ମାଗଣାରେ ମିଳିବ ମୋବାଇଲ ଫୋନ । ସେ ବି ପୁଣି ଖୋଦ ସରକାର ପ୍ରଦାନ କରିବେ । ରାଜସ୍ଥାନ ସରକାରଙ୍କ ତରଫରୁ ଦାରିଦ୍ରର ସୀମା ରେଖା ତଳେ ରହୁଥିବା ପରିବାର ତଥା ଭାମାଶାହ କାର୍ଡଧାରକ ପରିବାରଙ୍କୁ ୫୦୧ ଟଙ୍କାରେ ସ୍ମାର୍ଟଫୋନ ଦେବାକୁ ନିଷ୍ପତି ନେଇଛନ୍ତି । ତେବେ ଏହି ଅର୍ଥରାଶିକୁ ୩ ବର୍ଷ ପରେ କାର୍ଡଧାରକଙ୍କୁ ଫେରାଇ ଦିଆଯିବ । ରାଜସ୍ଥାନ ସରକାର ଭାମାଶାହ ଡିଜିଟାଲ ପରିବାର ଯୋଜନା ଆଧାରରେ ଏହାକୁ ଲଂଚ କରିଛନ୍ତି । ସରକାର ଏହି ଯୋଜନା ଜରିଆରେ ଲକ୍ଷାଧିକ ପରିବାରକୁ ସ୍ମାର୍ଟଫୋନ ପ୍ରଦାନ କରି ସେମାନଙ୍କୁ ଡିଜିଟାଲ ବନାଇବା ସହିତ ବିଭିନ୍ନ ସରକାରୀ ଯୋଜନାଗୁଡିକୁ ସାଧାରଣ ଲୋକଙ୍କଠାରେ ପହଂଚାଇବାକୁ ଚାହୁଁଛନ୍ତି । ଆସନ୍ତୁ ଜାଣିବା ଏହି ଯୋଜନା ସଂପର୍କରେ…

କାର୍ଡ ଧାରକଙ୍କୁ ମିଳିବ ପ୍ରୋତ୍ସାହିତ ରାଶି

ନ୍ୟାସନାଲ ଫୁଡ ସିକ୍ୟୁରିଟି ଆକ୍ଟ ଅନୁସାରେ ଭାମାଶାହ କାର୍ଡଧାରକ ପରିବାରଙ୍କୁ ଏହି ସୁବିଧା ଉପଲବ୍ଧ କରାଯିବ । ଏହି ଯୋଜନା ଅନୁସାରେ, ଖାତାଧାରକଙ୍କୁ ସ୍ମାର୍ଟଫୋନ ସମେତ ଇଂଟରନେଟ କନେକ୍ଟିଭିଟି ବ୍ୟବହାର କରିବା ପାଇଁ ୨ଟି କିସ୍ତିରେ ୫୦୦ ଟଙ୍କା ଲେଖାଏଁ ସିଧା ତାଙ୍କ ଖାତାକୁ ପଠାଯିବ । ଯାହାକୁ ରାଜସ୍ଥାନ ସରକାର ପ୍ରୋତ୍ସାହନ ରାଶି ଆଧାରରେ ପ୍ରଦାନ କରିବେ । ଭାମାଶାହ କାର୍ଡ ଧାରକଙ୍କୁ ମୋବାଇଲ ଦେବା ପାଇଁ ରାଜସ୍ଥାନର ସମସ୍ତ ପଂଚାୟତ ସମିତିମାନଙ୍କରେ ୩୦ ସେପ୍ଟମ୍ବର ସୁଦ୍ଧା ଅତି କମରେ ଦୁଇଟି କ୍ୟାମ୍ପ ଲଗାଯିବ । ସରକାରଙ୍କ କହିବା କଥା ହେଲା କି, ସେମାନେ ଖାତାଧାରକଙ୍କ ପାଇଁ ଇଲେକ୍ଟ୍ରୋନିକ୍ ସର୍ଭିସ ଡେଲିଭର ପ୍ଲାର୍ଟଫର୍ମ ପ୍ରସ୍ତୁତ କରୁଛନ୍ତି । ଏଥିସହିତ ହିଁ ଏହି କାର୍ଯ୍ୟକ୍ରମକୁ ଉଭୟ ରାଜସ୍ଥାନ ସରକାର ଏବଂ ରିଲାଏନ୍ସ ଜିଓ ମିଶି ପ୍ରସ୍ତୁତ କରିଛନ୍ତି ।

ଆପଣ ଜାଣିବା ପାଇଁ ଏଠାରେ ଆମେ କହି ରଖୁଛୁ କି, ଜନତାଙ୍କ ପାଖରେ ସରକାରୀ ଯୋଜନା ଏବଂ ସେବାଗୁଡିକୁ ପହଂଚାଇବା ପାଇଁ ସରକାର ଏକ ସ୍ୱତନ୍ତ୍ର ମୋବାଇଲ ଆପ ମଧ୍ୟ ପ୍ରସ୍ତୁତ କରିଛନ୍ତି । ଏଥିପାଇଁ କାର୍ଡ ଧାରକଙ୍କୁ ସ୍ମାର୍ଟଫୋନ ଉପଲବ୍ଧ କରାଯିବ । ଯେପରିକି ଆମେ ଆପଣଙ୍କୁ କହୁଛି କି ଏହି ୫୦୧ ଟଙ୍କାକୁ ୟୁଜର୍ସଙ୍କୁ ୩ ବର୍ଷ ପରେ ଫେରସ୍ତ କରିଦିଆଯିବ । ତେବେ ମୋଟ ଉପରେ କହିବାକୁ ଗଲେ ଏହି ଫୋନଟିକୁ ମାଗଣାରେ ଲୋକଙ୍କୁ ମିଳିବ । ଏଥିସହିତ ହିଁ ପାଖାପାଖି ୧ କୋଟି ଭାମାଶାହ କାର୍ଡ ଧାରକ ପରିବାରଙ୍କୁ ୨ଟି ପର୍ଯ୍ୟାୟରେ ୧୦୦୦ ଟଙ୍କା ସହାୟତା ରାଶି ବାବଦକୁ ମଧ୍ୟ ମିଳିବ । ପ୍ରଥମ କିସ୍ତିରେ ୫୦୦ଟଙ୍କା ଫୋନ କିଣିବା ପାଇଁ ଦିଆଯିବା ବେଳେ ଦ୍ୱିତୀୟ କିସ୍ତି ଇଂଟରନେଟ ସୁବିଧା ବ୍ୟବହାର କରିବା ପାଇଁ ପ୍ରଦାନ କରାଯିବ ।