କନକ ବ୍ୟୁରୋ : କେରଳର ସାବରିମାଳା ମନ୍ଦିରରେ ଭାଙ୍ଗିଲା ଦୀର୍ଘ ବର୍ଷର ପରମ୍ପରା । ଭଗବାନ ଆୟପ୍ପାଙ୍କ ଦର୍ଶନ ପାଇଁ ମନ୍ଦିରରେ ପ୍ରବଶେ କଲେ ୫୦ ବର୍ଷରୁ କମ୍ ଦୁଇ ମହିଳା । ସୂଚନା ଅନୁସାରେ ଅର୍ଦ୍ଧ ରାତ୍ରିରୁ ଦୁଇ ମହିଳା ସିଡ଼ି ଚଢ଼଼ିବା ଆରମ୍ଭ କରିଥିଲେ । ସକାଳ ୩.୪୫ରେ ଭଗବାନଙ୍କର ଦର୍ଶନ କରିଥିଲେ । ଭଭୟ ମହିଳାଙ୍କ ସହ ସାଧା ପୋଷାକରେ ଓ ୟୁନିଫର୍ମରେ କିଛି ପୋଲିସ କର୍ମୀ ଉପସ୍ଥିତ ଥିଲେ । ମନ୍ଦିରରେ ପ୍ରବେଶ କରିଥିବା ମହିଳାଙ୍କ ସହ ଏବେ ଯାଏଁ କୌଣସି ଯୋଗଯୋଗ ହୋଇପାରି ନାହିଁ । ତେବେ ମହିଳାଙ୍କ ପ୍ରବେଶକୁ ବିରୋଧ କରିବାର ଆଶଙ୍କା କରାଯାଉଛି । ଆଉ ଏଥିପାଇଁ ଆଗାମୀ ୨ ଦିନ ପର୍ଯ୍ୟନ୍ତ ମନ୍ଦିରକୁ ବନ୍ଦ କରିଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବୁଧବାର ସକାଳେ କେରଳର ପତନମତିତ୍ତା ଜିଲ୍ଲା ଅନ୍ତର୍ଗତ ସାବରିମାଲା ମନ୍ଦିରରେ ପ୍ରବେଶ କରି ଦୁଇ ଜଣ ୫୦ ବର୍ଷରୁ କମ୍ ବୟସ୍କ ମହିଳା ପୂଜାର୍ଚ୍ଚନା କରିଛନ୍ତି । ଯଦ୍ୱାରା ଅନେକ ବର୍ଷର ପରମ୍ପରା ଭାଙ୍ଗିବା ସହ ଇତିହାସ ସୃଷ୍ଟି ହୋଇଛି । ଏକଥା ପ୍ରଘଟ ହେବା ପରେ ସମଗ୍ର ରାଜ୍ୟରେ ହାଇ ଆଲର୍ଟ ଜାରି ହୋଇଛି । ପୁଲିସ ମଧ୍ୟ ନିରାପତ୍ତା ବ୍ୟବସ୍ଥା କଠୋର କରିଛି ।
ଋତୁମତୀ ବୟସ ଚାଲୁଥିବା ମହିଳାମାନେ ମନ୍ଦିର ମଧ୍ୟକୁ ପ୍ରବେଶ କରି ପାରିବେ ନାହିଁ ବୋଲି ଶହ ଶହ ବର୍ଷ ଧରି ଚାଲିଆସିଥିବା ନିଷିଦ୍ଧାଦେଶକୁ ଗତ ସେପ୍ଟେମ୍ବର ମାସରେ ସୁପ୍ରିମକୋର୍ଟ ଭାଙ୍ଗିବା ପରେ ପ୍ରଥମ କରି ସାବରିମାଲା ମନ୍ଦିର ମଧ୍ୟକୁ ଏ ଦୁଇ ଜଣ ମହିଳା ପ୍ରବେଶ କରିଛନ୍ତି । ଭକ୍ତମାନଙ୍କ ବିରୋଧ ଯୋଗୁଁ ତାଙ୍କ ପୂର୍ବରୁ ୧୦ ରୁ ୫୦ ବର୍ଷ ବୟସ୍କା ମନ୍ଦିର ମଧ୍ୟକୁ ପ୍ରବେଶ କରି ପାରି ନାହାନ୍ତି ।