ଡିସକାଉଂଟରେ ଜିନିଷ କିଣି ହଟହଟ୍ଟାରେ ହେଲେ ଗ୍ରାହକ । ଜଳି ଗଲା ଘର । ହାତ ଟେକିଦେଲା କଂପାନୀ
ଶସ୍ତାରେ ହିନସ୍ତା । ଶସ୍ତାରେ ପାଇ ଜିନିଷ କିଣି ଦୁର୍ଘଟଣାର ଶିକାର ହୋଇଛନ୍ତି ଏକ ପରିବାର । ଯଦିଓ ଦୁର୍ଘଟଣାଟି ଏତେ ଭୟାନକ ନଥିଲା ମାତ୍ର ଯଦି ଉପଯୁକ୍ତ ସମୟରେ ଉଦ୍ଧାରକାରୀ ଆସି ପହଂଚି ନଥାନ୍ତେ ତେବେ ଏହାଦ୍ୱାରା ଏକ ବଡ ଦୁର୍ଘଟଣା ଘଟିପାରି ଥାନ୍ତା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇଂଲଣ୍ଡର ଡୋରସେଟ କାଉଂଟିରେ ଫୋନ ଚାର୍ଜର କାରଣରୁ ଘଟିଥିବା ଏହି ଦୁର୍ଘଟଣାରେ ଗୋଟିଏ ଘର ସଂପୂର୍ଣ୍ଣ ଭାବରେ ଜଳି ପୋଡି ନାରଖାର ହୋଇଯାଇଛି । ତେବେ ଯେଉଁ ସମୟରେ ନିଆଁ ଲାଗିଥିଲା, ସେ ସମୟରେ ଘରେ ଜଣେ ମହିଳା ନିଜ ତିନି ପିଲାଙ୍କ ସହିତ ଉଲସ୍ଥିତ ଥିଲେ । ଯଦିଓ ସଠିକ୍ ସମୟରେ ଅଗ୍ନିଶମ ବିଭାଗର କର୍ମଚାରୀମାନେ ପହଂଚି ନିଆଁକୁ ଆୟତ କରିଦେଇଥିଲେ ମାତ୍ର ଏହାଦ୍ୱାରା ପ୍ରାଣହାନୀ ଘଟିବାର ସମ୍ଭାବନା ବହୁତ ଅଧିକ ଥିଲା ।
ଡୋରସେଟ କାଉଂଟିରେ ଥିବା ଏହି ଘରେ ରହୁଥିବା ଡୋନା ବର୍ଟନଙ୍କ କହିବା କଥା ହେଲା କି, ତାଙ୍କ ପୁଅ ଏକ ଡିସକାଉଂଟ ସପରୁ ଏକ ମୋବାଇଲ ଚାର୍ଜର ଡିସକାଉଂଟରେ ଆଣିଥିଲେ । ଏହି ଚାର୍ଜରକୁ ପ୍ଲଗରେ ଲଗାଇ ମୋବାଇଲ ଚାର୍ଜ ପାଇଁ ବସାଇ ଅନ୍ୟ ଏକ ରୁମକୁ ଚାଲିଆସିଥିଲେ । ଠିକ୍ ଏହି ସମୟରେ ହିଁ ଏହି ଦୁର୍ଘଟଣାଟି ଘଟିଥିଲା । ଡୋନାଙ୍କ କଥା ଅନୁସାରେ, ତାଙ୍କୁ ପଅ ଯେତେବେଳେ ଆଣିଥିବା ଚାର୍ଜରକୁ ପ୍ଲଗରେ ଲଗାଇ ମୋବାଇଲକୁ ଚାର୍ଜରେ ବସାଇଥିଲା । ସେତେବେଳେ ସେ ତାର ପାଖ ରୁମରେ ବସିଥିଲେ । ଆଉ ଠିକ୍ ଏହି ସମୟରେ ହିଁ ମୋବାଇଲ ଚାର୍ଜ ବସିଥିବା ରୁମରୁ କିଛି ଜଳିବାର ଦୁର୍ଗନ୍ଧ ଆସିଥିଲା । ଏହାପରେ ସେ ରୁମ୍ ଭିତରେ ପହଂଚି ଦେଖନ୍ତୁ ତ ପ୍ଲଗରେ ଲାଗିଥିବା ଚାର୍ଜରୁ ନିଆଁ ବାହାରୁଛି । ଏହାପରେ ଧିରେ ଧିରେ ନିଆଁ ଘର ସାରା ବ୍ୟାପିବା ଆରମ୍ଭ କରିଦେଇଥିଲା । ଏହାପରେ ଡୋନା ତୁରନ୍ତ ଏନେଇ ଅଗ୍ନିଶମ ବିଭାଗ ସହ ଯୋଗାଯୋଗ କରିଥିଲେ ଓ ଡୋନାଙ୍କ ଫୋନ ପାଇଁ ସଙ୍ଗେ ସଙ୍ଗେ କର୍ମଚାରୀମାନେ ପହଂଚି ନିଆଁକୁ ଆୟତ କରିଥିଲେ ।
ଏହି ନିଆଁ ଲିଭା କାର୍ଯ୍ୟରେ ନିୟୋଜିତ ଜଣେ ବରିଷ୍ଠ ଅଗ୍ନିଶମ ଅଧିକାରୀଙ୍କ କହିବା ଅନୁସାରେ, ନିଆଁ ଲାଗିବାର ମୁଖ୍ୟ କାରଣ ଥିଲା ଶସ୍ତାରେ ଆଣିଥିବା ଏହି ଚାର୍ଜର । ଯାହାକି ପୂରା ନକଲି ତଥା ଖରାପ କ୍ୱାଲିଟିର ଥିଲା । ଯାହାଦ୍ୱାରା ଭାରସାମ୍ୟ ହରାଇ ଏଥିରେ ନିଆଁ ଲାଗିଯାଇଥିଲା । ତେଣୁ ଏହି ଘଟଣାରୁ ଗୋଟିଏ ଶିକ୍ଷା ମିଳୁଛି କି, କେବେ ହେଲେ ଶସ୍ତାରେ କିମ୍ବା ଡିସକାଉଂଟରେ କୌଣସି ବୈଦ୍ୟୁତିକ ଉପକରଣ କିଣନ୍ତୁ ନାହିଁ । ଯେଉଁ ମୋବାଇଲ କିଣୁଛନ୍ତି ସେହି ତାର ଓରିଜିନାଲ ଚାର୍ଜର ହିଁ ବ୍ୟବହାର କରନ୍ତୁ । କେବେ ଅନ୍ୟ କୌଣସି କଂପାନୀର ଚାର୍ଜର ବ୍ୟବହାର କରନ୍ତୁ ନାହିଁ ।