ଦିନକୁ ଦିନ ବଢୁଛି ଟ୍ରେନ ଦୁର୍ଘଟଣା ! ୩ବର୍ଷରେ ଗଲାଣି ୧,୬୭୮ ଜଣ ଯାତ୍ରୀଙ୍କ ଜୀବନ, ରେଳ ରାଷ୍ଟ୍ରମନ୍ତ୍ରୀ ରଖିଲେ ତଥ୍ୟ ।
ଦିନକୁ ଦିନ ବଢିଚାଲିଛି ଟ୍ରେନ ଦୁର୍ଘଟଣା । ବିଭିନ୍ନ ପ୍ରକାର କାରଣକୁ ନେଇ ପ୍ରତିଦିନ କେଉଁଠି ନା କେଉଁଠି ଟ୍ରେନ ଦୁର୍ଘଟଣା ହୋଇଥିବା ଖବର ଶୁଣିବାକୁ ମିଳୁଛି । ଟ୍ରେନ ଦୁର୍ଘଟଣାକୁ ନେଇ ବୁଧବାର ରେଳ ରାଷ୍ଟ୍ରମନ୍ତ୍ରୀ ରାଜେନ ଗୋହାଇଁ ଏକ ସୂଚନା ଦେଇଛନ୍ତି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଗତ ୩ ବର୍ଷ ମଧ୍ୟରେ ଟ୍ରେନ ଦୁର୍ଘଟଣାରେ ୧,୬୭୮ ଜଣ ଯାତ୍ରୀ ପ୍ରାଣ ହରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରେଳ ଯାତ୍ରା ସମୟରେ ସୁରକ୍ଷାକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ବିଭିନ୍ନ ସଚେତନତା କରାଯାଉଥିଲେ ମଧ୍ୟ ଟ୍ରେନ ଦୁର୍ଘଟଣା ଥମିବାର ନାଁ ନେଉନାହିଁ । ତେବେ ଟ୍ରେନ ଦୁର୍ଘଟଣା ପରେ ଏହି ଘଟଣା ଗୁଡିକରେ ମୃତକମାନଙ୍କ ଶବ ରେଳବାଇ ପୋଲିସ ଜରିଆରେ ସେମାନଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ସୂଚନା ଅନୁଯାୟୀ, ବିଗତ ୩ ବର୍ଷ ମଧ୍ୟରେ ୧,୬୭୮ଜଣ ଯାତ୍ରୀ ପ୍ରାଣ ହରାଇଥିବା ରେଳ ରାଷ୍ଟ୍ରମନ୍ତ୍ରୀ ରାଜେନ ଗୋହାଇଁ ଲୋକସଭାରେ ସୂଚନା ଦେଇଛନ୍ତି ।