ଚଳିତ ମାସ ୧୫ ତାରିଖରୁ ତଥା ୧୫ ଅକ୍ଟୋବର ପରେ ସଂପୂର୍ଣ୍ଣ ରୂପେ ବନ୍ଦ ହୋଇପାରେ ଆପଣଙ୍କ ଡେବିଟ୍-କ୍ରେଡିଟ୍ କାର୍ଡ । ଭାରତୀୟ ରିଜର୍ଭ ବ୍ୟାଙ୍କର ଏକ ନିଷ୍ପତି ପାଇଁ ଟଙ୍କା ଲାଗି ଲୋକଙ୍କୁ ପୁଣି ଥରେ ନାହିଁନଥିବା ଅସୁବିଧାର ସାମ୍ନା କରିବାକୁ ପଡିପାରେ । କାରଣ ଆରବିଆଇର ଏହି ନିଷ୍ପତି ଦେଶର ସମସ୍ତ ବ୍ୟାଙ୍କଗୁଡିକୁ କାର୍ଡ ଜାରି କରିଥିବା ବିଦେଶୀ କଂପାନୀମାନଙ୍କର ନିଦ ହଜାଇ ଦେଇଛି । ଯଦି ଡେବିଟ-କ୍ରେଡିଟ୍ କାର୍ଡ ବନ୍ଦ ହୋଇଯାଏ ତେବେ ଏହାର ପ୍ରଭାବ ଫେଷ୍ଟିଭ ସିଜିନରେ ଦେଖିବାକୁ ମିଳିପାରେ । କାହିଁକି ନା ସାରା ଦେଶରେ ପାଖାପାଖି ୯୦ କୋଟିରୁ ଅଧିକ ଲୋକଙ୍କ ନିକଟରେ ଏଭଳି ଡେବିଟ-କ୍ରେଡିଟ୍ କାର୍ଡ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ମୁତାବକ, ଦେଶର ଅଧିକାଂଶ ବ୍ୟାଙ୍କ ନିଜ ଗ୍ରାହକଙ୍କୁ ମାଷ୍ଟରକାର୍ଡ କିମ୍ବା ଭିଜାର ଡେବିଟ୍-କ୍ରେଡିଟ କାର୍ଡ ଜାରି କରିଥାନ୍ତି । ଆରବିଆଇ ଏହି ସବୁ ବିଦେଶୀ ପେମେଂଟ ଗେଟୱେ କଂପାନୀମାନଙ୍କୁ ଦେଶରେ ନିଜର ସର୍ଭର ଲଗାଇବା ପାଇଁ ୧୫ ଅକ୍ଟୋବର ପର୍ଯ୍ୟନ୍ତ ମହଲତ ଦେଇଥିଲା । ଅର୍ଥାତ୍ ଏହିସବୁ କଂପାନୀମାନଙ୍କୁ ଡାଟା ଷ୍ଟୋର କରିବା ପାଇଁ ଆରବିଆଇ ତରଫରୁ ୧୫ ଅକ୍ଟୋବର ପର୍ଯ୍ୟନ୍ତ ସମୟ ଦିଆଯାଇଥିଲା । କିନ୍ତୁ ୧୫ ଅକ୍ଟୋବର ସୁଧା ଏହି କାମ ସମାପନ କରିବାରେ କଂପାନୀମାନେ ଅସମର୍ଥ ଥିବା ଜଣାପଡିଛି ।
ଅନ୍ୟପକ୍ଷରେ କଂପାନୀମାନଙ୍କର ପ୍ରତିନିଧୀମାନେ ଏସଂପର୍କରେ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କୁ ଭେଟି ଏହାର ସମୟସୀମାକୁ ବଢାଇବାକୁ ଅନୁରୋଧ କରିଛନ୍ତି । ତେବେ କଂପାନୀମାନଙ୍କର ଦାବି ରହିଛି କି, ଡାଟା ଷ୍ଟୋର କରିବାରେ ପାଖାପାଖି ୨ ବର୍ଷ ସମୟ ଲାଗିବ । ଏସଂକ୍ରାନ୍ତରେ ଆର୍ଥିକ ମାମଲାର ସଚିବ ଆରବିଆଇକୁ ଏକ ପତ୍ର ମଧ୍ୟ ଲେଖିଥିଲେ, ହେଲେ ଆରବିଆଇ ତରଫରୁ ଏଯାବତ୍ କୌଣସି ବି ଉତର ମିଳିନାହିଁ ।
ତେବେ ଯଦି ଆରବିଆଇ ନିଜ ନିଷ୍ପତିରେ ଅଟଳ ରହେ ତେବେ ଏହାର ସିଧା ପ୍ରଭାବ ସାଧାରଣ ଜନତାଙ୍କ ଉପରେ ପଡିପାରେ । କାରଣ ବିମୁଦ୍ରାକରଣ ପରଠୁ ଦେଶରେ ଡେବିଟ-କ୍ରେଡିଟି କାର୍ଡର ପ୍ରଚଳନ ବେଶ୍ ବୃଦ୍ଧି ପାଇଛି । ଅଧିକାଂଶ ଲୋକେ ତ କ୍ୟାସ୍ ପରିବର୍ତ୍ତେ କାର୍ଡରେ ପେମେଂଟ କରିବାକୁ ବେଶି ପସନ୍ଦ କରୁଛନ୍ତି । ତେବେ ଭାରତ ବି ନିଜର ରୁପେ ଡେବିଟ୍-କ୍ରେଡିଟ୍ କାର୍ଡ ଜାରି କରିବା ଆରମ୍ଭ କରିଦେଇଛି ହେଲେ ଏଭଳି ୟୁଜର୍ସଙ୍କ ସଂଖ୍ୟା ଦେଶରେ ବହୁତ କମ ରହିଛି । ସେହିପରି ଯଦି ମାଷ୍ଟକାର୍ଡ କିମ୍ବା ଭିଜା ଡେବିଟ-କ୍ରେଡିଟ କାର୍ଡ ବନ୍ଦ ହୋଇଯାଏ ତେବେ ଲୋକଙ୍କ ନିକଟରେ କ୍ୟାସ୍ ବ୍ୟତୀତ ୟୁପିଆଇ, ନେଟବ୍ୟାଙ୍କିଂ ଏବଂ ମୋବାଇଲ ୱାଲେଟ୍ ଭଳି ପେମେଂଟ କରିବାର ବିକଳ୍ପ ହିଁ ବଂଚିବ । ହେଲେ ଏଥିରେ ବି ସେମାନେ ହିଁ ପେମେଂଟ କରିପାରିବେ, ଯେଉଁମାନଙ୍କ ନିକଟରେ ଇଂଟରନେଟ କନେକସନ ଥିବ ଏବଂ ସେ ଏଭଳି ଆପ ବ୍ୟବହାର ବେଶ୍ ଭଲ ଭାବରେ ଜାଣିଥିବେ ।
ଏଠାରେ ଆମେ କହି ରଖୁଛୁ କି, କାର୍ଡ ବନ୍ଦ ହେବା ଦ୍ୱାରା ଲୋକଙ୍କ ନିକଟରେ କ୍ୟାସର ଘୋର ଅଭାବ ପୁଣି ଥରେ ଉପୁଜିପାରେ । କାହିଁକି ନା , ଅଧିକାଂଶ ଲୋକେ ନିଜ ଡେବିଟ-କ୍ରେଡିଟ କାର୍ଡର ବ୍ୟବହାର ଏଟିଏମରୁ ଟଙ୍କା ଉଠାଇବା ପାଇଁ କରୁଛନ୍ତି । ଯଦି ଲୋକେ ଏଟିଏମରୁ ଟଙ୍କା ଉଠାଇପାରିବେନି ତେବେ ପୁଣି ଥରେ ନୋଟବନ୍ଦୀ ଭଳି ପରିସ୍ଥିତି ଉପୁଜିପାରେ । ଏପରିକି ଫେଷ୍ଟିଭ ସିଜିନ ଉପରେ ଏହାର ଗଭୀର ପ୍ରଭାବ ପଡିପାରେ । ତେବେ ଆରବିଆଇର ଏହି ନିଷ୍ପତି କୋଟି କୋଟି ଜେନତାଙ୍କ ପାଇଁ ମହଙ୍ଗା ପଡିପାରେ ।