ସନ୍ତାନ ଜନ୍ମ କରିବା ହିଁ ଏକ ସ୍ତ୍ରୀ ପାଇଁ ସବୁଠାରୁ ଖୁସିର କଥା । ପିଲାଜନ୍ମ ପରେ ହିଁ ଜଣେ ମା ନିଜକୁ ସଂପୂର୍ଣ୍ଣ ଅନୁଭବ କରିଥିାଏ । ସନ୍ତାନ ନହେବାର ଦୁଃଖ କେବଳ ସେଇମାନେ ଅନୁଭବ କରିପାରନ୍ତି ଯାହା ପାଖରେ ପିଲାଟିଏ ନଥାଏ । ସନ୍ତାନ ଅଶାରେ ଲୋକ ଅନେକ ପ୍ରକାର ଉୟାୟ ମଧ୍ୟ କରିଥାଆନ୍ତି ତଥାପି ଅନେକ ଲୋକଙ୍କୁ ସନ୍ତାନ ସୁଖ ମିଳିପାରେନି ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଆପଣ ଜାଣିକି ଆଶ୍ଚର୍ଯ୍ୟ ହେବେ ଭାରତ ବର୍ଷରେ ଏପରି ଏକ ମନ୍ଦିର ଅଛି ଯେଉଁଠିକି ଗଲେ ମିଳିଯାଏ ସନ୍ତାନ ସୁଖ । ହିମାଚଳ ପ୍ରଦେଶର ମଣ୍ଡି ଜିଲ୍ଲାର ସିମସ ଗାଁ’ରେ ଅଛି ମା’ “ସିମସା”ଙ୍କ ମନ୍ଦିର । ମା’ “ସିମସା”ଙ୍କ ଆଶିର୍ବାଦରୁ ସନ୍ତାନ ସୁଖ ମିଳୁଥିବାରୁ ଏହି ମନ୍ଦିର ବହୁତ ପ୍ରସିଦ୍ଧ ।
ଏଇ ମନ୍ଦିରରର ମହତ୍ତ୍ୱ ହେଲା ମନ୍ଦିରର ଚଟାଣ ସ୍ପର୍ଶ କଲେ ହିଁ ମହିଳାମାନେ ସନ୍ତାନକ୍ଷମ ହୋଇ ଯାଆନ୍ତି । ଶୁଣାଯାଏ ନିଜେ ଦେବୀ ମା’ ଭକ୍ତଙ୍କ ସ୍ୱପ୍ନରେ ଆସି ସେମାନଙ୍କୁ ଆଶିର୍ବାଦ ଦିଅନ୍ତି । ଏଥିପାଇଁ ଦୂରଦୁରାନ୍ତରରୁ ସନ୍ତାନ ପାଇଁ ମହିଳାମାନେ ଏଠାକୁ ଆସନ୍ତି । ଏହି ମନ୍ଦିିର “ସନ୍ତାନଦାତ୍ରୀ” ନାମରେ ମଧ୍ୟ ପ୍ରସିଦ୍ଧ । ଏଠାରେ ମହିଳା ଭକ୍ତମାନେ ମା ସିମସାଙ୍କୁ ସ୍ୱପ୍ନରେ ଦେଖିବା ପାଇଁ ଉତ୍ସବ ପାଳନ କରନ୍ତି ।
ଏହି ଉତ୍ସବ ସମୟରେ ମହିଳା ଭକ୍ତମାନେ ମା’ଙ୍କୁ ସ୍ୱପ୍ନରେ ଦେଖିବାପାଇଁ ଦିନ ରାତି ମନ୍ଦିରର ଚଟାଣରେ ଶୋଇଥାଆନ୍ତି । କୁହାଯାଏ ଏପରି କଲେ ମା ତାଙ୍କୁ ବରଦାନ କରନ୍ତି ଓ ସେମାନେ ଶ୍ରୀଘ୍ର ଗର୍ଭବତୀ ହୋଇ ଥାଆନ୍ତି । ବିିଶ୍ୱାସ ରହିଛି ସ୍ୱପ୍ନରେ ମା’ ସିମସା ଯାହାକୁ ଫଳ ଦିଅନ୍ତି ସେହି ମହିଳାଙ୍କୁ ସନ୍ତାନ ପ୍ରାପ୍ତି ହୋଇଥାଏ ।