ବେକାରୀ ଯୁବକଙ୍କୁ ଆକର୍ଷିତ କରୁଛି ଜେଲର ସୁସ୍ୱାଦୁ ଖାଦ୍ୟ : ଡାଲି, ସୁସ୍ୱାଦୁ ତରକାରୀ ସହିତ ଖାଇବାକୁ ମିଳୁଛି କ୍ଷୀରି
ଆପଣ ଜାଣି ବିସ୍ମିତ ହେବେ ଯେ କେତେକ ଲୋକ କେବଳ ସୁସ୍ୱାଦୁ ଖାଦ୍ୟ ଖାଇବା ଓ ଗରମ ପାଣିରେ ଗାଧୋଇବାର ସୁଯୋଗ ମିଳୁଥିବାରୁ ନୂଆଦିଲ୍ଲୀର ମଣ୍ଡୋଲି ଜେଲକୁ ଯାଉଛନ୍ତି । କିନ୍ତୁ ଏକଥା ସତ। ଉତ୍ତର-ପୂର୍ବ ଦିଲ୍ଲୀରେ ଥିବା ମଣ୍ଡୋଲି ଜେଲରେ ଛୋଟମୋଟ ଚୋରି କରୁଥିବା ଅନେକ ବେକାର ଯୁବକଙ୍କୁ ଦେଖିବାକୁ ମିଳିଛି । ସେମାନଙ୍କ କହିବା ଅନୁଯାୟୀ ତାଙ୍କର କେତେକ ସାଙ୍ଗ ମଣ୍ଡୋଲି ଜେଲରେ ରହି ଘରକୁ ଫେରିବା ପରେ ଜେଲର ଖୁବ୍ ପ୍ରଶଂସା କରନ୍ତି।
Kanak News is now on WhatsApp
Join and get latest news updates delivered to you via WhatsApp
ସେମାନେ କୁହନ୍ତି ଯେ, ଜେଲ ଭିତରେ ମୋଟା ଡାଲି, ରୁଟି, ବିଭିନ୍ନ ପ୍ରକାରର ସୁସ୍ୱାଦୁ ତରକାରୀ ଓ ସପ୍ତାହକୁ ଦୁଇ ଥର ଖିରି ଖାଇବାକୁ ଦିଆଯାଇଥାଏ। ଖାଲି ସେତିକି ନୁହେଁ ଜେଲ ଭିତରେ ଗରମ ପାଣିରେ ଗାଧୋଇବାର ବ୍ୟବସ୍ଥା ବି ରହିଛି। ଏସବୁ ସୁବିଧା ପାଇବାକୁ କେତେକ ବେକାର ଯୁବକ ସାଧାରଣ ଚୋରି କରି ଜେଲ ଭିତରକୁ ଆସୁଛନ୍ତି। ସେମାନେ ଜାମିନ୍ ବି ନେବାକୁ ଚାହୁଁ ନାହାଁନ୍ତି। ଜେଲରେ କେହି ମାଡ ମାରୁନାହାଁନ୍ତି କି କିଛି କାମ ବି କରିବାକୁ ପଡୁନାହିଁ। ଜେଲ ଭିତରର ପରିବେଶ ବି ଖୁବ୍ ଭଲ।