ପ୍ରତିଦିନ ଦେଶର ବିଭିନ ସ୍ଥାନରେ ଶିଶୁ ନିଖୋଜ ଖବର ପ୍ରକାଶିତ ହେଉଛି । ଏନେଇ ସାର୍ବଜନୀନ ସ୍ଥାନରେ ବଡ ବଡ ପୋଷ୍ଟର ମଧ୍ୟ ଲଗା ଯାଇଥିବାର ଦେଖିବାକୁ ମିଳିଥାଏ । ଏହି ସମସ୍ୟା କେବଳ ଭାରତରେ ନୁହେଁ ବରଂ ବିଭିନ୍ନ ଦେଶମାନଙ୍କରେ ଏହି ସମସ୍ୟା ଦେଖାଦେଇଛି ବିଶେଷ କରି ଚୀନରେ ଏହି ସମସ୍ୟା ଅଧିକ ପରିମାଣରେ ଦେଖାଯାଇଛି । ଏଥିପାଇଁ ଚୀନର ଏକ କଂପାନୀ ନିଖୋଜ ଶିଶୁଙ୍କୁ ଉଦ୍ଧାର କରିବା ପାଇଁ ଏକ ଅଭିନବ ପନ୍ଥା ଆପଣେଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାମୁତାବକ, ଚୀନର ଏକ ଘରୋଇ କଂପାନୀ ଦେଶର କିଂଗଝାଓସ୍ଥିତ ଫୁଡ କଂପାନୀ ବାଓବେଇହୁଇଜା ୱେବ ସାଇଟ୍ ସହ ମିଳିତ ଭାବେ ଏକ ଅଭିଯାନ ଆରମ୍ଭ କରିଛି ଯେଉଁଥିରେ କଂପାନୀଟି ପାଖାପାଖି ୫ ଲକ୍ଷରୁ ଅଧିକ ପାଣି ବୋତଲ ବଜାରକୁ ଛାଡିଛି ଯାହା ଉପରେ ନିଖୋଜ ଶିଶୁଙ୍କ ଫଟୋ ସହ ସେମାନଙ୍କ ସଂପୂର୍ଣ୍ଣ ପରିଚୟ ଉଲ୍ଲେଖ କରାଯାଇଛି । ଖାଲି ସେତିକି ନୁହେଁ ଏହି ବୋଲତଗୁଡିକୁ ଚୀନର ସୁପରମାର୍କେଟ,ରେଳ ଷ୍ଟେସନ,ଏୟାରପୋର୍ଟ ଏବଂ ସାର୍ବଜନୀନ ସ୍ଥାନରେ ବିକ୍ରି କରାଯାଉଛି ।
ଆପଣଙ୍କୁ ଜାଣି ଆଶ୍ଚର୍ଯ୍ୟ ହେବେ ଯେ ଏପରି କରିବାଦ୍ୱାରା ଚୀନରେ ଏଯାବତ୍ ୧୭୦୦ରୁ ଅଧିକ ଶିଶୁଙ୍କୁ ଉଦ୍ଧାର କରାଯାଇ ପାରିଛି ।