ଜର୍ମାନୀର ଜିଦି ଝିଅ : ବାଇକ୍ ଉପରେ ବିଶ୍ୱ ଭ୍ରମଣର କାହାଣୀ
ଅନେକ ଲୋକ ଜୀବନ ପାଇଁ ଚାକିରୀ କରନ୍ତି । ହେଲେ ଚାକିରୀ ଛାଡି ଜୀବନ ଖୋଜୁଥିବା ଲୋକଙ୍କ କଥା କେବେ ଶୁଣିଛନ୍ତି । ଏମିତି ଜଣେ ଚରିତ୍ର ଏବେ ସାରା ବିଶ୍ୱକୁ ଶୁଣାଉଛି ଏକ ଜିଦି ଝିଅର କାହାଣୀ । ଜର୍ମାନୀର ଲି ରିକ୍ । ଯାହାଙ୍କ ମନ ଭରୁନଥିଲା ବିଭିନ୍ନ ଦେଶର ମାନଚିତ୍ରକୁ ଗ୍ଲୋବରେ ଦେଖି । ଇଚ୍ଛା ଥିଲା ଦିନେ ରାଜକୁମାରୀ ଭଳି ଘୂରି ବୁଲିବେ ରାଇଜରୁ ରାଇଜ । ବୟସ ବଢୁଥିଲା,ଇଚ୍ଛା ବଢୁଥିଲା । ପାଠ ପଢା ସାରି ଚାକିରୀ କଲେ । ହେଲେ ଚାକିରୀରେ ମନ ମାନି ନଥିଲା । କିଛି ବର୍ଷ ପରେ ଚାକିରୀ ଛାଡି ବିଶ୍ୱ ବୁଲିବାକୁ ବ୍ଲୁ ପ୍ରିଂଟ ପ୍ରସ୍ତୁତ କଲେ।
Kanak News is now on WhatsApp
Join and get latest news updates delivered to you via WhatsApp
ମନପସନ୍ଦର ଦେଶ ବୁଲିବାକୁ ଘରେ ବସି ପ୍ରସ୍ତୁତ କଲେ ରୁଟଚାର୍ଟ । ଆଉ ୨୦୧୫ରେ ବାଇକ୍ ଧରି ବାହାରି ପଡିଲେ ବିଶ୍ୱ ଭ୍ରମଣରେ । ଧୂଳି-ଧୂଆଁକୁ ପଛରେ ପକାଇ ମାଡି ଚାଲିଲେ ଦେଶରୁ ଦେଶ । ଅପରିଚିତ ଜାଗାରେ ଅଚିହ୍ନା ମଣିଷଙ୍କ ଭିଡ଼ । କାହା ସହ କିଛି ମୁହୂର୍ତ, ପରମ୍ପରା ଚାଲିଚଳନୀର ଅନୁଶୀଳନ । ବର୍ଷକ ଭିତରେ ବୁଲି ସାରିଲେଣି ୪ଟି ଦେଶ । ଆସନ୍ତାବର୍ଷ ସୁଦ୍ଧା ସବୁଦେଶ ବୁଲି ସେ ଫେରିଯିବେ ନିଜ ଜନ୍ମମାଟି ଜର୍ମାନୀକୁ।
ଅଦ୍ଭୁତ ନିଶାରେ ରିକ୍ । କାଲୁଆ ଥଣ୍ଡା ହେଉ ୪୦ ଡିଗ୍ରୀର ତାତି । ରିକଙ୍କ ଜିଦି ଆଗରେ ହାର୍ ମାନିଛି ସବୁ ପ୍ରତିକୂଳ ପରିସ୍ଥିତି । ଆଉ ଖଟାମିଠା ଅନୁଭୂତିକୁ ସ୍ଥାନ ଦେଇଛନ୍ତି ନିଜ ବ୍ଲଗ୍ ଗୋ ଟୁ ଗୋରେ ।