ମାଙ୍କଡଙ୍କ ଉତ୍ପାତ ନେଲା ମହିଳାଙ୍କ ଜୀବନ ! ଘଟଣାକୁ ନେଇ ଏବେ ଜୋର ଧରିଛି ଚର୍ଚ୍ଚା
ଏଭଳି ଏକ ବିସ୍ମୟକର ଘଟଣା ସାମ୍ନାକୁ ଆସିଛି କେରଳରେ । ମାଙ୍କଡମାନଙ୍କ ଉପଦ୍ରବରୁ ଅତିଷ୍ଟ ହୋଇ ଜଣେ ମହିଳା ଏସିଡ୍ ପିଇ ଆତ୍ମହତ୍ୟା କରିଥିବା ଅଭିଯୋଗ ଆସିଛି । ତେବେ ମୃତକ ଜଣକ ୫୨ ବର୍ଷ ବୟସର ପୁଷ୍ପଲତା । ପେସାରେ ସେ ଥିଲେ ଏକ ଦିନ ମଜୁରିଆ ବିଧବା ମହିଳା । ନିଜର ପୁଅ ଓ ଝିଅ ସହ ସେ କେରଳର ତିରୁବନ୍ତପୁରମ ଜିଲ୍ଲାର ଏକ ପାହାଡିଆ ଅଂଚଳରେ ବାସ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, କିଛି ଦିନ ହେଲା ପୁଷ୍ପଲତା ଏବଂ ତାଙ୍କର ପରିବାର ମାଙ୍କଡମାନଙ୍କ କାରଣରୁ ଅଧିକାଂଶ ସମୟରେ ଚିନ୍ତିତ ରହୁଥିଲେ । କାରଣ ମାଙ୍କଡମାନେ ଅନେକ ସମୟରେ ତାଙ୍କ ଘରେ ପଶି ସେ ରୋଷେଇ କରିଥିବା ଖାଦ୍ୟକୁ ଖାଇଦେବା ସହ ପୋଷାକପତ୍ର ଫୋପଡାଫିଙ୍ଗା କରୁଥିଲେ । ଏଥିସହ ଘରର ଜିନିଷପତ୍ର ମଧ୍ୟ ସବୁ ନଷ୍ଟଭ୍ରଷ୍ଟ କରିଦେଉଥିଲେ । ଖାଲି ସେତିକି ନୁହେଁ, ଏହି ମାଙ୍କଡମାନେ ସେମାନଙ୍କ ଫସଲ ମଧ୍ୟ ନଷ୍ଟ କରି ଦେଉଥିଲେ । ଯାହା ପାଇଁ ପୁଷ୍ପଲତା ସବୁବେଳେ ଚିନ୍ତିତ ରହୁଥିଲେ । ଆଉ ଶେଷରେ ସେ ଆତ୍ମହତ୍ୟା କରିବାକୁ ବାଧ୍ୟ ହୋଇଥିଲେ ।
ତେବେ ପୁଷ୍ପଲତାଙ୍କ ପୁଅଙ୍କ କହିବା କଥା ହେଲା, ତାଙ୍କ ମାଆ ମାଙ୍କଡମାନଙ୍କ ଉପରେ ଅତିଷ୍ଟ ହୋଇ ଏଭଳି ଏକ ବଡ ନିଷ୍ପତି ଉଠାଇଛନ୍ତି । ତେବେ ବର୍ତ୍ତମାନ ପୋଲିସ ପୁଷ୍ପଲତାଙ୍କ ପୁଅର କଥାକୁ ଭିର୍ତ୍ତି କରି ଏକ ମାମଲା ରୁଜ୍ଜୁ କରିଛି । ଏଠାରେ ଆମେ କହି ରଖୁଛୁ ଯେ, ମାଙ୍କଡମାନଙ୍କ ଉପଦ୍ରବରୁ ଅତିଷ୍ଟ ହୋଇ ଏହି ଅଂଚଳର ଅଧିକାଂଶ ପରିବାର ଗାଁ ଛାଡିବାକୁ ବାଧ୍ୟ ହୋଇଛନ୍ତି ।