ଏମିତି ଏକ ଗାଁ, ଯେଉଁଠି ପ୍ରତିବର୍ଷ ୩୦ ଲକ୍ଷ ବିଷାକ୍ତ ସାପ ଚାଷ କରାଯାଏ, ଯେଭଳି ଆମ ଦେଶରେ ଚିକେନ୍ ଏବଂ ଅଣ୍ଡା ପାଇଁ କୁକୁଡା ପାଳନ କରାଯାଏ । ସେହିଭଳି ଚୀନର ଏକ ଗାଁ ‘ଜିସିକିୟାଓ’ ରେ ସାପ ଚାଷ କରାଯାଏ । ଏକ ଅନୁମାନ ମୁତାବକ, ଏହି ଗାଁରେ ପ୍ରତିବର୍ଷ ୩୦ ଲକ୍ଷ ସାପ ଜନ୍ମ ନିଅନ୍ତି , ଯେବେକି ଏହି ଗାଁର ଜନସଂଖ୍ୟା ୧୦୦୦ । ଅର୍ଥାତ୍ ଏହି ଗାଁରେ ପ୍ରତ୍ୟେକ ବ୍ୟକ୍ତି ପ୍ରତିବର୍ଷ ୩୦୦୦ ସାପ ଚାଷ କରନ୍ତି । ଅଜଗର, କୋବ୍ରା ଏବଂ ଭାଇପର ଭଳି କ୍ଷତିକାରକ ଏବଂ ବିଷାକ୍ତ ସାପ ମଧ୍ୟ ଏଥିରେ ସାମିଲ ଅଛନ୍ତି ।

ସ୍ଥାନୀୟ ଲୋକଙ୍କୁ ଯେଉଁ ସାପ ଠାରୁ ଅଧିକ ଡର ଲାଗେ, ତାହା ହେଉଛି ଫାଇଭ୍ ଷ୍ଟେପ୍ ସ୍ନେକ । ଏହି ସାପ କାମୁଡିବା ପରେ ଆପଣଙ୍କ ମୃତ୍ୟୁ ପାଖାପାଖି ୫ କଦମ୍ ଚାଲିବା ଭିତରେ ହୋଇଯାଏ । ସେଥିପାଇଁ ଏହାର ଏମିତି ନାମକରଣ କରାଯାଇଛି । ଏଠି ସାପର ଚାଷ ତାଙ୍କର ମାଂସ ଏବଂ ଶରୀରର ଅନ୍ୟ ଅଙ୍ଗ ପାଇଁ କରାଯାଏ । ସାପ ମାଂସ ଚୀନରେ ସଉକ ସହିତ ଖିଆଯାଏ । ଏହା ସହିତ ଏମାନଙ୍କ ଶରୀରର ଅଙ୍ଗର ଉପଯୋଗ ଚାଇନା ଔଷଧ ଉଦ୍ୟୋଗ ରେ ହୁଏ ।

ଏହି ଗାଁରେ ପାଖାପାଖି ୧୦୦ ଟି ସାପ ପାଳନ କେନ୍ଦ୍ର ଅଛି , ଯେଉଁଠି ଆପଣ କାଠ ଏବଂ କାଚ ବାକ୍ସ ଭିତରେ ଏହି ସାପକୁ ଦେଖିପାରିବେ । ଏମାନଙ୍କୁ ଗୋଟିଏ ଜାଗାରୁ ଅନ୍ୟ ଜାଗାକୁ ପ୍ଲାଷ୍ଟିକ ଥଳୀରେ ପଠାଯାଏ । ଏହି ଦେଶରେ କୁହାଯାଏ କି ସାପ ମାଂସରେ ତିଆରି ସୁପ୍ ଇମ୍ୟୁନ ସିଷ୍ଟମ ପାଇଁ ବହୁତ ଲାଭଦାୟକ । ଏମାନଙ୍କର ଲାଂଜର ବ୍ୟବହାର ଭୋଜନ ପାଇଁ କରାଯାଏ । ଯେବେକି ସାପଙ୍କ ମୁଣ୍ଡକୁ ଶୁଖାଇ ଔଷଧ ପାଇଁ ବ୍ୟବହାର କରାଯାଏ ।