଏବେ ଅବସର ନେଇ ସାରିଛନ୍ତି । ରାହୁଲ ଗାନ୍ଧୀ ଏବେ କେରଳ ଗସ୍ତରେ ଥିବା ବେଳେ ରାଜାମ୍ମାଙ୍କୁ ଭେଟିଛନ୍ତି । କୋଜିକୋଡରେ ଭେଟିବା ବେଳେ ଏକ ଭାବବିହ୍ୱଳ ପରିବେଶ ସୃଷ୍ଟି ହୋଇଥିଲେ ।
ରାହୁଲ ଗାନ୍ଧୀ ରାଜାମ୍ମାଙ୍କୁ ଖୁସିରେ କୁଣ୍ଡେଇ ପକାଇଥିଲେ । ଏହି ଭାବବିହ୍ୱଳ ମୁହୁର୍ତର ଚିତ୍ର ସୋସିଆଲ ମିଡ଼ିଆରେ ସେୟାର କରିଛନ୍ତି କଂଗ୍ରେସ ଅଧ୍ୟକ୍ଷ । ଏହି ଦେଖାସାକ୍ଷତ ପରେ ରାଜାମ୍ମା ନିଜ ପ୍ରତିକ୍ରିୟାରେ କହିଛନ୍ତି- ରାହୁଲ ଜନ୍ମ ହେବା ପରେ ତାଙ୍କୁ ମୁଁ କାଖେଇଥିଲି । ରାହୁଲଙ୍କ ଜନ୍ମର ମୁଁ ନିଜେ ସାକ୍ଷୀ । ଇନ୍ଧୀରା ଗାନ୍ଧୀଙ୍କ ନାତିଙ୍କୁ ଦେଖିବା ପାଇଁ ଆମେ ସମସ୍ତେ ସେ ସମୟରେ ଉତ୍ସାହିତ ଥିଲୁ ।