ସରକାରଙ୍କ କଡା ନିର୍ଦ୍ଦେଶ: ଏଣିକି ବିଦ୍ୟୁତ୍ ବିଲ୍ ଭରିନଥିଲେ ମିଳିବ ନାହିଁ ଚାକିରି
ଯଦି ଆପଣ ବିଜୁଳି ବିଲ୍ ସଠିକ୍ ସମୟରେ ପରିଶୋଧ କରୁନାହାନ୍ତି ଆଉ ଏଥିପାଇଁ ଆପଣଙ୍କୁ ଖାଲାପୀକାରୀ ଘୋଷିତ କରାଯାଇଛି ତେବେ ଏହା ଆପଣଙ୍କ ପାଇଁ ମହଙ୍ଗା ପଡିପାରେ । କାରଣ, ଏଭଳି ପରିସ୍ଥିତିରେ ଆପଣଙ୍କୁ ଚାକିରି ମିଳିବା କଷ୍ଟକର ହୋଇପାରେ । ତେବେ ଏଭଳି କଟକଣା ଖୁବ୍ ଶୀଘ୍ର ଜାରି ହେବାକୁ ଯାଉଛି ହରିୟାଣାର ରୋହତକଠାରେ । ଏଠାକାର ସରକାର ଖିଲାପୀକାରୀଙ୍କୁ ଚାକିରି ଦେବାକୁ ରୋକଠୋକ୍ ମନା କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ହରିୟାଣା ସରକାର ବିଦ୍ୟୁତ୍ ବିଲ ପୈଠ କରୁନଥିବା କୌଣସି ବି ବ୍ୟକ୍ତିବିଶେଷଙ୍କୁ ସରକାରୀ ଚାକିରି ନଦେବାକୁ କଡା ନିର୍ଦ୍ଦେଶ ଦେଇଛନ୍ତି । ବିଦ୍ୟୁତ୍ ନିଗମର ଖାଲାପୀକାରୀଙ୍କ ଉପରେ ଲଗାମ୍ କସିବା ପାଇଁ ହରିୟାଣା ସରକାର ଏଭଳି ଯୋଜାନ ପ୍ରସ୍ତୁତ କରୁଛନ୍ତି । ଯେଉଁଥିରେ ନିୟମ ରହିଛି କି, ଖିଲାପୀକାରୀଙ୍କୁ ସରକାରୀ ଚାକିରି ମିଳିବ ନାହିଁ । ଏଥିସହିତ ହିଁ ଡିଫଲ୍ଟର ଘୋଷିତ ହେବା ପରେ ଉପଭୋକ୍ତାଙ୍କ ବିଜୁଳି କନେକସନ ମଧ୍ୟ କାଟି ଦିଆଯିବ । ତେବେ ଏହାପୂର୍ବରୁ ତାଙ୍କୁ ବିଲ୍ ଭରିବାର ଏକ ନିର୍ଧାରିତ ସମୟସୀମା ପ୍ରଦାନ କରାଯିବ । ସରକାର ଏସଂକ୍ରାନ୍ତରେ ଖୁବ୍ ଶୀଘ୍ର ହିଁ ଅଧିସୂଚନା ଜାରି କରିବେ ।
ବିଦ୍ୟୁତ୍ ନିଗମ ଅନୁସାରେ, ରୋହତକ୍ ଜିଲ୍ଲାରେ ମୋଟ୍ ୨.୨୦ ଲକ୍ଷ ଉପଭୋକ୍ତା ଅଛନ୍ତି । ଏଥିମଧ୍ୟରୁ ସହରାଂଚଳରେ ୧.୨୫ ଲକ୍ଷ ଉପଭୋକ୍ତା ରହିଥିବା ବେଳେ ଗ୍ରାମାଂଚଳରେ ରହିଛନ୍ତି ୯୯ ହଜାର ଉପଭୋକ୍ତା । ସାଧାରଣ ଦିନମାନଙ୍କରେ ୪୨ ଲକ୍ଷ ୟୁନିଟ୍ ବିଦ୍ୟୁତ୍ ଖର୍ଚ୍ଚ ହୋଇଥାଏ । ଏହିଦିନମାନଙ୍କରେ ୫୫ ଲକ୍ଷ ୟୁନିଟ୍ ବିଦ୍ୟୁତ ପ୍ରତିଦିନ ଖର୍ଚ୍ଚ ହୋଇଥାଏ । ଏବଂ ଦାବି ୬୫ ଲକ୍ଷ ୟୁନିଟ୍ ପ୍ରତି ଦିନ ବାବଦକୁ ରହିଛି । ବିଦ୍ୟୁତ୍ ନିମଗ ପ୍ରତି ମାସକ ଡିଫଲ୍ଟରଙ୍କ ତାଲିକା ଜାରି କରିବ । ଏହାବ୍ୟତୀତ ଡିଫଲ୍ଟରମାନଙ୍କଠାରୁ ବିଲ ଆଦାୟ କରିବା ପାଇଁ ଏକ ସ୍ୱତନ୍ତ୍ର ଟିମ୍ ମଧ୍ୟ ଗଠନ କରାଯିବ । ଅଧିକାରୀଙ୍କ ସୂଚନା ମୁତାବକ, ସରକାରୀ ସ୍ତରରେ ଡିଫଲ୍ଟରମାନଙ୍କଠାରୁ ସାମ୍ନା କରିବା ପାଇଁ ଯୋଜନା ପ୍ରସ୍ତୁତ କରାଯାଉଛି । ଖୁବ୍ ଶୀଘ୍ର ହିଁ ରୋହତକ ସମେତ ହରିୟାଣାର ବାକି ଜିଲ୍ଲା ମାନଙ୍କରେ ଲାଗୁ କରିଦିଆଯିବ ।