ଅଜୟ ଦେବଗନଙ୍କ ନାମରେ ୨୦୦ କୋଟିର ଠକେଇ ଅଭିଯୋଗ, ମାମଲା ରୁଜୁ କଲା ଉତ୍ତର ପ୍ରଦେଶ ଏସଟିଏଫ
ବଲିଉଡ ଅଭିନେତା ଅଜୟ ଦେବଗନଙ୍କ ନାମରେ ୨୦୦ କୋଟି ଟଙ୍କା ଠକେଇ ଅଭିଯୋଗ । ୟୁପିର ସ୍ୱେଶାଲ ଟାସ୍କ ଫୋର୍ସ ବା ଏସଟିଏଫ ଟଙ୍କା ଠକେଇ ଅଭିଯୋଗରେ ମାମଲା ରୁଜୁ କରିଛି । କେବଳ ଅଜୟ ନୁହେଁ ଏହି ମାମଲାରେ ଜମ୍ମୁର ପୂୁର୍ବତନ ସୁନ୍ଦରୀ ଅନାରା ଗୁପ୍ତାଙ୍କ ନାଁ ମଧ୍ୟ ସାମ୍ନାକୁ ଆସିଛି । ତେବେ ଏହି ଠକେଇର ମାଷ୍ଟର ମାଇଣ୍ଡ କୁହାଯାଉଥିବା ଓମପ୍ରକାଶ ଯାଦବଙ୍କୁ ଏହ୍ଲାବାଦର ସିଭିଲ ଲାଇନସ ଅଞ୍ଚଳରୁ ଗିରଫ କରିଛି ପୋଲିସ । ମୁଖ୍ୟ ଅଭିଯୁକ୍ତ ଓମପ୍ରକାଶ ଠାରୁ ମୋବାଇଲ, ଲ୍ୟାପଟପ, ବିଭିନ୍ନ କାଗଜପତ୍ର ସହ ଅନାରା ଗୁପ୍ତାଙ୍କ ସହ ହ୍ୱାଟସଆପରେ ହୋଇଥିବା ବାର୍ତ୍ତାଳପର ରେକର୍ଡିଂ ଜବତ କରିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଏସଟିଏଫର ସୂଚନା ଅନୁସାରେ ଏହି ଲୋକମାନଙ୍କର ଜାଲ ହରିୟାଣା, ରାଜସ୍ଥାନ, ଚଣ୍ଡିଗଡ଼ ଏବଂ ମଧ୍ୟପ୍ରଦେଶ ଏବଂ ଛତିଶଗଡ଼ ପର୍ଯ୍ୟନ୍ତ ବିଛାଇ ହୋଇ ରହିଥିଲା । ଏ ସମସ୍ତେ ଖୁବ ଚାଲାକିର ସହିତ ରାଜ୍ୟର ହଜାର ହଜାର ଲୋକଙ୍କ ଠାରୁ ଠକେଇ କରିଛନ୍ତି । ତେବେ ଏହି ଠକେଇରେ ମୁଖ୍ୟ ଭୂମିକା ଗ୍ରହଣ କରିଥିଲେ ଅନାରା ଗୁପ୍ତା । ପୂର୍ବ ମିସ ଜମ୍ମୁ ଅନାରା ଗୁପ୍ତା ଭିନ୍ନ ଭିନ୍ନ ସହରକୁ ଯାଇ ନିଜ ପ୍ରଡକ୍ସନ ହାଉସ ବିଷୟରେ ସୂଚନା ଦେଉଥିଲେ ଏବଂ ଟଙ୍କା ରୋଜଗାରର ଲୋଭ ଦେଖାଇ ତାଙ୍କ ପ୍ରଡକ୍ସନ ହାଉସରେ ଟଙ୍କା ବିନିଯୋଗ କରିବାକୁ ପ୍ରବର୍ତ୍ତାଉଥିଲେ ।
କେବଳ ଏହି ଦୁଇଜଣ ନୁହେଁ ଏସଟିଏଫର ସନ୍ଦେହ ଅନୁଯାୟୀ ଏହି ଠକେଇରେ ଆହୁରି ଅନେକ ଲୋକ ସାମିଲ ଅଛନ୍ତି । ଯେଉଁ ମାନଙ୍କୁ ଧରିବା ଏବେ ପୋଲିସ ପାଇଁ ଚ୍ୟାଲେଞ୍ଚ ପାଲଟିଛି । ଏହି ଠକେଇର ମାଷ୍ଟରମାଇଣ୍ଡ ଓମପ୍ରକାଶ ନାମରେ ହଜାରରୁ ଅଧିକ ଲୋକଙ୍କୁ ଠକିଥିବା ଅଭିଯୋଗ ହୋଇଛି । ତେବେ କିଛି ଲୋକ କେସ ଦେବା ପରେ ପୋଲିସ ଏମାନଙ୍କୁ ଗିରଫ କରିବା ପାଇଁ ଅଭିଯାନ ଆରମ୍ଭ କରିଥିଲା । ଏହ୍ଲାବାଦ ସିଭିଲ ଲାଇନ ଅଞ୍ଚଳରେ ଏକ ପ୍ରଡକ୍ସନ ହାଉସ ଖୋଲି ଲୋକଙ୍କୁ କାମ ଦେବା ଆଶାରେ ତାଙ୍କ କଂପାନୀ ସହିତ ଯୋଡ଼ି ହେବାକୁ କହୁଥିଲେ ଓମପ୍ରକାଶ ଓ ଅନାରା । ତେବେ ଖୁବ କମ ଦିନ ମଧ୍ରରେ ଏକ ହଜାର ଲୋକଙ୍କୁ ପ୍ରଡକ୍ସନ ହାଉସ ସହ ଯୋଡି ପ୍ରାୟ ତିନି କୋଟି ଟଙ୍କା ଜମା କରିଥିଲେ ।
ଟଙ୍କା ଜମା କରିଥିବା ଲୋକଙ୍କୁ କୁହାଯାଉଥିଲା ଯେ, ଏହି ଟଙ୍କା ଅଜୟ ଦେବଗନଙ୍କ ଆଗାମୀ ଫିଲ୍ମ ଦିଲୱାଲେ ପାର୍ଟ ଟୁ ବିନିଯୋଗ କରାଯାଉଛି । ଏପରିକି ଫିଲ୍ମ ରିଲିଜ ହେବା ପରେ ଯେଉଁ ଲାଭାଂଶ ମିଳିବ ତାହାକୁ ସମସ୍ତ ଲୋକଙ୍କ ମଧ୍ୟରେ ବାଣ୍ଟି ଦିଆଯିବ ବୋଲି କମ୍ପାନି ପକ୍ଷରୁ କୁହାଯାଇଥିଲା । ତେବେ ଏମାନଙ୍କ ଚାଲାଖିକୁ ବୁଝିବାକୁ ପୋଲିସକୁ ବେଶି ସମୟ ଲାଗିନଥିଲା । ଶୁକ୍ରବାର ଅନାରା ଗୁପ୍ତା ଓ ଅନ୍ୟ ୪ ଜଣଙ୍କ ବିରୋଧରେ ମାମଲା ରୁଜୁ ହେବା ପରେ ପୋଲିସ ଏମାନଙ୍କୁ ଧରିବାକୁ ତତ୍ପର ହୋଇ ଉଠିଥିଲା । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଅନଲାଇନ ମାଧ୍ୟମରେ ଲୋକଙ୍କ ଠକୁ ଥିଲା ଅନାମାଙ୍କ ପ୍ରଡକ୍ସନ ହାଉସ । ତେବେ ଏହି ଠକେଇ ସହ ଅଜୟଙ୍କର କୌଣସି ସର୍ମ୍ପକ ନାହିଁ ବୋଲି କହିଛନ୍ତି ତାଙ୍କର ମ୍ୟାନେଜର । ଏବେ ଅଜୟ ରେଡ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି ।