ଦୁନିଆରେ ଏମିତି ବି କିଛି ଲାଇବ୍ରେରୀ ଅଛି, ଯାହାକୁ ଆପଣ ଦେଖିନଥିବେ
ଆପଣ ବହୁତ ସାରା ଲାଇବ୍ରେରୀ ଦେଖିଥିବେ ସ୍କୁଲରେ ହେଉ ବା କଲେଜରେ । ପାଖାପାଖି ସମସ୍ତ ସ୍ଥାନରେ ଏକ ପ୍ରକାରର ପୁସ୍ତକାଳୟ ଥାଏ । କିନ୍ତୁ ଆଜି ଆମେ କିଛି ଏମିତି ପୁସ୍ତକାଳୟ ବିଷୟରେ ଜଣାଇବାକୁ ଯାଉଛୁ, ଯାହା ବିଷୟରେ କେବେ ଶୁଣିନଥିବେ କି ଦେଖି ନଥିବେ । ତେବେ ଚାଲନ୍ତୁ ଏଭଳି ଅଭିନବ ଲାଇବ୍ରେରୀ ବିଷୟରେ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
କେନିଆରେ ଏକ ମୋବାଇଲ ଲାଇବ୍ରେରୀ ଅଛି, ଯେଉଁଥିରେ ଓଟ ଉପରେ ରଖାଯାଇଥିବା ବାକ୍ସ ରେ ବହିକୁ ବହୁତ ଦୂର ପର୍ଯ୍ୟନ୍ତ ନିଆଯାଏ । ଏହି ଉପାୟ ସେଠାକାର ଲୋକଙ୍କୁ ବହୁତ ପସନ୍ଦ । ସେଥିରେ ଲୋକଙ୍କ ଆଗ୍ରହ ବି ଦେଖିବାକୁ ମିଳେ ।
ନରୱେ ର ରାଜ୍ୟ ହୋଦୋଲ୍ୟାଣ୍ଡ ରେ ଏକ ଜାହାଜ ଉପରେ ନିର୍ମାଣ ହୋଇଛି ପୁସ୍ତକାଳୟ । ଏହାକୁ ଆପଣ ପହଁରୁଥିବା ପୁସ୍ତକାଳୟ ବି କହିପାରିବେ । ଏହି ପୁସ୍ତକାଳୟ ଆଖପାଖ ଟାପୁରେ ରହୁଥିବା ସମୁଦାୟଙ୍କ ପାଖକୁ ପୁସ୍ତକ ପହଂଚାଏ । ଏତିକି ବି ନୁହେଁ । ପ୍ରତି ବର୍ଷ ସେପ୍ଟେମ୍ବରରୁ ଏପ୍ରିଲ ରେ ଜାହାଜରେ ପାଖାପାଖି ୬ ହଜାର ପୁସ୍ତକ ପହଂଚାଯାଏ ।
ପୁସ୍ତକ ପଢ଼ୁଥିବା ଲୋକ ବେଳେବେଳେ ଏମିତି ଉପାୟ ଖୋଜନ୍ତି ଯଦ୍ୱାରା ଅନ୍ୟ ଲୋକମାନେ ବି ପୁସ୍ତକ ପଢ଼ିବାର ମଜା ଉଠାଇପାରିବେ । ଏମିତି ହିଁ ଇଂଲଣ୍ଡରେ କିଛି ଲୋକ ନିଜ ଘର ବାହାରେ ଲାଗିଥିବା ମେଲ୍ ବକ୍ସକୁ ପୁସ୍ତକାଳୟ କରିଛନ୍ତି । ଏଥିରେ ପିଲା ତଥା ବୟସ୍କ ଲୋକଙ୍କ ପାଇଁ ପୁସ୍ତକ ରଖାଯାଇଥାଏ, ଯାହା ପଢ଼ିକି ପୁଣି ଥରେ ରଖାଯାଇପାରିବ ।
କୋଲୋମ୍ବିଆରେ ଏକ ଶିକ୍ଷକ ଗଧ ଉପରେ ନିଜର ପୁସ୍ତକ ରଖି ଅନ୍ୟ ଗ୍ରାମୀଣ କ୍ଷେତ୍ରକୁ ଯାନ୍ତିି, ଯାହାକି ସେଠାକାର ପିଲା ଏହାର ସୁଯୋଗ ଉଠାଇପାରିବେ ଓ ପଢ଼ିପାରିବେ ।