ଫେସବୁକରେ ମାଧ୍ୟମରେ ହେଉଛି ହାଇଟେକ୍ ଠକେଇ ! ୟୁଜର୍ସଙ୍କ ନକଲି ଆଇଡି କରି ସାଙ୍ଗ ଓ ପରିବାରବର୍ଗଙ୍କୁ ମଗାଯାଉଛି ଟଙ୍କା, ଆପଣଙ୍କ ଆକାଉଣ୍ଟ ସୁରକ୍ଷିତ ଅଛି ତ?
ସୋସିଆଲ ମିଡିଆ ପ୍ଲାଟଫର୍ମରେ ଏବେ ଠକେଇର ଶିକାର ହେଉଛନ୍ତି ୟୁଜର୍ସ । ଖାସକରି ଫେସବୁକ ୟୁଜର୍ସ ଏବେ ଅଧିକ ଠକାମୀର ଶିକାର ହେଉଛନ୍ତି । ଆଉ ୟୁଜର୍ସ ମାନେ ଏଭଳି ଢଙ୍ଗରେ ଠକେଇର ଶିକାର ହେଉଛନ୍ତି ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହେବେ । କାରଣ ୟୁଜର୍ସ ମାନଙ୍କ ଫେକ୍ ଆଇଡି ପ୍ରସ୍ତୁତ କରି କିମ୍ବା ଆକାଉଣ୍ଟକୁ ହ୍ୟାକ୍ କରି ଠକେଇ କରୁଛନ୍ତି କିଛି ହ୍ୟାକର୍ସ । ଗତ କିଛି ଦିନ ହେବ ଏଭଳି ମାମଲା ଅଧିକରୁ ଅଧିକ ସାମ୍ନାକୁ ଆସୁଛି । ୟୁଜର୍ସଙ୍କ କହିବା ଅନୁଯାୟୀ, ସେମାନଙ୍କ ନାଁରେ ଫେକ୍ ଆଇଡି କରି କମ୍ବା ଆକାଉଣ୍ଟ ହ୍ୟାକ୍ କରି ପରିବାରବର୍ଗ ଓ ସାଙ୍ଗମାନଙ୍କୁ ଟଙ୍କା ମଗାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଠକେଇର ମାମଲା ସେତେବେଳେ ସାମ୍ନାକୁ ଆସିଲା ଯେତେବେଳେ ଜୋରାବର କାଲରା ଏନେଇ ଫେସବୁକ କର୍ତ୍ତୃପକ୍ଷଙ୍କୁ ଅଭିଯୋଗ କଲେ । ଜୋରାବରଙ୍କ କହିବା ଅନୁଯାୟୀ, ତାଙ୍କୁ ଫେସବୁକରେ ୧୦ ହଜାରରୁ ଅଧିକ ଲୋକ ଫଲୋ କରୁଛନ୍ତି । ଏହାଛଡା ଅଫିସିଆଲ ପେଜରେ ଦେଢ ଲକ୍ଷରୁ ଅଧିକ ଲୋକ ଫଲୋ କରୁଛନ୍ତି । ୧୮୦୦ରୁ ଅଧିକ କର୍ମଚାରୀ ମଧ୍ୟ ତାଙ୍କର ଫ୍ରେଣ୍ଡ ଲିଷ୍ଟରେ ରହିଛନ୍ତି । କିନ୍ତୁ ସେତେବେଳେ ସେ ଆଶ୍ଚର୍ଯ୍ୟ ହେଲେ ଯେତେବେଳେ ତାଙ୍କର ଜଣେ ସାଙ୍ଗ ଫୋନ କରି ସତରେ କଣ ଟଙ୍କାର ଆବଶ୍ୟକତା ରହିଛି କି ନାହିଁ ପଚାରିଥିଲେ । ଆଉ ଏହା ଜାଣିବା ପରେ ସଙ୍ଗେ ସଙ୍ଗେ ଫେସବୁକ୍ ସହ ସର୍ମ୍ପକ କରି ପୂରା ଘଟଣା କହିଥିଲେ ଜୋରାବର । ଏଭଳି ଠକେଇ ପାଇଁ ଦୃଢ କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ସେ ଫେସବୁକ ନିକଟରେ ଦାବି କରିଛନ୍ତି ।
କେବଳ ଜୋରାବର ନୁହନ୍ତି ଏଭଳି ଅନେକ ବ୍ୟକ୍ତି ଅଛନ୍ତି ଯେଉଁମାନେ ଏଭଳି ଠକେଇର ଶିକାର ହୋଇଛନ୍ତି । ଠକେଇର ଶିକାର ହୋଇଥିବା ବ୍ୟକ୍ତି ମାନଙ୍କର ଫେକ୍ ଆଇଡ କରି ସେମାନଙ୍କ ପରିବାରବର୍ଗ ଓ ସାଙ୍ଗ ମାନଙ୍କୁ ଟଙ୍କା ମାଗୁଛନ୍ତି ହ୍ୟାକର୍ସ । କିଛି ୟୁଜର୍ସ କହିଛନ୍ତି, ଫେସବୁକ ପ୍ରୋଫାଇଲ ପରିବର୍ତ୍ତନ କରିବାକୁ ହ୍ୱାଟସଆପରେ ନୋଟିଫିକେସନ ଆସୁଛି । ଆଉ ଏହି ଲିଙ୍କରେ କ୍ଲିକ କରିବା ମାତ୍ରେ ଆକାଉଣ୍ଟ ହ୍ୟାକ୍ ହେଉଛି । ତେଣୁ ଠକେଇରୁ ବର୍ତ୍ତିବା ପାଇଁ ଏଭଳି ମେସେଜରୁ ଦୂରେଇ ରୁହନ୍ତୁ । ଏହାଛଡା ଫେସବୁକରେ ଯଦି କୌଣସି ସାଙ୍ଗ ଟଙ୍କା ମାଗୁଥାନ୍ତି ତେବେ ତାଙ୍କ ସହ ଯୋଗାଯୋଗ କରି ପ୍ରଥମେ ନିଶ୍ଚିତ ହୁଅନ୍ତୁ ଯେ, ସତରେ କଣ ଆପଣଙ୍କ ସାଙ୍ଗ ଟଙ୍କା ମାଗୁଛନ୍ତି ।