ପୁଅ ହେବ ତ ଏମିତି ! ଦେଖିପାରିଲାନି ମାଆର କଷ୍ଟ, ତିଆରି କରିଦେଲା ରୁଟି ମେକର
ଆପଣ ପ୍ରତିଦିନ କୌଣସି ନା କୌଣସି ଖବର କାଗଜରେ ହେଉ କିମ୍ବା ଗଣମାଧ୍ୟମରେ ହେଉ ସନ୍ତାନମାନେ କେତେବେଳେ ନିଜ ଜନ୍ମିତ ବାପା ମାଆକୁ ଜୀବନରୁ ମାରିଦେଲେଣି ତ ପୁଣି କେତେବେଳେ ଘରୁ ତଡି ଦେଉଥିବା ଖବର ଦେଖୁଥିବେ କିମ୍ବା ପଢୁଥିବେ ନିଶ୍ଚିୟ । ଆପଣଙ୍କର ମନେ ଥିବ ନିକଟରେ ବାଲେଶ୍ୱର ବସ୍ତାରେ ଜଣେ ବ୍ୟକ୍ତି ନିଜ ଜନ୍ମକଲା ମାଆକୁ ଗାଁ ଦାଣ୍ଡରେ ଘୋଷାଡି ଘୋଷାଡି ଅତି ନିର୍ମମ ଭାବରେ ମାଡ ମାରିଥିଲା । ଯାହାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । କେବଳ ଏହି ଗୋଟିଏ ଘଟଣା ନୁହେଁ ଏଭଳି ଘଟଣା ତ ପ୍ରତିଦିନ କେଉଁଠି ନା କେଉଁଠି ଘଟୁଛି । ଏପରିକି ଟଙ୍କା ଲୋଭରେ ଅନ୍ଧ ହୋଇ ନିଜ ଜନ୍ମକଲା ବାପାମାଆଙ୍କୁ ହତ୍ୟା କରିବାକୁ ବି ପଛାଉନାହାଁନ୍ତି ଆଜିର ଏହି ଅବିବେକି ମଣିଷ । କିନ୍ତୁ ଆଜି ଆମେ ଆପଣଙ୍କୁ ଏଭଳି ଜଣେ ସୁଯୋଗ୍ୟ ସନ୍ତାନ ବିଷୟରେ ଜଣାଇବୁ ଯାହା କୌଣସି କାହାଣୀ ନୁହେଁ ବରଂ ବାସ୍ତବ ଅଟେ । ମାଆର କଷ୍ଟ ଦେଖି ନପାରି କିଭଳି ଏକ ପୁଅ ରାତିଦିନ ଏକକାର କରି ମାଆର କଷ୍ଟକୁ ଲାଘବ କରିବାକୁ ଚାହିଁଛି, ତାହା ଏଠାରେ ଆମେ ଆଲୋଚନା କରିଛୁ । ତେବେ ପଢନ୍ତୁ ବୋମଇଙ୍କ କାହାଣୀ…..
Kanak News is now on WhatsApp
Join and get latest news updates delivered to you via WhatsApp
କର୍ଣ୍ଣାଟକରେ ରହୁଥିବା ୪୧ ବର୍ଷୀୟ ବୋମଇଙ୍କ ଭିତରେମ ସବୁବେଳେ କିଛି ନୂଆ କରିବାର ଇଚ୍ଛା ରହିଥିଲା । ସେ ସାଇକେଲ ତିଆରି କରୁଥିବା ଦୋକାନରୁ ପ୍ରଥମେ ନିଜ ବ୍ୟବସାୟ ଆରମ୍ଭ କରିଥିଲେ ଆଉ ଏବେ ତାଙ୍କ ପାଖରେ ଲାଇସେନ୍ସ ପ୍ରାପ୍ତ ଏକ ଓାର୍କସପ ରହିଛି । ନିକଟରେ ସେ ଏଭଳି ଏକ ନିଆରା ରୁଟି ତିଆରି ମେସିନ ଉଦଭାବନ କରିଛନ୍ତି , ଯାହାକି ଏକାଥରକରେ ୧୮୦ଟି ରୁଟି ପ୍ରସ୍ତୁତ କରିବାରେ ସକ୍ଷମ ଅଟେ । ସେ ନିଜ ମାଆ ଏବଂ ଗାଁର ମହିଳାମାନଙ୍କୁ ଘରମାନଙ୍କରେ ରୁଟି ତିଆରି ସମୟରେ ଅନେକ ଅସୁବିଧାର ସାମ୍ନା କରୁଥିବାର ଦେଖିଥିଲେ । ଏଥିପାଇଁ ସେ ରୁଟିମେକର ନିର୍ମାଣ କରିବାକୁ ଚିନ୍ତା କରିଥିଲେ, ଯାହାକି ତାଙ୍କ ପାଇଁ ଭଲ ପ୍ରମାଣିତ ହୋଇଥିଲା ।
ବୋମଇଙ୍କୁ ମଧ୍ୟ ରୁଟି ବହୁତ ପସନ୍ଦ । ସେ ନିଜ ମାଆଙ୍କୁ ଏହି କଠିନ କାମ କରୁଥିବାର ସବୁବେଳେ ଦେଖିଆସୁଥିଲେ । ତାଙ୍କ ମାଆ ରୁଟିକୁ ଗରମ ରଖିବା ପାଇଁ ଖବରକାଗଜରେ ଗୁଡାଇ ରଖିଦେଉଥିଲେ । ଯାହାକୁ ଦେଖି ବୋମଇଙ୍କ ମନରେ କିଛି ନୂଆ ଆବିଷ୍କାର କରିବାର ଚିନ୍ତାଧାରା ଜାତ ହୋଇଥିଲା । ବୋମଇଙ୍କ ରୁଟିମେକର ମେସିନ ଉଭୟ ସୌର ଶକ୍ତି ଏବଂ ଏସି କରେଂଟରୁ ଚାଲିଥାଏ । ଯାହାର ଦାମ ରହିଛି ମାତ୍ର ୧୫ ହଜାର ଟଙ୍କା । ଏହାର ବ୍ୟବହାର ତରିକା ମଧ୍ୟ ଖୁବ୍ ସହଜ । ଏହି ରୁଟିମେକରର ଆକାର ଇଣ୍ଡକସନ ଭଳି ହିଁ ଅଟେ ଏବଂ ଏହାର ଓଜମ ମାତ୍ର ୬ କିଲୋଗ୍ରାମ । ଗୋଟିଏ ଘଂଟାରେ ଏହି ମେସିନ ୧୮୦ଟି ରୁଟି ପ୍ରସ୍ତୁତ କରିପାରେ । ବୋମ୍ମଇ କୁହନ୍ତି କି, ଏବେ ସେ ବହୁତ ଖୁସି, କାରଣ ତାଙ୍କ ମାଆ ଖୁସି ଅଛନ୍ତି ।ଏବଂ ବିନା କଷ୍ଟରେ ସେ ଏବେ ରୁଟି ପ୍ରସ୍ତୁତ କରିପାରୁଛି ।