ମହିଳାଙ୍କ ପାଇଁ ସ୍ୱତନ୍ତ୍ର ଆପ ! ଯାହା ବାବଦରେ ପୁରୁଷ ଅଜ୍ଞ
ମୋବାଇଲ ଆପ ଏବଂ ସୋସିଆଲ ମିଡିଆ ନେଟୱର୍କିଂ ସାଇଟଗୁଡିକ ଜରିଆରେ ବନ୍ଧୁତା ସ୍ଥାପନ କରିବା ଏବେ ସହଜ ହୋଇଗଲାଣି । କିନ୍ତୁ ‘ହିଲ୍ ଦ ୱାଲ୍ଡ’ ଏକ ଏଭଳି ଆପ ଅଟେ ଯାହା କେବଳ ଯୁବତୀମାନଙ୍କ ସହିତ ହିଁ କନେକ୍ଟ କରିଥାଏ । ଏହାର ନିର୍ମାତା ଏବଲ ଜୋସେଫଙ୍କ ମତରେ ‘ଆମର କିଛି ବ୍ୟବହାରକାରୀ ଯୁବତୀମାନେ ହିଁ ଆମକୁ ଏଭଳି ଏକ ଆପ ନିର୍ମାଣ କରିବାକୁ ଉପାୟ ଦେଇଥିଲେ । ତେବେ ଆମକୁ ଏହି ଉପାୟଟି ବହୁତ ଭଲ ଲାଗିଥିଲା ଏବଂ ୨ ମାସ ମଧ୍ୟରେ ଏହି ଆପଟିକୁ ଆମେ ଲଂଚ କରିଥିଲୁ’ ।
Kanak News is now on WhatsApp
Join and get latest news updates delivered to you via WhatsApp
ଏହି ଆପଟି ପାଖାପାଖି ୧୦୦ କି.ମି ପରିସରରେ ରହୁଥିବା ଏଭଳି ଯୁବତୀଙ୍କୁ ସଂଯୋଗ କରିଥାଏ ଯାହାଙ୍କ ପସନ୍ଦ ନା ପସନ୍ଦ ପ୍ରାୟତଃ ସମାନ ଥାଏ । ଏହାକୁ ଫେସବୁକ୍ ଜରିଆରେ ମଧ୍ୟ ଲଗଇନ୍ କରାଯାଇପାରେ । ଆପରେ ମୁଖ୍ୟତଃ ୮ଟି ବିଭାଗ ରହିଛି ଯଥା-ନ୍ୟୁ ଇନ୍ ଟାଉନ୍, ଫିଟନେସ୍ ଫ୍ଲୋକ୍, ବୁକ୍ ୱାର୍ମ, ଟ୍ରାଭେଲ୍ ବି, ଷ୍ଟୁଡେଂଟ, ଆର୍ନ୍ତପ୍ରାନୋର, ଆଟିଷ୍ଟ ଏବଂ ମଦର । ତେବେ ଏମାନଙ୍କ ମଧ୍ୟରୁ ଆପଣ କୌଣସି ବି ୩ଟି ଶ୍ରେଣୀକୁ ଚୟନ କରିପାରିବେ । ଏହି ଆପରେ ବୟସ ସୀମା ରହିଛି ୧୮-୫୦ ଏବଂ ଦୂରତା ରହିଛି ୧-୧୦୦ କିଲୋମିଟର ।
କିଭଳି କରିବେ ବ୍ୟବହାର
ଆପଟିକୁ ଇନଷ୍ଟଲ କରି ନିଜ ପସନ୍ଦର ଶ୍ରେଣୀ ଓ ଏହାର ପ୍ରାଥମିକତାକୁ ଚୟନ କରିବାକୁ ପଡିବ ଏବଂ ଏଥିପାଇଁ ଆପଣଙ୍କୁ ମୋବାଇଲ ଫୋନରେ ଥିବା ଲୋକେସନକୁ ଅନ୍ ରଖିବାକୁ ପଡିବ । ଏହାଦ୍ୱାରା ଆପଣଙ୍କ ଆଖପାଖରେ ଥିବା ସେହି ଆପ ବ୍ୟବହାରକାରୀଙ୍କୁ ତାହା ଠାବ କରିଥାଏ । କିନ୍ତୁ ପ୍ରଥମେ ଆପଣଙ୍କୁ ତାଙ୍କର ପ୍ରୋଫାଇଲକୁ ଲାଇକ୍ କରିବାକୁ ପଡିବ । ଲାଇକ୍ କରିବା କ୍ଷଣି ହିଁ ତାଙ୍କ ନିକଟକୁ ଏକ ନୋଟିଫିକେସନ ଚାଲିଯାଇଥାଏ । ତୋବୋ ସେ ଯଦି ଆପଣଙ୍କ ପ୍ରୋଫାଇଲକୁ ଲାଇକ୍ କରିଥିବେ ତେବେ ଆପଣ ତାଙ୍କ ସହ ଚାଟିଂ କରିପାରିବେ ।