ଯଦି ଆପଣ ପ୍ରତିଦିନ ଅଫିସ ଯିବା ସମୟରେ କୌଣସି ଟୋଲ୍ ପ୍ଲାଜା ଦେଇ ଗତି କରୁଛନ୍ତି ଆଉ ଆପଣଙ୍କୁ ସେଠାରେ ବାରମ୍ବାର ରୋକିବାକୁ ପଡୁଛି ତେବେ ଆପଣଙ୍କ ପାଇଁ ଖୁସି ଖବର । କାରଣ, ଖୁବ୍ ଶୀଘ୍ର ଆପଣଙ୍କର ଏହି ସମସ୍ୟା ଦୂର ହେବାକୁ ଯାଉଛି । ଯେଉଁଥିରେ ଆପଣଙ୍କୁ ଆଉ ବାରମ୍ବାର କୌଣସି ବି ଟୋଲ ଗେଟରେ ଅଟଳିବାକୁ ପଡିବ ନାହିଁ । ସୂଚନା ମୁତାବକ, ଏହି ସମସ୍ୟାକୁ ଦୃଷ୍ଟିରେ ରଖି ପେଟିଏମ ଆରମ୍ଭ କରିଛି ଏକ ସ୍ୱତନ୍ତ୍ର ବ୍ୟବସ୍ଥା । ଯାହାକୁ ବ୍ୟବହାର କରି ଆପଣ ଏହି ସବୁ ଜଂଞାଳରୁ ରକ୍ଷା ପାଇପାରିବେ । ତେବେ ପେଟିଏମ Fastag ନାମକ ଡିଭାଇସ୍ ଜରିଆରେ ଆପଣଙ୍କର ଏହି ସମସ୍ୟା ଦୂରିଭୁତ ହେବ । ଏସିବିଆଇ ସମେତ ଅନେକ ବଡ ବଡ ବ୍ୟାଙ୍କମାନଙ୍କ ପରେ ପେଟିଏମ ପେମେଂଟ୍ ବ୍ୟାଙ୍କ ମଧ୍ୟ Fastag ଆଣିବାକୁ ଘୋଷଣା କରିଛି । ଯାହାର ଉଦ୍ଦେଶ୍ୟ ରହିଛି ସାରା ଦେଶର ରାଜମାର୍ଗରେ ଟୋଲ ଶୁଳ୍କ ଦେବାକୁ ସରଳିକରଣ କରିବା ।

ପେଟିଏମ Fastag ରେଡିଓ ଫ୍ରିକ୍ୱିଏନ୍ସି ଆଇଡେଂଟିଫିକେସନ ଟେକନିକ୍ (ଆରଏଫଆଇଡି) ଉପରେ ଆଧାରିତ ଏକ ଟ୍ୟାଗ । ଯାହାକୁ ଆପଣ ଅନେକ ଥର ବ୍ୟବହାର କରିପାରିବେ । ପ୍ରକୃତରେ Fastag ଏକ ଡିୱାଇସନୁମାନ ସେନସର ଅଟେ, ଯାହାକୁ ଆପଣ ଆପଣଙ୍କର କାରର ୱିଣ୍ଡୋସ୍କ୍ରିନରେ ବ୍ୟବହାର କରିପାରିବେ । ଯଦି ଆପଣଙ୍କର କାରରେ ଏହି ଟ୍ୟାଗ ରହିଥିବ ତେବେ ଆପଣ ଟୋଲ ପ୍ଲାଜାରେ ବିନା ରହି ଚାଲି ଯାଇପାରିବେ । କାରଣ, ଏହି ଟ୍ୟାଗ ଟୋଲ ପ୍ଲଜାରେ ଲଗାଇଯାଇଥିବା ସେନସର ସହ କନେକ୍ଟ ହୋଇଥାଏ ଏବଂ ଆପଣାଛାଏଁ ଆପଣଙ୍କର ଟୋଲ ଫି ଭରଣ କରିଦେଇଥାଏ ।

ବର୍ତ୍ତମାନ ସମୟରେ ପେଟିଏମ ପେମେଂଟ ବ୍ୟାଙ୍କ, ନୂଆ ଗାଡି କିଣୁଥିବା ଗ୍ରାହକମାନଙ୍କ ପାଇଁ ପେଟିଏମ Fastag ଉପଲବ୍ଧ କରାଇବା ଉଦ୍ଦେଶ୍ୟରେ କାର କଂପାନୀମାନଙ୍କ ସହିତ ଆଲୋଚନା ଚଳାଇଛନ୍ତି । ଏଥିପାଇଁ କାର ଡିଲର୍ସଙ୍କ ସହିତ ମଧ୍ୟ କଥାବାର୍ତ୍ତା ଚାଲିଛି । ଯେଉଁଥିରେ ହୁଣ୍ଡାଇ, ଟାଟା ମାରୁତି, ହୁଣ୍ଡାଇ ଟାଟା, ମର୍ସିଡିଜ, ରେନାଲ୍ଟ୍ ସମେତ୍ ଅନ୍ୟାନ୍ୟ କାର କଂପାନୀମାନେ ସାମିଲ ଅଛନ୍ତି । ପେଟିଏମ ସୂଚନା ମୁତାବକ, ପୁରୁଣା ଗାଡିଗୁଡିକ ପାଇଁ ପେଟିଏମ ଆପ ଉପରେ Fastagକୁ ଅନଲାଇନରେ କିଣିପାରିବେ । Fastag ବ୍ୟବହାର କରୁଥିବା ଗ୍ରାହକଙ୍କୁ ପ୍ରତ୍ୟେକ ଟୋଲ ନେଣଦେଣ ଉପରେ ୭.୫ ପ୍ରତିଶତ କ୍ୟାସବ୍ୟାକ୍ ମିଳିବ । ତେବେ ବ୍ୟାଙ୍କ ପ୍ରଚଳିତ ଅର୍ଥ ବର୍ଷର ଶେଷ ସୁଦ୍ଧା ପେଟିଏମ Fastagର ବ୍ୟବହାର କରୁଥିବା ଗାଡିମାନଙ୍କରସଂଖ୍ୟା ୧୦ ଲକ୍ଷ ଉପରେ ପହଂଚାଇବାକୁ ଆଶା ରଖିଛନ୍ତି ।