ସଚିନଙ୍କୁ ପଛରେ ପକାଇଲେ କୋହଲି ! ୩ଟି ଦେଶ ବିପକ୍ଷରେ ଏହି ଐତିହାସିକ ରେକର୍ଡ କଲେ ବିରାଟ ।
କନକ ବ୍ୟୁରୋ : ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ପଛରେ ପକାଇ ଏକ ନୂଆ ରେକର୍ଡ ନିଜ ନାମରେ କରିଛନ୍ତି ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି । ଗତକାଲି ୱେଷ୍ଟଇଣ୍ଡିଜ୍ ବିପକ୍ଷରେ ଖେଳାଯାଇଥିବା ଦ୍ୱିତୀୟ ଦିନିକିଆ ମ୍ୟାଚରେ ଦମଦାର ଅର୍ଦ୍ଧଶତକ ହାସଲ କରିଥିଲେ ବିରାଟ । ଆଉ ଏହା ଥିଲା ଦିନିକିଆରେ ତାଙ୍କର ୪୨ତମ ଶତକ । ଏହି ଶତକ ସହ ଅନେକ ରେକର୍ଡ ନିଜ ନାମରେ କରିଛନ୍ତି କୋହଲି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି କୌଣସି ଖେଳାଳି ଭାବେ ୱେଷ୍ଟଇଣ୍ଡିଜ ବିପକ୍ଷରେ ସର୍ବାଧିକ ୮ଟି ଶତକ ହାସଲ କରିବାର ନିଆରା ରେକର୍ଡ ମଧ୍ୟ ହାସଲ କରିଛନ୍ତି କ୍ରିକେଟର କିଙ୍ଗ । ଆଉ ସବୁଠାରୁ ବଡ କଥା ହେଉଛି, ଅନ୍ତର୍ଜାତୀୟ ଦିନିକିଆରେ ତିନିଟି ଦେଶ ବିରୋଧରେ ୮ କିମ୍ବା ଏହାଠୁ ଅଧିକ ଶତକ ହାସଲ କରିବାରେ ବିଶ୍ୱର ପ୍ରଥମ ବ୍ୟାଟ୍ସମ୍ୟାନ୍ ହୋଇଛନ୍ତି ବିରାଟ କୋହଲି । ୱେଷ୍ଟଇଣ୍ଡିଜ୍, ଶ୍ରୀଲଙ୍କା ଏବଂ ଅଷ୍ଟ୍ରେଲିଆ ବିରୋଧରେ ୮-୮ଟି ଶତକ ହାସଲ କରିଛନ୍ତି ବିରାଟ ।
ବିରାଟଙ୍କ ବ୍ୟତୀତ ଭାରତର ପୂର୍ବତନ ବ୍ୟାଟ୍ସମ୍ୟାନ୍ ତଥା ମାଷ୍ଟରବ୍ଲାଷ୍ଟର ସଚିନ୍ ତେନ୍ଦୁଲକର ଶ୍ରୀଲଙ୍କା ବିରୋଧରେ ୮ଟି ଏବଂ ଅଷ୍ଟ୍ରେଲିଆ ବିରୋଧରେ ୯ଟି ଶତକ ହାସଲ କରିଛନ୍ତି । ଆଉ ଏହି କ୍ରମରେ ସଚିନଙ୍କୁ ପଛରେ ପକାଇ ଏହି ରେକର୍ଡର ଅଧିକାରୀ ହୋଇଛନ୍ତି କୋହଲି । ଏହା ସହ ବିରାଟ ଦୁନିଆର ପ୍ରଥମ ବ୍ୟାଟ୍ସମ୍ୟାନ୍ ହୋଇଛନ୍ତି, ଯିଏକି ୱେଷ୍ଟଇଣ୍ଡିଜ୍ ବିପକ୍ଷରେ ଦିନିକିଆ କ୍ରିକେଟରେ ୨୦୦୦ ରନ୍ ପୂରଣ କରିଛନ୍ତି ।