ସଡକ ପରିବହନର ନୂଆ ନିୟମ: ବୁକିଂ ପରେ ଯଦି ନ ଆସେ ଓଲା କି ଉବେର, ତେବେ କଂପାନୀକୁ ଗଣିବାକୁ ପଡିବ ୨୫ ହଜାର ଟଙ୍କାର ଜରିମାନା

5

ଯଦି ଆପଣ ମୋବାଇଲ ଆପ ଜରିଆରେ କ୍ୟାବ୍ ବୁକ୍ କରିଛନ୍ତି ଏବଂ ଶେଷ ମୁହୂର୍ତରେ ହିଁ କ୍ୟାବ୍ ଡ୍ରାଇବର ଆସିବାକୁ ମନା କରିଦିଏ ତେବେ ଏଥିପାଇଁ ଆପଣଙ୍କୁ ଆଉ ଚିନ୍ତା କରିବାକୁ ପଡିବ ନାହିଁ । କାରଣ ଯଦି ଏଭଳି ହୁଏ ତେବେ କଂପାନୀ ଆପଣଙ୍କୁ କ୍ଷତିପୂରଣ ଦେବ । ଆଉ ସେ ବି ପୁଣି ନଗଦ ୨୫ ହଜାର ଟଙ୍କା । ତେବେ ଏଭଳି ନିୟମ ଖୁବ୍ ଶୀଘ୍ର କାର୍ଯ୍ୟକାରୀ କରିବାକୁ ଯାଉଛନ୍ତି ଦିଲ୍ଲୀ ସରକାର । ଏହି ନୂଆ ନିୟମ ଅନୁସାରେ, ଏଭଳି କରିବା ଦ୍ୱାରା କ୍ୟାବ୍ କଂପାନୀ ବିରୋଧରେ ୨୫ ହଜାର ଟଙ୍କାର ଜରିମାନା ଲାଗୁ କରାଯିବ ।

ସୂଚନା ମୁତାବକ, ଏଭଳି ଏକ ନୂଆ ନୀତି ପ୍ରସ୍ତୁତ କରିବାକୁ ଯାଉଛନ୍ତି ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । କେଜ୍ରିଓାଲଙ୍କ ଏହି ନୂଆ ନୀତି ଅନୁସାରେ, ଯଦି କୌଣସି ଯାତ୍ରୀ ଦୁର୍ବ୍ୟବହାର କିମ୍ବା ଡ୍ରାଇଭରର ଖରାପ ବ୍ୟବହାର ନେଇ ଅଭିଯୋଗ କରନ୍ତି ତେବେ ତାଙ୍କ ଅଭିଯୋଗକୁ ଏଗ୍ରିଗେଟରଙ୍କୁ ପୁଲସିରେ ଦାଖଲ କରିବାକୁ ପଡିବ । ଯଦି ସେ ଏଭଳି କରିବାରେ ଅସଫଳ ହୁଅନ୍ତି ତେବେ ତାଙ୍କ ଉପରେ ୧ ଲକ୍ଷ ଟଙ୍କାର ଜରିମାନା ଲାଗିବ ।ଏହି ନିୟମ ଲାଇସେନ୍ସିଂ ଆଣ୍ଡ ରେଗୁଲେସନ ଆପ୍ ବେସଡ ଏଗ୍ରିଗେଟର ରୁଲ ୨୦୧୭ ଏବଂ ସିଟି ଟ୍ୟାକ୍ସି ସ୍କିମ୍ ୨୦୧୭ ପିଡବ୍ଲୁଡି ମନ୍ତ୍ରୀଙ୍କ ଅଧ୍ୟକ୍ଷତାରେ ପ୍ରସ୍ତୁତ ହେଉଛି । ତେବେ କ୍ୟାବିନେଟ ମୋହର ଲାଗିବା ପରେ ଏହି ନିୟମକୁ ସାରା ସହଜରେ ଲାଗୁ କରିଦିଆଯିବ ।

ପରିବହନ ବିଭାଗର ଜଣେ ବରିଷ୍ଠ ଅଧିକାରୀଙ୍କ ସୂଚନା ମୁତାବକ, ଗୋଟି ଏ ସ୍ଥାନରୁ ଅନ୍ୟ ଏକ ସ୍ଥାନକୁ ନବା ଆଣିବା ପାଇଁ କ୍ୟାବ୍ ସର୍ଭିସ ଏକ ବହୁତ ଭଲ ମାଧ୍ୟମ । ଏଭଳି ପରିସ୍ଥିତିରେ କ୍ୟାବ୍ ସର୍ଭିସର ସଂଚାଳନ ପାଇଁ ଏକ ନିୟମ ପ୍ରସ୍ତୁତ କରାଯିବା ମଧ୍ୟ ବହୁତ ଜରୁରୀ । ଥରେ ଖାଲି ଏହି ନିୟମ ଲାଗୁ ହୋଇଗଲେ , ଆପ ଜରିଆରେ କ୍ୟାବ ଚଳାଉଥିବା କଂପାନୀମାନଙ୍କୁ ଦିଲ୍ଲୀରେ ଅପରେଟ କରିବା ପାଇଁ ପରିବହନ ବିଭାଗରୁ ଲାଇସେମ୍ସ ନେବାକୁ ପଡିବ । ଯାହାଦ୍ୱାରା କ୍ୟାବ୍ କଂପାନୀମାନଙ୍କୁ ଏକ ୨୪ ଘଂଟିଆ କଲ ସେଂଟର ଖୋଲିବାକୁ ପଡିବ । ଆଉ ସମସ୍ତ କ୍ୟାବ୍ ଲାଇଭ ଜିପିଏସ ଡାଟା ପରିବହନ ବିଭାଗର କଂଟ୍ରୋଲ ସେଟଂର ସହ କନେକ୍ଟ କରିବାକୁ ପଡିବ । ନୂଆ କ୍ୟାବ ନୀତି ଦ୍ୱାରା ଯାତ୍ରୀମାନଙ୍କର ଉଭୟ ଡାଟା ଏବଂ ଯାତ୍ରା ସୁରକ୍ଷିତ ତଥା ସୁଖମୟ ହେବ । ନୂଆ ନୀତି ମୁତାବକ, ପ୍ରତ୍ୟେକ ଗାଡିରେ ଗୋଟିଏ ପ୍ୟାନିକ ବଟନ ମଧ୍ୟ ରହିବ । ଯାହା ଯାତ୍ରୀଙ୍କ ସୁରକ୍ଷା ପାଇଁ କାମ କରିବ ।

ନୂଆ ନୀତି ଦ୍ୱାରା ସେହି ସବୁ ଡ୍ରାଇଭରଙ୍କ ଉପରେ ଲଗାମ କଷାଯାଇପାରିବ, ଯେଉଁମାନେ କି ଜାତି, ଧର୍ମ ତଥା ବର୍ଣ୍ଣ ଆଧାରରେ ଯାତ୍ରୀଙ୍କୁ ବସିବାକୁ ମନା କରିଦେଉଛନ୍ତି । ଏହାଛଡା ଏଗ୍ରିଗେଟରଙ୍କୁ ଏକ ନୂଆ ଫିଚର ମଧ୍ୟ ଯୋଡିବାକୁ ପଡିବ । ଯେଉଁଥିରେ ଯାତ୍ରୀ ନିଜ ଲୋକେସନ ଏବଂ କ୍ୟାବର ସୂଚନା ଆପ ଜରିଆରେ ଅତି କମରେ ୨ ଲୋକଙ୍କୁ ପଠାଇ ପାରିବେ ।

Comments are closed.