ଝିଅଙ୍କ ପାଇଁ ବିକଳ ହୁଅନ୍ତି ଏହି ଦେଶର ଯୁବକମାନେ ! ଜାଣନ୍ତୁ କାହିଁକି
ଚୀନ ଦେଶରେ ପାଖାପଖି ୩୦ ବର୍ଷ ଡେଇ ଯାଇଥିବା ଅବିବାହିତ ଯୁବକଙ୍କୁ ଏକ ବିଶେଷ ନାଁ ଦିଆଯାଇଛି । ଯାହାକୁ ‘ଶୋଗନାନ’ ଅର୍ଥାତ୍ ବଳକା ବା ରହିଯାଇଥିବା ମର୍ଦ ବା ପୁରୁଷ କୁହାଯାଏ । ଯେଉଁମାନଙ୍କୁ ଏଯାବତ ବିବାହ ପାଇଁ କୋଣସି ଝିଅ ମିଳିପାରି ନାହିଁ ।
ବିଶ୍ୱର ସବୁଠାରୁ ଅଧିକ ଜନସଂଖ୍ୟା ଥିବା ଦେଶମାନଙ୍କ ମଧ୍ୟରେ ଚୀନରେ ଏଭଳି ଯୁବକଙ୍କ ସଂଖ୍ୟା ସର୍ବାଧିକ । ଏହା ପଛରେ କାରଣ ରହିଛି ଚୀନର ବିଗିଡା ଅନୁପାତ ହାର । ନିକଟରେ ହୋଇଥିବା ଏକ ଗବେଷଣାରୁ ଜଣାପଡିିଛି ଯେ, ୨୦୨୦ ଯାଏଁ ଚୀନରେ ପାଖାପାଖି ୩ କୋଟିରୁ ଅଧିକ ଯୁବକ ଅବିବାହିତ ହୋଇ ରହିଯିବେ । ତେବେ ଏହି ଦେଶରେ ପ୍ରଚଳିତ ଥିବା ଚାଇଲ୍ଡ ନୀତିକୁ ୨୦୧୫ରେ ବଦଳାଇ ଦିଆଯାଇଥିଲେ ମଧ୍ୟ ମାତ୍ର ତାର ପ୍ରଭାବ ଆଗାମୀ ପୀଢି ପାଇଁ ଭାରି ପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ କିଛି ଦଶକ ଯାଏଁ ଜଣେ ଦଂପତି ପାଇଁ ଗୋଟିଏ ପିଲା ଜନ୍ମ କରିବା ନୀତି କାରଣରୁ ଏହି ଦେଶରେ ଝିଅମାନଙ୍କ ସଂଖ୍ୟା ଅପେକ୍ଷା ପୁଅମାନଙ୍କ ସଂଖ୍ୟା ଅଧିକ ଦେଖିବାକୁ ମିଳିଛି । ଏବେ ଏହି ସମସ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଆଉ ଆଗକୁ ମଧ୍ୟ ଏକ ବଡ ସମସ୍ୟା ରୂପେ ଛିଡାହେବାର ଯଥେଷ୍ଟ ସମ୍ଭାବନା ରହିଛି । ଯାହା କାରଣରୁ ବିବାହ ପାଇଁ ଝିଅଙ୍କୁ ଖୋଜିବା ଚୀନରେ ଯୁବକଙ୍କ ପାଇଁ ଏକ ମସ୍ତବଡ ସମସ୍ୟା ପାଲଟି ଯାଇଛି ।