ବିବାହ କଲେ ମିଳିବ ୩ ଲକ୍ଷ ଟଙ୍କା ! ଆଇସଲାଣ୍ଡ ସରକାରଙ୍କ ଘୋଷଣା . . .
ଆଇସଲାଣ୍ଡରେ ପୁରୁଷ ସଂଖ୍ୟା ଦିନକୁ ଦିନ ହ୍ରାସ ପାଇବାରେ ଲାଗିଛି । ଆଉ ଯେଉଁଥିପାଇଁ ସେଠାକାର ସରକାରଙ୍କୁ ଆପଣାଇବାକୁ ପଡିଛି ଏକ ଭିନ୍ନ ପନ୍ଥା । ତେବେ ପ୍ରଥମେ ଏଠାରେ ଆମେ କହିରଖୁଛୁ କି ଏହି ଖବରଟି ବହୁ ଦିନର ଅଟେ । ମାତ୍ର ବର୍ତ୍ତମାନ ଏହା ସେସିଆଲ ମିଡିଆରେ ଭାଇରାଲ ହେବାକୁ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୁରୁଷ ସଂଖ୍ୟା ହ୍ରାସ ପାଇବା କାରଣରୁ ସେଠାକାର ସରକାର ଏକ ପ୍ରକାର ଅଫର ଘୋଷଣା କରିଛନ୍ତି । ଆଉ ଏହି ଅଫରଟି କିଛି ଏଭଳି ଥିଲା କି ଯାହାକୁ ନେଇ ସୋସିଆଲ ମିଡିଆରେ ଏବେ ଚର୍ଚ୍ଚା ଜୋର ଧରିଛି । ତେବେ ଅଫରଟି ହେଲା ବିବାହ ପାଇଁ ଇଚ୍ଛୁକ ପୁଅମାନଙ୍କୁ ଆଇସଲାଣ୍ଡ ଝିଅଙ୍କୁ ଚୟନ କରିବା ସହ ସବୁଦିନ ପାଇଁ ସେଠାରେ ରହିବା ସହ ଉକ୍ତ ଯୁବକଙ୍କୁ ମାସିକ ୩ ଲକ୍ଷ ୩୩ ହଜାର ଟଙ୍କା ସରକାର ଦେବେ ବୋଲି ଘୋଷଣା କରିଛନ୍ତି । ଆଉ ଏଥିରେ ଅଧିକ ପ୍ରାଧାନତ୍ୟା ଦିଆଯାଇଛି ଦକ୍ଷିଣ ଆଫ୍ରିକାର ଯୁବକମାନଙ୍କୁ । ମାତ୍ର ଏହାର ସତ୍ୟତା ରହିଛି କିଛି ଅଲଗା ।
ସ୍ନୋପ୍ସ ଡଟ୍ କମ୍ ନାମକ ଏକ ୱେବସାଇଟ ଏହି ଖବରଟିକୁ ଏକ ଭୁଲ ଖବର ବୋଲି କହିଛି । ତେବେ ଏହି ୱେବସାଇଟର କହିବା ମୁତାବକ, ଆଇସଲାଣ୍ଡରେ ୧୦୦୭ ପୁରୁଷରେ ମହିଳାଙ୍କ ସଂଖ୍ୟା ୧୦୦୦ । ଅପରପକ୍ଷେ ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ତଥ୍ୟଟିରେ ମହିଳାଙ୍କ ସଂଖ୍ୟା ଅଧିକ ଦର୍ଶାଯାଇଛି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ କି ଏହି ଭୁଲ ତଥ୍ୟ ପାଇବା ପରେ ଆଇସଲାଣ୍ଡର ମହିଳାମାନେ ଅନ୍ୟ ଦେଶର ଅଜଣା ପୁରୁଷଙ୍କ ସହ ବନ୍ଧୁତା ସ୍ଥାପନ କରିବାକୁ ବିଭିନ୍ନ ସୋସିଆଲ ମିଡିଆର ଆଶ୍ରୟ ନେବା ଆରମ୍ଭ କରିଦେଇଥିଲେ । କାରଣ ସେମାନଙ୍କୁ ଲାଗିଥିଲା କି ତାଙ୍କ ସରକାର ବାସ୍ତବରେ କିଛି ଏଭଳି ଅଫର ଘୋଷଣା କରିଛନ୍ତି ।