ମାଗଣରେ ଦିଆଯିବ ଗ୍ୟାସ୍ କନେକ୍ସନ ! ଜନତାଙ୍କ ପକେଟରୁ ଖର୍ଚ୍ଚ ହେବନି ଟଙ୍କାଟିଏ ବି ପଇସା …୩୧ ଜୁଲାଇ ଯାଏଁ ରହିଛି ସମୟ, ତୁରନ୍ତ ପଂଚାୟତରେ ଏଭଳି କରନ୍ତୁ ଆବେଦନ
ସର୍ବପ୍ରଥମେ ଏଠାରେ ଆମେ ସ୍ପଷ୍ଟ କରିବାକୁ ଚାହିଁବୁ କି, ଏହି ସୁବିଧା ବର୍ତମାନ ହିମାଚଳୟପ୍ରଦେଶବାସୀଙ୍କୁ ଉପଲବ୍ଧ କରାଯାଇଛି । ହିମାଚଳପ୍ରଦେଶରେ ଏବେ ଗୋଟିଏ ହେଲେ ବି ଗରିବ ପରିବାର ବିନା ଗ୍ୟାସ କନେକ୍ସନରେ ରହିବେ ନାହିଁ । ତେବେ ହିମାଚଳପ୍ରଦେଶ ସରକାରଙ୍କ ‘ହିମାଚଳ ଗୃହିଣୀ ଯୋଜନା’ ଆଧାରରେ ପ୍ରତ୍ୟେକ ବର୍ଗର ଲୋକମାନଙ୍କୁ ମାଗଣାରେ ଗ୍ୟାସ କନେକ୍ସନ ପ୍ରଦାନ କରାଯିବ । ଏହି ଯୋଜନାର ଲାଭ ଉଠିବା ପାଇଁ ପଂଚାୟତରେ ଆବେଦନ କରିବାକୁ ହେବ । ଏଥିରେ ସର୍ତ ରହିଛି କି, ଯେଉଁ ପରିବାରଙ୍କ ନିକଟରେ ପୂର୍ବରୁ ହିଁ କୌଣସି ଗ୍ୟାସ କନେକ୍ସନ ଥିବ ତେବେ ତାଙ୍କ ଆବେଦନକୁ ରଦ୍ଦ କରିଦିଆଯିବ । ତେବେ ପ୍ରଥମ ପର୍ଯ୍ୟାୟରେ ଲୋକଙ୍କୁ ୩୧ ଜୁଲାଇ ସୁଦ୍ଧା ଆବେଦନ କରିବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
ପ୍ରାରମ୍ଭିକ ଯାଂଚ ପରେ ପଂଚାୟତ ଡିଏଫଏସସିକୁ ସମସ୍ତ ଆବେଦନଗୁଡିକୁ ପଠାଇବେ ଓ ଏହା ପରେ ଡିଏଇଏସସି ଆଧାର ନମ୍ବର ସହିତ ଗ୍ୟାସ ଏଜେନ୍ସିକୁ ଆବେଦନ କରିବେ ଏବଂ ଯାଂଚ କରାଯିବ କି ଆବେଦକାରୀ ପୂର୍ବରୁ କୌଣସି ଗ୍ୟାସ କନେକ୍ସନ ନେଇଛନ୍ତି କି ନାହିଁ । ଯଦି ଆଧାର ନମ୍ବରରେ ଏହା ସ୍ପଷ୍ଟ ହୁଏ କି, ଆବେଦକ ପୂର୍ବରୁ ହିଁ କୌଣସି ଗ୍ୟାସ କନେକ୍ସନ ନେଇଛନ୍ତି ତେବେ ତାଙ୍କ ଆବେଦନକୁ ରଦ୍ଦ କରିଦିଆଯିବ ।
ଏଠାରେ ଆମେ କହିରଖୁଛୁ କି, କେନ୍ଦ୍ର ସରକାରଙ୍କ ଉଜ୍ଜ୍ୱଳା ଯୋଜନାରେ କେବଳ ବିପିଏଲ ପରିବାରଙ୍କୁ ଗ୍ୟାସ କନେକ୍ସନ ମିଳୁଥିଲା । ଏଥିରେ ମଧ୍ୟ ଯୋଗ୍ୟ ହିତାଧୀକାରୀଙ୍କୁ କିଛି ଟଙ୍କା ଦେବାକୁ ପଡିଥାଏ । ଏବେ ହିମାଚଳପ୍ରଦେଶ ସରକାର ହିମାଚଳ ଗୃହିଣୀ ଯୋଜନା ଆଧାରରେ ଗ୍ୟାସ କନେକ୍ସନ ନିଶୁଳ୍କ ପ୍ରଦାନ କରିବାକୁ ଯାଉଛନ୍ତି । ଯାହାକୁ ସଂପୂର୍ଣ୍ଣ ରୂପେ ମାଗଣା । ତେବେ ପାଖାପାଖି ୩୫୦୦ ଟଙ୍କା କନେକ୍ସନ ବାବଦକୁ ଖର୍ଚ୍ଚ ଖୋଦ ହିମାଚଳପ୍ରଦେଶ ସରକାର ବହନ କରିବେ ।
କଣ ରହିଛି ସର୍ତ୍ତ
ଏଭଳି ପରିବାର ଯେଉଁମାନଙ୍କ ପାଖରେ ନିଜର କିମ୍ବା କୌଣସି ବି ସରକାରୀ ଯୋଜନା ଆଧାରରେ ଗ୍ୟାସକନେକ୍ସନ ନଥିବା ଦରକାର । ତେବେ ସେ କୌଣସି ବି ବର୍ଗର ହୋଇଥାଉନା କାହିଁକି । ସେହିପରି ଏଭଳି ପରିବାର ଯେଉଁମାନେ କି ସରକାରୀ, ଅର୍ଧସରକାରୀ, ସ୍ୱାୟତ ସଂସ୍ଥା, ବୋର୍ଡ, କରର୍ପୋରେସନରେ କାମ କରୁଥିବେ, ସରକାରୀ ଏଜେନ୍ସିରେ ପଂଜିକୃତ ଠିକାଦାରର ପରିବାରଙ୍କୁ ଏବଂ ବ୍ୟାଙ୍କରେ କାମ କରୁଥିବା ପରିବାରକୁ ଏହି ଯୋଜନାରେ ଅନ୍ତର୍ଭୁକ୍ତ କରାଯିବ ନାହିଁ ।