ବିନା ଇଞ୍ଜିନରେ ଟ୍ରାକରେ ୬ କିଲୋମିଟର ଓଲଟା ଦୌଡିଲା ଟ୍ରେନ ! ରେଳବାଇ ଅଧିକାରୀଙ୍କ ଉଡିଲା ହୋସ୍ ।
ଆପଣ ଟ୍ରାକରେ ଟ୍ରେନ୍ ଚାଲୁଥିବାର ସବୁବେଳେ ଦେଖିବାକୁ ପାଇଥାନ୍ତି । କିନ୍ତୁ କେବେ ଏମିତି ଦୃଶ୍ୟ ଆପଣଙ୍କ ଆଖିରେ ପଡିଛି କି, ଯେଉଁଠି ଟ୍ରାକରେ ଟ୍ରେନ୍ ଓଲଟା ଗତି କରୁଥିବ । ରାଜସ୍ଥାନର ସିରୋହି ଜିଲ୍ଲା କିବରଲୀ ଷ୍ଟେସନରେ ଏମିତି ହିଁ କିଛି ଆଶ୍ଚର୍ଯ୍ୟ କରିଦେବା ଭଳି ଦୃଶ୍ୟ ଦେଖିବାକୁ ମିଳିଛି । ଷ୍ଟେସନରେ ଥିବା ଏକ ମାଲବାହୀ ଟ୍ରେନ୍ ବିନା ଇଞ୍ଜିନରେ ଓଲଟା ଗଡିଯାଇଥିଲା । ଘଟଣା ସମ୍ପର୍କରେ ରେଳବାଇ ଅଧିକାରୀ ଜାଣିବା ପରେ ସେମାନଙ୍କ ହୋସ ଉଡିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ରେଲୱେ ପ୍ରଶାସନ ମୋରଥଲା ଷ୍ଟେସନ ନିକଟରେ ମାଲବାହୀ ଟ୍ରେନକୁ ଡେଡଲାଇନ୍ ଦିଗ ଦେଖାଇଥିଲେ । କୁହାଯାଉଛି, କିବରଲୀ ରେଲୱେ ଷ୍ଟେସନରେ ଥିବା ଡବଲ୍ ଷ୍ଟେକ୍ କଂଟେନର ଟ୍ରେନକୁ ରଖାଯାଇଥିଲା । ଆଉ ସେତେବେଳେ ଟ୍ରେନ ବିନା ଇଞ୍ଜିନରେ ଟ୍ରାକରେ ଓଲଟା ଗଡିବା ଆରମ୍ଭ କରିଦେଇଥିଲା ।
ତେବେ କିବରଲୀ ଠାରୁ ମୋରଥଲାର ଅଧିକାଂଶ ଅଂଶ ଗଡାଣିଆ ହୋଇଥିବାରୁ ଟ୍ରେନଟି ଦ୍ରୁତ ଗତିରେ ଗଡିବା ଆରମ୍ଭ କରିଥିଲା । ୧ କିମ୍ବା ୨ ନୁହେଁ ପାଖାପାଖି ୬ କିଲୋମିଟର ଯାଏଁ ଓଲଟା ଗତି କରିଥିଲା ଟ୍ରେନ୍ । ସୂଚନା ମିଳିବା ପରେ ସଙ୍ଗେ ସଙ୍ଗେ ଟେନକୁ ଡେଡ୍ ଲାଇନ ଆଡେ ଦିଗ ଦେଖାଇଥିଲା ଭାରତୀୟ ରେଳବାଇ । ଆଉ ଏହି କାରଣରୁ ମାଲବାହୀ ଟ୍ରେନର ୧୦ଟି ଡବା ଟ୍ରାକରୁ ତଳକୁ ଓହ୍ଲାଇ ଯାଇଥିଲା । ଆଉ ଏହି ସମୟରେ ଟ୍ରାକରେ ଭାରି ମାତ୍ରାରେ କ୍ଷତି ହୋଇଥିଲା ଓ ପାଖାପାଖି ସାଢେ ୨ ଘଂଟା ପର୍ଯ୍ୟନ୍ତ ଟ୍ରେନ୍ ଚଳାଚଳ ବାତିଲ ହୋଇଥିଲା ।