ସାବଧାନ ! ବଜାରରେ ମିଳୁଛି ବିଷ ତରଭୁଜ, ଖାଇବା କ୍ଷଣି ପେଟରେ ଆରମ୍ଭ ହୋଇଯାଉଛି ଅସହ୍ୟ ଯନ୍ତ୍ରଣା
ଫଳ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । କିନ୍ତୁ ରସୟାନିକ ପଦାର୍ଥ ଦ୍ୱାରା ପଚା ଯାଇଥିବା ଫଳ ସ୍ୱାସ୍ଥ୍ୟ ପାଇଁ ଅଧିକ କ୍ଷତିକାରକ ଅଟେ । ଯାହାର ଏକ ସଦ୍ୟ ଉଦାହରଣ ଆମେ ନିମ୍ନରେ ଆଲୋଚନା କରିଛୁ । ଦିଲ୍ଲୀର ନୋଏଡାରେ ସିଦ୍ଧି ଅଗ୍ରୱାଲ ଜଣେ ବ୍ୟକ୍ତି ବଜାରରୁ ତରଭୁଜ କିଣିଥିଲେ । ତେବେ ତରଭୁଜଟିକୁ ଧରି ସେ ଯେତେବେଳେ ଘରେ ଆସି ପହଂଚିଥିଲେ ସେତେବେଳେ ସେଥିରୁ ଫେଣ ଭଳି କିଛି ବାହାରିବା ଆରମ୍ଭ କରିଦେଇଥାଏ । ତେବେ ରାତି ସାରା ତରଭୁଜରୁ ଫେଣ ବାହାରିବା ବନ୍ଦ ହୋଇନଥିଲା । ଏହାପରେ ସିଦ୍ଧି ଏସଂପର୍କରେ ଖାଦ୍ୟ ସୁରକ୍ଷା ବିଭାଗରେ ଅଭିଯୋଗ କରିଥିଲେ । କିନ୍ତୁ କିଛି ସୁଫଳ ମିଳିନଥିଲା । କାରଣ ଅଭିଯୋଗ ସତ୍ୱେ ବି ବିଭାଗରେ କୌଣସି ବି ଅଧିକାରୀ ଆସି ସାମ୍ପୁଲ ନେଇନଥିଲେ । ଯାହାପରେ ବାଧ୍ୟ ହୋଇ ସେ ଏନେଇ ଉଭୟ ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କ ନିକଟରେ ଅଭିଯୋଗ କରିଥିଲେ । ତୁରୁଭୁଜଟି ଦେଖିବାକୁ ପୂରା ସାଧାରଣ ଥିଲା ସତ କିନ୍ତୁ ଏଥିରେ ଭରା ଯାଇଥିଲା ବିଷ ।
Kanak News is now on WhatsApp
Join and get latest news updates delivered to you via WhatsApp
ସିଦ୍ଧିଙ୍କ କହିବା ମୁତାବକ, ଗତ ଶୁକ୍ରବାର ରାତିରେ ସେ ଘର ପାଖ ବଜାରରୁ ଏକ ତରଭୁଜ କିଣି ଆଣିଥିଲେ । ତେବେ ଘରେ ଆଣି ରଖିବା ପରେ ଏଥିରୁ ହଠାତ୍ ଫେଣ ଭଳି କିଛି ବାହାରିବା ଆରମ୍ଭ କରିଥିଲା । ଏଠାରେ ଆମେ କହି ରଖୁଛୁ କି, ବଜାରରେ ଫଳଗୁଡିକର ଚାହିଦାକୁ ନଜରରେ ରଖି ବେପାରୀମାନେ ଫଳଗୁଡିକୁ ଶୀଘ୍ର ପଚାଇବା ପାଇଁ ଏବଂ ରଙ୍ଗ କଲରଫୁଲ କରିବା ପାଇଁ କେମିକାଲ ବ୍ୟବହାର କରୁଛନ୍ତି । ଆଉ ଏହାକୁ ଖାଇବା ଦ୍ୱାରା ପେଟରେ ସଂକ୍ରମଣ ହୋଇପାରେ । ଫଳ ପଚାଇବା ପାଇଁ ଏଥିଲିନ ଗ୍ୟାସ, କାର୍ବାଇଡ ଇତ୍ୟାଦି ବ୍ୟବହାର କରାଯାଇଥାଏ, ଯାହାକି ମାନବ ଶରୀର ପାଇଁ ହାନୀକାରକ ଅଟେ ।
କିଛି ଗୁରୁତ୍ୱପୂର୍ଣ୍ଣ କଥା
• ଫଳ ଖାଇବା ପୂର୍ବରୁ ଭଲ ଭାବରେ ଧୁଅନ୍ତୁ ।
• ପ୍ରାକୃତିକ ରୂପରେ ପାଚିଥିବା ଫଳର ସ୍ୱାଦ କିଛି ଅଲଗା ରହିଥାଏ, କିନ୍ତୁ ଜବରଦସ୍ତ ପଚାଯାଇଥିବା ଫଳର ସ୍ୱାଦ ପୂରା ଖରାପ ହୋଇଥାଏ ।
• ସବୁଜ ଏବଂ ପତ୍ରଭରା ପନିପରିବାର ଉପରି ଭାଗ ଅଂଶ ଖତରନାକ ରସାୟନିକ ଅବଶେଷ ରହିଥାଏ । ଏଥିପାଇଁ ତାକୁ ଭଲଭାବରେ ଧୋଇ ଖାଆନ୍ତୁ ।