ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ନିଜ ସହର ଗୋରଖପୁରରେ ହଟହଟା ହେବାକୁ ପଡିଛି । ସରକାରୀ କାର୍ଯ୍ୟକ୍ରମରେ ଯାଇଥିବା ଯୋଗୀ ବିଭିନ୍ନ ପ୍ରକଳ୍ପର ଉଦଘାଟନ କରିବା ସହ ଅନ୍ୟ କାର୍ଯ୍ୟ ବାବଦରେ ପଚାରି ବୁଝିଥିଲେ । ଆଉ ଏହି ଗସ୍ତ ସମୟରେ ରାତ୍ର ଆଶ୍ରୟସ୍ଥଳକୁ ଯିବାକୁ ଭୁଲି ନଥିଲେ ଯୋଗୀ । କିନ୍ତୁ ଏଠାରେ ତାଙ୍କୁ ହଟହଟା ହେବାକୁ ପଡିଥିଲା । ରାତ୍ରି ଆଶ୍ରୟସ୍ଥଳକୁ ଯୋଗୀଙ୍କ ଅଚାନକ ଗସ୍ତକୁ ନେଇ ସେଠାରେ ଥିବା ଯୁବକ ଜଣକ ଏମିତି କଥା କହିଦେଲେ ଯେ କିଛି ସମୟ ପାଇଁ ଅସହଜ ହୋଇଯାଇଥିଲେ ଯୋଗୀ ।
Kanak News is now on WhatsApp
Join and get latest news updates delivered to you via WhatsApp
आज जनपद गोरखपुर में मेडिकल कॉलेज रोड स्थित रैन बसेरा का औचक निरीक्षण किया। pic.twitter.com/vitOTvIJN2
— Yogi Adityanath (@myogiadityanath) December 26, 2018
ସୂଚନା ଅନୁଯାୟୀ, ବୁଧବାର ଗୋରଖପୁର ରେଳ ଷ୍ଟେସନରେ ଥିବା ରାତ୍ର ଆଶ୍ରୟସ୍ଥଳୀର ନିରୀକ୍ଷଣ କରିବାକୁ ଯେତେବେଳେ ଯୋଗୀ ଅଚାନକ ପହଞ୍ଚିଥିଲେ । ସେଠାରେ ଉପସ୍ଥିତ ଥିବା ଜଣେ ଯୁବକ ଯୋଗୀଙ୍କୁ ଯେଉଁ କଥା କହିଲେ ତାହା ସମସ୍ତଙ୍କୁ ତାଜୁବ କରି ଦେଇଥିଲା । ଯୁବକ ଜଣକ ଯୋଗୀଙ୍କୁ କହିଥିଲେ, ଆପଣ ଆସିବା ପୂର୍ବରୁ ଏଠାରେ ଭେରିଫିକେସନ ହେଉଥିଲା । କିନ୍ତୁ ଆପଣଙ୍କ ଅଚାନକ ଗସ୍ତ ପାଇଁ କିଛି ଅଫିସର ଅନୁପସ୍ଥିତ ରହିଥିଲେ । ଯାହାଦ୍ୱାରା ସମସ୍ୟା ବଢିଗଲା ବୋଲି କହିଥିଲେ ଯୁବକ ।
ଆଉ ଯୁବକଙ୍କ ଏଭଳି ବୟାନ ଶୁଣି ସମସ୍ତେ ଆଶ୍ଚର୍ଯ୍ୟ ଚକିତ ହୋଇ ଯାଇଥିଲେ । ଏପରିକି ମୁଖ୍ୟମନ୍ତ୍ରୀ ଯୋଗୀ ମଧ୍ୟ କିଛି ସମୟ ପର୍ଯ୍ୟନ୍ତ ଅସହଜ ଅନୁଭବ କରିଥିଲେ । ଆଉ ଏହାପରେ ଯୁବକ ଜଣକୁ କହିଥିଲେ, ଆଚ୍ଛା ଠିକ୍ ଅଛି, ଚିନ୍ତା କରନ୍ତୁ ନାହିଁ । ଆଉ ଏହାପରେ ରାତ୍ର ଆଶ୍ରୟସ୍ଥଳର ଅବ୍ୟବସ୍ଥା ଦେଖି ଅଧିକାରୀମାନଙ୍କ ଉପରେ ବର୍ଷିଥିଲେ ଯୋଗୀ ।